بماذا تتفوق نيسان على تويوتا؟؟ وبماذا تويوتا تتفوق علىنيسان

اخوي اذا كان قصدك على الالتيما والكامري فما ظنتي هناك مقارنه لان اخوي نيساني جابلي صوره الفل كامل للالتيما وهذي هي



اخوي فيه نوع من الفخامه لااعتقد ذلك اطلاقا بل بالعكس نوع السيارات الرياضيه البحته لدرجة شوف القير مُطعم بالنيكل



والان كلهم فل كامل ها فيه وجه مقارنه لااعتقد ذلك الالتيما تميل الى النوع الرياضي اما الكامري فتميل نوع من الفخامه

الكامري تتفوق عندي على الالتيما الموجوده بالصوره
1- الفخامه وبدون مقارنه
2-الدركسون
3-الشاشه << تحس انها جايه مع السياره شد بلد
4- القير

الالتيما تتفوق
1- ممكن نقول الطبلون فقط لاغير
يعني لو تلاحظ الشاشه كأنها شغل الغرابي مركبه تركيب

ترانا الى الان ماتكلمنا عن المكينه الكامري 3,5 بقوة جامحه تصل الى 269 اما الالتيما 3,5 بقوة 265 والتفوق للكامري لوووووووووووووووول << لاتجي تقولي SE-R هذي مالها دخل بالسالفه:D


ولايهمك

وهذي اللكزس es



وهذي الانفنتي بس اخوي مو كأنها M ولا انا غلطان على العموم شوف الصوره


8
8
8
8
نسخه من الـ M لكن على العموم لو بما انها مُطعمه بالخشب طلعت جنان وفعلا في هذي لكم حق شكلها مجنون مو الي الي بدون خشب

لكن انا اشوف ان اللكزس تتفوق بأشياء في الداخليه والانفنتي تتفوق بأشياء

اللكزس
1- الطبلون الفوق خيالي وافضل طبلون شفته صراحتا
2-التخشيبه << مع انها مسألة ذوق لكني مالمست تخشيبة الانفنتي عشان اتأكد
3- انا ارى ان محل الشاشه افضل من محل شاشة الانفنتي

الانفنتي
1- ديزاين المكيف على الساعه على القير رووووووعه لكن الشاشه ليتها مخلينها زي اللكزس يعني لو انهم مكملين الديزاين مباشره للشاشه كان تطلع روعه
2- الدركسون << وهذا حق صراحتا دركسون الانفنتي هذي روعه بل خيال لكن اللكزس يرفع الضغط كأنه دركسون هايلكس << اووووووووه معليش يااصحاب اللكزس
3- الطبلون ماادري احس مره انه رهيب واحس مره انه كأنه مواصير ماء :D


على العموم الانفنتي ماركه روعه وهي الي فعلا تقارن بلكزس لكن الالتيما صراحتا خيبة ظني


والله اخوي نيساني هو الي ذكرني بالموضوع لاني ناسيه


وارجوا ان يكون جوابكم مقنع وايضا جوابي


نتظركم


وسلام

اخوي كامري
بالنسبة للألتيما فكما قلت لك انه توجد فئات ثانيه لم تعرض صورها

وصحيح كلامك عن الرياضيه والسبب ان الالتيما في الاساس سياره رياضيه وتوجد منها فئات رياضيه بحته وتسمى SE-R

اما السيارة السيدان التي يغلب عليها طابع الفخامه فهي الماكسيما وللأسف لم تتغير منذ 8 سنوات

ويحتمل عام 2008 طرح الموديل الجديد

او إلغائها وفي هذه الحاله اعتقد ان نيسان ستصدر سياره فخمه جديده لمواجهة الافالون

بالنسبة للجي فاعتقد ان هناك انواع اخرى من التخشيب

ومثل ماقال كوين هناك سيارات لمرسيدس بتخشيبه بدون لمعه وهذا لا يعني الردائه او طاوله طعام

واذا اخذنا بهذا الكلام فهي محاولة لجرح سمعة مرسيدس بنز

صاحبة افخم السيارات على الاطلاق

وبالحديث عن التخشيب احب ان اعرض عليك معلومه

وهي ان تخشيب lexus is350 مجرد صبغ ركيك

وقابل للإنقشار مع الوقت بشهادة ملاكها

بالنسبة للصور فهذي صور نيسان فوجا وهي توأم INFINITI M والديكورالخشبي ليس بلاستيك ابداً

اما انها ليس بالمستوى المطلوب فهذي شهاده مجروحه لانك ماشفتها على الحقيقه

و كلامك مبالغه واذا طال الحديث راح نوصل لموضوع المقارنات والدلائل

بالنسبة للسعر وتقبل الناس لها

بعطيك معلومه ارجوا ان تتقبلها

وهي ارقام رسميه لمبيعات M و مبيعات GS في اهم سوق لهاتين الماركتين للشهر الماضي:

مبيعات الولايات المتحده لشهر يوليو LEXUS GS 450H + GS 300 + GS 430 = 2075

مبيعات الولايات المتحده لشهر يوليو 2293 = INFINITI M45 + M35

واذا تريد المصادر الرسمية انا حاضر

المزيد من صور INFINITI M

لنتهى مع التحيه

موضوع حلو |1|

بالنسبة للمحركات ترى نيسان هي افضل الشركات اليابانية و من افضل الشركات العالمية من ناحية صناعة افضل المحركات ، يكفي محركات VQ و RB و SR اللي تتكلم عن نفسها بنفسها

نيسان مقارنة مع تويوتا اطلقت محرك 3.5 لتر من عام 2002 تقريبا لكن تويوتا قلدت ( كالعادة ) و اطلقته في سياراتها في عام 2005 ، باقي الهوندا تنتج محرك بنفس السعة ، لكن نيسان راح ترفع الصقف عاليا باطلاقها لمحرك بسعة اكبر و كالعادة بتجي تويوتا و تقلد ، وعلى فكرة : محركات النيسان اطول عمرا من التويوتا و تستخرج العزم على سرعات دوران اقل

اما من ناحية الكرف و الاعتمادية فتويوتا افضل بلا شك ، لكن هالافضلية ( بفارق كبير ) كانت بالسابق ايام الكراسيدا و الكراون ، السيارات اللي تعمر ولا تطلب شي مهما كرفتها ، لكن الاعتمادية و الكرف حاليا في تقارب كبير ما بينهم مع افضلية قليلة لتويوتا ، وان ارادت نيسان رفع مستويات اعتمادية سياراتها الى درجة اعلى فما اظن ان هذا بالشي الصعب مع اني اتوقع ان هالشي راح يصير في القريب

واللي يقولي ان نيسان سيارات ما تعيش الا سنة او سنتين بس ابي اسأله سؤال واتمنى انه يرد علي بكل صراحة : ليش انا اشوف و الكل يشوف سيارات نيسان موديلات الثمانينات امثال الددسن 85 واللوريل 86 و الباترول موديل 90 واللوريل التيما موديل 92 و السيدريك الى يومك و هي تمشي بالشوارع ؟ اترك لكم الاجابة

من ناحية التصاميم الخارجية هي طبعا مسألة ذوق لكن نيسان افضل بكثير من تويوتا في هالناحية ، اما التصاميم الداخلية فكانت في نيسان من اروع ما يمكن خصوصا بالماكسيما الشكل الحالي و الجلوريا و الباترول ( 98 ) و الباثفايندر لكن بصراحة من تالي روعتها اختفت لكن انا بعد ما شفت التصاميم الداخلية الجديدة في كل من الالتيما الجديدة و الجي و الام من الانفنيتي وقريبا الارمادا بتصميمها الداخلي الجديد تأكد ان روعة التصاميم الداخلية في طريقها للعودة ، تويوتا فيها ايضا تصاميم داخلية اي كلام لكنها على الاقل افضل من نيسان ( بالوقت الحالي )

مسألة قطع الغيار فالنيسان اغلى من التويوتا لكن على قد ما تدفع على قد ما تعيش معاك ، يعني نيسان اغلى لكنها تعيش اطول من قطع التويوتا ، واعتقد ان الاغلبية يتفقون معي في هالنقطة

الوكلاء هنا ابو جميل افضل من الحمراني النايم على ودانوه ، يعني سيارات رائعة مثل الانفنيتي حرام يمسكها هالحمراني التعبان ، ناس اعرفهم يبون ياخذون انفنيتي لكن اللي يردهم هو خدمة الحمراني ما بعد البيع و اللي ما توصل لخدمة ابو جميل بسيارات اللكزس ، لكن اتمنى ان الوضع هذا يتغير بعد ما توصل السيارات الجديدة في 2007 لان انفنيتي بتصير معروفة بشكل اكبر مع تعدد موديلاتها و ازدياد انتشارها

سعر ما بعد البيع التويوتا افضل في اغلب سياراتها بسبب ان الشعب اللي هنا هو شعب التويوتا :D لكن نيسان مهيب شينة ابد في مسألة اعادة البيع للسيارة ، صحيح ان الباترول يطيح سعره بعد ما تشتريه ، لكن انا ملاحظ في شكل 2005 وما بعد ان مسكته للسعر تحسنت عن قبل ( موديل 2004 و قبل ) ولا ادري وش السر في هالشي

فيه سيارات للنيسان تمسك سعرها مثل البيك اب والباثفايندر و الماكسيما و الصني نوعا ما ، اما السيارات الجديدة مثل الارمادا و الزد و المورانو الى الآن ما بعد جا عليها عرض و طلب كبير حتى يعرف اذا كانت تمسك السعر او لا

فيه شي لاحظته من تالي و ياليت احد يقولي وش السبب ، اللكزس ال اس 430 موديل 2004 و طالع ما تمسك سعرها زي الشكل اللي كان في 2003 ، الحين تطلعها بـ 260 الف جديدة موديل 2006 و اذا رحت السوق وحصلت موديل 2004 تحصلها ما بين الـ 160 الى 170 الف ، يعني طاحت 100 الف في موديلين ، يا ترى ليش ؟

اما سالفة ان النيسان تتفكك و تتهربد يمكن هالشي كان في السيارات القديمة ، انا املك ماكسيما 2000 والى يومي ما سمعت فيها اصوات تفكك ابد ، مع اني اجلدها جلد ولا ارحمها لكن الى الحين ( ما شاء الله عليها ) ممتازة و زي العسل ، لاحظ انها اكملت 6 سنين وللحين من اروع ما يمكن ، مو سنة وحدة يا بعض الناس ;)

خلاصة الكلام : نيسان في طريقها لان تصبح افضل خصوصا اذا ما علمنا انها بصدد اطلاق 28 سيارة جديدة خلال 3 سنوات مع اطلاق 18 منها في اسواق الشرق الاوسط ليصبح مجموع السيارات المتوفرة من نيسان هو 25 سيارة ، يعني نيسان بتمتلك اكبر مجموعة من السيارات في الشرق الاوسط مطروحة للبيع مع هدف امتلاك نسبة 30% من السوق ، ايضا يلاحظ تحسن نيسان الواضح في تصميم سيارات جذابة اكثر مع تحسن واضح على كل الاصعدة

بالمقابل تويوتا اعتقد انها تعتمد على السمعة في جميع انحاء العالم مع ملاحظة تراجع على مستوى الجودة بدليل كثرة استدعاء السيارات الجديدة من تويوتا و لكزس في الاونة الاخيرة مع مشكلة الحريق اللي يطلع فجأة في الهايلكس ، ولعل ان هالامر يوضع له حد من الشركة الصانعة حتى نشوف تنافس حلو بين الشركتين ويستفيد المستهلك بالاخير

عذرا للاطالة

اخوي كامري انت تقارن داخلية الـ ES مع الـ G35 ؟

اخوي مقارنتك غلط لان الـ ES فئه اعلى من الـ G35 اللي منافسها الحقيقي هو IS 350 وليس الـ ES350 ...

في فئات من المرسيدس S CLASS و CLS تجي بدون لمعه فاللمعه مو كل شي اهم شي نوعية الخشب :)

نيساني ماخليت لي شي اقوله كفو |3|

ياعيني على الرد |1| والله رد واحد فاهم مشاء الله


اخوي الان يمكنني ان انقاش الموضوع وانا مطمائن البال لوجود اعضاء مثل اسلوبك الغير متعصب واسلوب الواحد فاهم

المهم اخوي

انت وريتني صورة الالتيما طيب انت شوف الداخليه حقت الفل والله سلق وشوف داخلية الكامري وانت عاد احكم الالتيما تحس داخليتها فيها كثير بل كثير جدا من الرياضيه اما الكامري فيها نوع ما من الفخامه

والان نشوف G اخوي التخشيبه احس انها من النوع الغير المتلمع << مثل تخشيبات طاولات الطعام الغير ملمعه لكن جميل منظرها

لكن شوف تخشيبة ES روعه ولكن الكنسول االخير الي صورته شوي كبيره صراحتا روعه بل ابداااااع |1| تبع الانتفنتي وانا اعتقد انه ليس للـ G بل هو للـ M ولا لا اخوي بس صراحتا اطلق شيء محل ازرار المكيفات لكن اعتقد انها ليس بالمستوى المطلوب او بالمعنى الاخص تحس انها بلاستيك << انا قلت احساس :D وياليت خيب ظني وارجوا ان يكون سعرها في متناول الجميع لانه لو كان سعرها غالي شوي مااعتقد ان احد راح يشتريها لان اكثر الناس لكزس وبس في الياباني وايضا تويوتا وبس

وسلام

وعلى فكره جبلي ميزات غيرها لووووووووول

[CENTER]لكن اخوي شوف المقارنه هذي وانت احكم بالي تبي وياليت بالعدل

CAMRY

ALTIMA

بالله عليك في وجه مقارنه طبعا مافيه مقارنه وانت احكم بالعدل وتعال شوف هذي

ES

G35

لا اعتقد ايضا في هذه في وجه مقارنه

والان تعال شوف المقارنه الي من جد ظلم تقارن فيها

AVALON

MAXIMA

بالله عليك شوف الفرق شوف الابداع بتويوتا شوف الابداع بلكزس شوف الهندسه اليابانيه كيف

المشكله في نيسان فخامته الداخليه حاطينها رياضيه بحت بالله عليك شوف G35 هذي موتر كشخه ولا موتر رياضي ؟
وشوف اللكزس مشاء الله كشخه صح

وشوف الكامري والالتيما طبعا لاتعلييييييييييييييييييييييييييييييييق !!!!!!!!!

والافالون والمكس ايضا لاتعليييييييييييييييييييييييييق !!!!!!

نيسان مشكلتها الديكو الداخلي رياضي فوق اللزوم

هذا ردي المتواضع

وارجوا انك ترد برد جمييل مثل ردك الي رديته علي اخوي نيساني صراحتا انا توقع رد تعصب لكن فعلا ردك رد واحد فاهم وتعجبني

وسلام

في رايي ان نيسان افضل من تويوتا في
1- قوة المحركات 2-الفخامه 3- تصاميم اجمل من تصاميم التويوتا
4- اسعار معقوله 5-وكيل افضل بقليل من علي بابا (ابو جميل )
وفي رايي التويوتا افضل من النيسان في
1-عمر اطول 2-رساااوه افضل بقليل من نيسان على الخطوط السريعه 3- سعر افضل عند البيع

8
88
888
وجهة نظر

تحياتي :)