السلام عليكم ورحمة الله وبركاته
[COLOR=red]صبحكم الله بالخير أعضاء ومشرفي منتدى السيارات وحبيت أعرض عليكم مشكلتي وتساؤلي وإن شاء الله أنتوا منتو مقصرين معاي كعادتكم مع الكل ربنا يوفقكم[/COLOR]
السالفة ومافيها إن محسوبكم صار عليه حادث (الله يسلمكم كلكم :d) وطلعنا بتلفيات مادية بحمد الله..
[COLOR=red]اللي صار كان فيه تقاطع وأنا تجاوزت الشارع الأول من التقاطع وبقى الشارع الثاني ويوم جيت بقطع الشارع ماحطيت في بالي سرعة السيارة اللي جاية من هناك (أبو حشش تسعاوي) أثاري الرجال كان مسرع وأنا ماحطيت في بالي إنه بهالسرعة وصار التصادم وأنعدمت وجهيته وأنا الباب الأيمن راح فيها (بتقولين وش عنده اللي صادمه تسعاودي وماجاه إلا الباب اليمين) بقولكم إن موتري أقوى (من ناحية الحديد) من التسعاوي وخمنوا وإطلعوا بنتيجة..!![/COLOR]
[COLOR=red]اللي صار إني يوم توقفت في وسط التقاطع شديت أو بمعنى (شحطت) عالموتر (مو ذاك القوة صراحة) عشان يمديني أوصل للجهة الثانية قبل يصير التصادم..[/COLOR]
[COLOR=red]طبعاً أنا عندي تأمين التعاونية (وفيه شخص قريت موضوعه قبل شوي يسأل عن التأمين وأقوله أنا مأمن ب1025 ريال لأني أقل من 21 سنة والله ماحسيت بقيمة الفلوس لأني واثق ومرتاح بالي حتى لو ما"حللت" التأمين بحادث يعني أقول لخوينا أمن في التعاونية وأنت مغمض) نرجع لموضوعنا الأخ الكريم (رجل المرور) اللي حضر وبناء على إدلاء الشهود بشهاداتهم قال إن سبب الحادث تفحيط ..!![/COLOR]
[COLOR=red]ياجماعة هل إذا شديت على الموتر يعتبر تفحيط..؟؟[/COLOR]
[COLOR=red]لأن التأمين مشى أوكيه من عندهم لكن أتصل علي اليوم الثاني شخص من التأمين يقول إن رجل المرور حط في التقرير إن سبب الحادث هو "التفحيط" وحنا (اللي هم التعاونية) مايغطون التأمين..[/COLOR]
[COLOR=red]ياجماعة الخير هذا يسمى تفحيط؟؟؟[/COLOR]
[COLOR=red]قال إذا أنت تعتبر نفسك مافحطت إرسل صور لبطاقة الأحوال والرخصة والتأمين وإفادة كتابية منك ومع كروكي وتفاصيل للحادث..[/COLOR]
[COLOR=red]أرسلتها لهم من يوم الأحد وإلى يومكم وأنا أنتظر رد من المرور أو من التأمين لكن لا أحد..[/COLOR]
[COLOR=#ff0000]واللي قهرني إن العسكري يوم أخذةبطاقة التأمين شكل الغالي تركها على طبلون السيارة أو في مكان معرض للشمس والبطاقة ماعت شوي من الشمس :( [/COLOR]
[COLOR=#ff0000]مايصلحش أبد :([/COLOR]
[COLOR=#ff0000]مايصلحش أبد :([/COLOR]
[COLOR=red]أتمنى منكم الإفادة يالغالين والله لايحرمكم الأجر[/COLOR]
[COLOR=red]وتقبلوا تحياتي[/COLOR]
[COLOR=red]عبود[/COLOR]
