ومحتار بين عدة سيارات

الفكتوريا مرغوبة في البيع اكثر من الماركيز بسبب قله الاشياء الالكترونية فيها ممايجعل صيانتها اسهل وعمر اجزاءها الالكترونية اطول مثل الطبلون والمكيف وماالى ذلك
نصيحة: مدام انه سيارتك القديمة كرسيدا فمااتوقع انك ترتاح مع الامريكي فالافضل انك تجرب جميع السيارات اللي في بالك واللي ترتاحلها تتوكل على الله وتاخذها

تحياتي

الله لا يحرمك الأجر مشرفنا فيصل .. والله اتعبتك ..

مشكور أخي الديم

بويل مشكور أخي والله اللتيما حلوة بس هل هي صبورة وقوية كا الكامري .. ياليت تفيدني بذلك

خذ التيما افضل لك راحه وكل شيء
والله يكتب الي لك فيه خير

كراون فيكتوريا

ياعزيزي ياليالي نجد


بالنسبة للفورد او الفكتوريا فهو نسخة واحده واوكد لك بان الفكتوريا والماركيز سيارة واحدة

ولا فيها اي شي يختلف ماعدا التخشيبه الداخلية الاكسسورات الخارجية الانوار الاسطبات الخلفية الشبك

لكن بدي شاص مكينة قير دفرنس اذرعة مقصات ركب كلها واحد واحد واحد

فالي يقولك ان الفكتوريا يصبر اكثر من الماركيز فهذا غير صحيح

بالنسبة للكامري سيارة اقتصادية وعملية وواسعة وخفيفة نفس في الحركة وتختلف عن الماركيز

لان الماركيز ثقيل يعني مشي الماركيز يختلف عن الكامري والافضل لك ان تجرب السيارتين

لان اللي يعجبك لايعجب الاخرين فاحتمال لاتعجبك الكامري كقيادة واحتمال العكس ماتعجبك الماركيز

ولاحظ ان الماركيز تعتبر من السيارات الكبيرة والكامري من السيارات المتوسطة فيوجد اختلاف كبير

من ناحية المحرك والوزن والحجم والقيادة والدفع الخلفي بالماركيز والدفع الامامية بالكامري


والهوند حلوة ولا عليها غبار بس يعيبها قطع غيارها بانها غالية على حسب كلام الغالبية

لذا انصحك بتجربة السيارات التي على بالك وتشوف اي السيارات التي تجذبك اكثر من ناحية الراحة

ومن ناحية القيادة

فالسيارات جميعهن ممتازات ولهن شهرة كبيرة بالسعودية


ويبقي الاختيار والخيار الاخير لك

ونصيحة شوف اللي يعجبك ويشدك اكثر بعد تجربتهن


وموفق خير انشاء الله

أشكركم جميعاً على تجملكم ..

وأشوف الجميع مؤيد بشدة للإمريكي ..


لكن بعد السؤال عن الفورد والقراند مركيز ..

أتضح أن الفورد صح هو أقل فخامة بس أصبر شوي من القراند مركيز ..

ياليت تفيدوني في هذه النقطة ..


وخاصة أن اليعرفني من الشباب قال أنت ماتنفع معك ها السيارت ( حطوموني)

والبعض أشار على يا الكامري أو الهوندا أكورد ..

الكامري أعرفها مزبوط بس شاببية مرة

والهوندا خلفيتي عنها قليلة ..

أكرر شكري لكم جميعا .. والله آنستموني بردودكم وحبكم للنصح لي ..
شاكر لكم ومقدر

شوف اخوي ليالي نجد........... من واقع تجاربي مع السيارات وهي الددسن والهايلكس والكراسيد والالتيما والكابرس والفكتوريا

والهونداي والانتربيد دوج والزد اكس وكثير من السيارات لااستطيع حصرها


جميعها تطلع اصوات مع المطبات الموجودة الان في شوارعنا خاصة اذا كانت السيارة قديمة او عمرها

تعدا السنه

وراح تتعب من مسالة انك تبي سيارة ماتطلع اي صوت مع المطبات

اخي الفاضل كم تعلم عندنا بالسعودية مطبات الله لايوريك وثاني شي مسالة تغيير المساعدات وتغيير

ربلات البدي وربلات عمود التوازن ووو هذه معدومة لدينا وقليل من تجد يعمل صيانة

ثم ماذا ياتي؟ ياتي التذمر وان السيارة تتكسر والسيارة فيها والسيارة فيها ويالله يطلعون الف عيب في كل سيارة



لقد ذهبت الى ماليزيا ووجدت سيارات قديمة ومع ذلك تجدها كالجديدة والشوارع عندهم ماشاء الله

لا اقول خالية من المطبات ولكنها افضل من السعودية بكثير وهذا سبب من الاسباب التي تجعل السيارة مافيها اصوات


ثانيا عندنا نحن معشر الشباب نريد سيارة لا تصدر اي صوت على الحفريات الموجوده في هذه الطرق

السيئة وعند اي صوت بالديكور مع قوة المطبات ياتي من ياتي ويشتكي بان الديكورات والاصوات وهذا شي طبيعي



عندي دادسن 2005 انواع الاصوات مع المطبات وزميل لي عنده 2002 وماشي اكثر من سيارتي الددسن

ومع ذلك ماشاء الله كانها جديدة وانا سيارتي انواع الاصوات لماذا؟ لاني انا استعملها استعمال سي

وماخليت مطب الا واكلته وماخليت مكان بالبر الا وطامرت فيها وماذا بعد ذلك وبما اني عندي خبرة لاباس بها

عن المكانيكا فقد ذهبت الى شخص اعرفه مكانيكي وقلت له اريدك الان النزول معي تحت الحفرة والكشف

على ربلات البدي والمساعدات والاذرعة وو المقصات والركب فاكتشفنا الاتي : ربلات البدي غير صالحة واصبحت

ضعيفة واصبحت غير متماسكه مع البدي والمساعدات اصبحت ضعيفة جدا اما من ناحية الركب فهي سليمة والاذرعة

فيجب

وزنها فغيرت ربلات البدي والمساعدات ووزنة الاذرعة واخرجتها وماشاء الله طلعت كانها جديدة

عموما اطلت الحديث وارجو ان التجربة مفيدة


لذا الماركيز والفكتوريا والسيارات الاخرى يصدر منها اصوات مع المطبات الحالية والحفريات وهذا شي طبيعي


غير كذا لاحظ بان الماركيز والفكتوريا ماليه السعودية من عام 95 حتى عام 2006 ولم تتاثر بالسلبيات الموجودة

في السيارة والتي يشتكي منها البعض لانها ليست له اهميه تذكر الا عند الحساسين وعندهم حساسية من

اي صوت كان

لذا اتمنى اذا كنت بالرياض ان تاتي وتجرب فكتوريا موديل 2001 ماشي فوق 200 الف كيلو وماركيز 2000 وفكتوريا 2005 موجوده لدي

واسمع الاصوات التي يقول عنها البعض وبعدها اريدك ان تكتب عن تجربتك مع تلك السيارات في المنتدى


وموفق خير انشاء الله ويكتب لك مافيه الخير


ملاحظة : قيادة السيارة الاميريكية تختلف عن قيادة السيارة اليابانية لما تتميز به السيارة الاميركية من الوزن العالي

وافضل تجربة السيارة قبل الشراء

استخر .. وخذلك ماركيز والله يوفقك ..

تلقى لك ماركيز موديل 2001 نظيف جداً مايتجاوز 43 ألف
وانا عن نفسي شايف وحدة مامشت إلا 40 ميل وارد أمريكا فول
اوبشن من جلد وعدادات الكترونية و غيرها من الأشياء ..

لكن إذا كنت تقدر تدفع لين 50 شف لك وحدة موديل 2003 مثلا ً !
بس انتبه لاتكون مترهقلة !!

يعني افحصها بالاول ..

شوف إي سياره امريكية خذ علم بتهرقل وبتقربع إذا كنت من النوع اللي تطيح بحفر كثيره

عكس الياباني يتقربع بس بعد ما تطلع روحه وتكرفه كرف الويل صح بعدين يبدأ يقربع وبعد أخف من قربعه الامريكي

الفورد ممتاز ورائع لكن عيبه الوووووووووحيد الهربده بعد فتره وتطلع لك اصوات من كل صوب ديكور البيبان وصوت

من الطبلون وصوت من المسجل

شوفني انا يارجل بالمطبات تقول معي لكزس مو فورد بس برضو لا يسلم من الاصوات ولو تلاحظ وتتابع المنتدى فيه موضوع كاتبه احد الاخوان يشتكي من هل الاصوات لكن وين نلاقي الحل

وبالاخير اتمنى لك التوفيق والسعاده والفلاح والصلاح بالدنيا والاخره

مع اجمل تحية ,,,

بما انك رب اسرة وعندك اطفال..
انصحك بالقراند الماركيز..
راحة وامان و فخامة ..
لكن مثل ما قالوا الاخوان حافظ عليه عشان يطول معك..
وبالتوفيق

تبي الصدق لو بحافظ عليه من المطبات ما مشيت أصلاً لأن الشوارع عندنا راااايحة فيها مررررة ..

وشغالين كل فترة حفريات الله يسلم ..

وياليت توضع ليش راح أكرهه مع المطبات عسى بس ما يهرقل .. ترى المعلومات اللي عندي قليلة جدا ..

مشكور أخوي العزيز ..

ولد واحد مو راح تضيك أي سيارة إن شاء الله .. حتى لو صاروا ثلاثة :)

الفكتوريا والماكيز شكل ممتاز جدا بس اللي قاهرني كبره .. مدري ليه ممكن متعود على الكرسيدا

شوف ياخي الفورد جميل ويتناسب معك خاصه بأنك متزوج وايضاً لانك تبحث عن الراحه فهو أكيد اريح من التيما

والمكسيما لكن إذا ما تحافظ عليه من المطبات راح تكره بعد فتره طبعاً عارف ليش ؟؟؟

والله يوفقك بالشي الجميل والطيب

تحياتي ,,,