والله ياخوي بروكسي مدري باي مدينه انت بس انا رحت ركبتها في الدمام شارع تويوتا في محل نسيت اسمه بس يسوي تخشيب و لمبات زينون و بجمبه محل مشهور بفتحات السقف كلها ناسي اساميها بس هي بشارع تيوتا اللي بالدمام
مشكور أخوي أكورد فتحت لي أبواب مغلقة لكن أنا عليمي يعني على وجهي ما أعرف بهالشغلات إذا ممكن تدلني على محل أسوي عنده الشغلة في أي مدينة أكون لك ممنوون ولك جزيل الشكر مقدما الله لا يحرمك الأجر
أخوي بروكسي ودي أفيدك لاكن أنت بالرياض لاكن مو مهم بعلمك وش سويت أنا بسيارتي الأكورد
أنا مركب أنوار زينون حقت اللكزس و الفي أكس آر و للمعلوميه كلها نفس الشمعه و نفس القاعده
بس يهمك المحول الكهرب حق الزينون أنا مركب هيلا أصلي و الهيلا الأصلي نادر تلقاه و الكرتون حقها لونه أصفر بشكل عام و عليه كتابه بلأزرق هيلا و صناعته ألمانيه تلقاها مكتوبه علا طرف الكرتون نفسه
أنت إذا ركبت الزينون خله يركب لك كيت أوت ( كتاوت ) علشان لو صار أي شي لاقدر إلتماس أو غيره يكون معزول عن كهربه السياره هذا واحد الشي الثاني لمبات الزينون نفسها حقت الفي أكس آر لازم تترهم شي بسيط يعني بينقص من أطراف قاعدتها البلاستيكيه شي معقول و تتثبت في القاعده حقت اللمبات بسيارتك و فيه طريقه ثانيه بدال ما يحط غرى و يخرب عليك قاعده لمبات السياره خله يقص لك قطعه ألمنيوم أو أي معدن نوعاً ما قاسي و مب سميك و يثبتها بالمسامير حقت قاعده اللمبات و بعدين يلزق الشمعات علا القطعه المعدن علشان لو حبيت تغيرها لو خربت تغير بس الشمعه و القطعه الحديد بدون ما يخرب عليك قاعده اللمبات
هذا كل شي
وأنصحك بشغله ثانيه
اللي هي أخوي الغالي في قاعده اللمبات اللي بسيارتك تلقى فيها فتحه يعني ممكن يدخلها غبار و ترمل اللمبات من داخل أنت خله يسوي لك زي الخلطه معجونيه نفس الفيبر قلاس و يسدها علشان لو رملت عليك اللمبات بس ترملها من برى و من داخل ما يدخلها غبار و مايحتاج تفكها و شغله طويله عريضه
هذا كل اللي ممكن أفيدك و هذا اللي أنا سويته بسيارتي الخاصه و أي معلومه باللي أعرفه أبشر
سلام
