السلام عليكم
انا كثرت الاسئلة في المنتدى ومع الناس ، الناس طلعت سيارات وانا محتار
مرة اقول افالون ومرة فورد ومرة اكسبلورر ومرة كامري
كل سيارة من هذي فيها عيب
1- الكامري حقت شباب واسمها يقهر غير انها ياباني والياباني كرهته ( معليش لا تزعلون مني يا اصحاب الكامري )
2- الفورد ممتا وامريكي وكشخه وقطع لا بأس بها بس عيبه شكله قديم يعني حرام اشتري الفين وسبعه وفي الاخير السيارة تشبه 99 وزيادة على هذا واحد من اخواني مشتريها قبل سبع سنوات يعني لازم نغيير
3- الافالون حلوة ومناسبة سيارة متوسطة تميل للكبر والفخامة بس عيبها قسطها مرتفع وقطعها تخوف على ما سألت وسعرها مرتفه 114000
4- الاكسبلورر جيب وسعره مرتفع 104
5- الشفرليت كرهته كله تجميع وعند واحد من اخواني تفككت السيارة بعد ثلاث سنوات ( الغوا الشفرليت مرة )
بالله عليكم ساعدوني لو الفورد يجددوا الشكل الله ياخذهم كان ما انتظرنا بصراحة ظلم للي يشتروها الان الشكل انتشر كالنار في الهشيم وتحط 80 الف في سيارة شكلها له سنين
انواع الامريكي الثاني غير منتشر وبالتالي يخوف في قطعه واسعاره
طيب ايش الحل ؟
هل انتظر الفورد الجديد بعد سنيتين اذا كان صحيح راح ينزل بعد سنيتن ؟؟ ومستحيل انتظر لان سيارتي ما تجمل
والا ايش اسوي ؟؟
اخواني ابغى سيارة من 70 الى 90 الف او 100 بس لا احد يقول زودها شوي لان المبلغ اقساط
ارجوكم عاجل سيارتي ما تستحمل كل يوم في الورشة والحين فيها صوت وما ابغى اخسر فيها اكثر
اسف على ازعاجكم المتواصل وان شاء الله لو انحلت مشكلتي في هذا الموضوع ما راح اطرح موضوع اسئلة ثاني
واعذروني على التطويل لان كل يوم في مشاكل بسبب السيارة وراسي راح ينفجر والناس طفشت من كثر ما اسألها وكل واحد له رأي
يا كريم يا رب وان شاء الله القى الحل على ايديكم ،،،
