مطلوب محلات تعديل بـ الخبر

هلا والله بـ ريد كارد

ماكس حلوو ويصير تحديدا بالثقبه بشارع مكه من بدايته

انت ان جيت من شارع الظهران ( الملك عبدالله ) خلك بالطريق المحلي وخل وكاله هوندا على يمينك والراشد على يسارك

اول اشاره تجيك ادخل معاها يمين .. وهذا هو شارع مكة .. وان دخلت هالشارع بتجيك اشاره بس تعديها بتشوف

ماكس على يمينك وترى شغله حلووو بس يبيله فلووس خخخخخ ,,,,


عندك بعد سبيد شباب .. يصير بالثقبه بعد بشارع الجزائر ..

كنك راجع من العزيزيه وجاي على الخبر .. بيجيك كبري الثقبه اللي يدخلك على شارع عشرين

ارقى فوقه وعدي الاشاره وامش وخلك بالمحلي لاتطلع بالعام .. واول ماتعدي المدارس راح تشوف السبيد شباب

ماني متأكد اسمه سبيد شباب والا هاي شباب

---------------------------------

عندك محل بالدمام بس مو ذاكر اسمه . محله يصير بالطريق الساحلي

الوصف . وانت ماشي الطريق الساحلي بتجيك اللفه اللي تدخلك على كورنيش الدمام عند حي المزروعيه

انت لا تدخل بهذه اللفه .. امشي اشوي وبتشوفه على ييمينك يم محلات بدون اسم .. ترى شغله مرررره حلووو واسعاره احلىى


وعندك بعد محل ريسنق .. يصير بالدمام عند الكبري الجديد اللي مسوينه يم الملعب

اذا جيت هالكبري خلك بالمحلي لين تشوف على يمينك مكتب التوب لاين حق استضافه المواقع

بتشوفه يم الاشاره اللي يم فندق الدمام .. ان جيت هالاشاره ادخل معاها يمين وبتشووف المحل

-------------------------------

عندك محل اسمه ميكانيكا بالراكه هذا بعد عنده شغلات حلووة .. يصير بالشارع التجاري اللي بالراكه

اذا ماتدله

خلك بالطريق الساحلي كنك جاي من كورنيش الخبر .. اول اشاره تجيك بالطريق الساحلي قبل جامعه الملك فيصل

ادخل معاها يسار وهذا هو الشارع التجاري .. بنهايه الشارع بتشوف المحل


------------------------------------------------

تقريبا هذه احسن المحلات .. واذا في شي نسيته اعذرني يااخوي . واتمنى باقي الاخوان يفيدونك