فضيحة الدورانجو مالتي

HEMI @user_4440 HeMi 4 EvEr · 28-11-2006

مرحبا شباب
هذا جيبي الحبيب..بس احبه بالشتا..بالصيف اكرهه :o
تدرون ليش اكرهه ؟
شوفو الفيديو ورجاء مابي احد يقولي ودّه الوكاله لأن دخلته 3 مرات ويقولولي السيارة جاهزة تعال استلمها..اول ما استلمها ترتفع الحرارة
شوفوا الفيديوات
والتصوير كان في شهر 5 اللي طاف والسيارة موديل 2004 وماشية فقط 12000 كيلو (اثنعش الف)
اللقطة الاولى (اضغط على الصورة)

اللقطة الثانية (اضغط عالصورة) والله لو تنفجرين ما اطفي المكيف<<حرارة الجو كانت 46 ذاك اليوم

|5| |5|

HEMI @user_4440 HeMi 4 EvEr صاحب الموضوع · 25-12-2006

مساك الله بالنور والسرور اخوي الغالي وثاب

والله ادري ان يبغالها برمجه.لكن لما اروح الوكاله اقولهم يبغالها برمجه يقولون حاضر،ثلاث مرات دخلتها الوكالة وما يسوون البرمجه علما اني أأكد على البرمجة وأوصيهم عليها..وماكو فايدة!

يعني ان مسكت الموظف وزلغته طق راح يقولون عني مش متربّي..وان سكتّ بيقولون هذا ساكت خل نلعب عليه..شنو اسوي يعني ؟ :)

على العموم الصيف القادم انا اعرف شلون أداوي السيارة والوكالة ان شاء الله

وثاب @user_37308 · 18-12-2006

HEMI

مساك الله بالخير

ويعطيك العافيه

ربعك واجد

كلامك صحيح واللي صار لك صار لي

في احد الايام من ايام رمضان الماضي الله يشرفه كنت في الخبر شارع السويكت الساعه التاسعه مساء يعني في الليل وكان في الشارع ازدحام شديد مره يعني الشارع مسكر من الزحمه وكان فيه انتظار وارتفعت الحراره عندي فوق النص شوي ومن بكره راجعت الوكاله طريق الدمام الخبر وحسب افادة الفني انه تم تغيير البرمجه ومن بعدها ما لاحظت فيها اي ارتفاع

موظفين الاستقبال في وكالة الشرقيه عندهم خبر عن المشكله وعارفينها ومن قلت لهم قال نحل لك المشكله

HEMI @user_4440 HeMi 4 EvEr صاحب الموضوع · 13-12-2006

الله يعين انشالله

ومشكورين على الردود

air @user_8118 · 10-12-2006

كان الله في عونك

بو خنجر @user_36220 · 09-12-2006

مسسسسسسسسسخرة

Ghonaim.a @user_5082 · 06-12-2006

الله يعينك

الحرارة نفس البنزين

بواحمد @user_27804 · 05-12-2006

اللهم امين

HEMI @user_4440 HeMi 4 EvEr صاحب الموضوع · 30-11-2006

اي ان شاء الله عالصيف القادم راح اقولهم مع اني قلتلهم يركبون مروحة و ثرموستات لكن اتوقع ان السيارة تقعد في الوكالة اسبوع ما يلمسون المحرك!! يعني ما يشتغلون عليها !! ويقولون تعال السيارة جاهزة :)

الصيف القادم بإذن الله راح ادخلها الوكالة وان طلعت السيارة ماراح اطلع من سور الوكالة الا وانا متأكد ان الحرارة فوق الثلث بقليل لأن صديقي عنده دورانقو 2005 حرارته كانت ترتفع لكن دخلها الوكالة مادري شنو ركبو لها وصارت عسل ماشالله حرارتها فوق الثلث بقلييل.

و الله يسهّل الى الصيف القادم.

بواحمد @user_27804 · 29-11-2006

السلام عليكم

اخوي الغالي صدقت عن مسئلة الحراره واحد من الشباب كان عنده درنقو 3004 كان فيه مشكلة الحراره بس الوكاله ركبو له مروحه اضافيه + ترموستات يفتح عند درجه حراره معينه وانحلت المشكله انا عندي درنقو 2005 ولله الحمد مافي مشكلة الحراره له عندي الحين سنه والحمد لله ماشي زي العسل وللعلم الدرنقو 2007 تغير شكله واضافو مروحه من الاساس عشان الحراره وهذا اعتراف منهم بوجود هذي المشكله ومثل ما قالو الاخوان انتهز فرصة الضمان

salehhd @user_17805 · 29-11-2006

السلام عليكم

الله يعينك

من رايي تراجع مدير الصيانة واذا مانفع المدير الاقليمي وطالبتهم بتعديل السيارة واذا مافي فايدة خاطب الشركة الام بارسال بريد الكتروني لهم خاصة قبل مايخلص الضمان لانهم بعد الضمان مايعرفونك

HEMI @user_4440 HeMi 4 EvEr صاحب الموضوع · 29-11-2006

تسلم حبيبي على الرد المشجع وفعلا الشفر وخصوصا القديم..ملك ملك ملك والدليل شوفه الى الآن الشوارع مملووءه كابرسات قديمة..السيارة مشّيتها من البيت مرة إلى الكراج وماكان في المكينة دهن ومشت السيارة عادي بدون مشاكل الى ان وصلت الكراج :) وحش ماشالله

اما بالنسبة للجيب على الصيف الجاس ان شاء الله راح آخذها بعز النهار واعطيهم السيارة للمرة الاخيرة..ان ضبطوها خير وبركة..ان ما ضبطوها في حلول ثانية ان شاء الله...لكن مستحيل اترك سيارتي تموت تدريجيا أمامي بدون ما اتصرف.

و ان شاء الله راح اعطيكم خبر على الصيف بخصوص الحلول اللي اتبعتها علشان احل المشكلة.

الآن حان وقت التمتع بالشتاء والدورانقو :)

LUMINA 4EVER @user_137 · 29-11-2006

:D من كل قلبك تتكلم ........حرام عليك .....

والله حرام سياره جديده بهالمبلغ فيها مثل هالمشكله ....انا عندي عدة اقتراحات ..

1-ترجعها للوكاله وتقولهم عن المشكله وتطلع معاك فني يشوف بعينه وماتستلمها الا لما تتأكد انهم صلحوه واستغل الضمان قبل مايخلص.

2- تشيل الثرموستات بس انا مجرب وحرام سياره جديده ينلعب فيها وبتعذبك في الشتاء.

3- فيه اكثر من فكره لخفض الحراره بس المشكله السياره جديده حرام ....شوف الاخوان المختصين بالورشه يمكن يفيدونك .

واكيد انت عارف ان الحراره بتضر المكينه على المدى البعيد انتبه ......وطمنا اذا انتهت هالمشكله ان شاءالله ..

ملاحظه :مايصح الا الصحيح يالشفر .....وماشاءالله تبارك الرحمن الله لايضره ...:D

HEMI @user_4440 HeMi 4 EvEr صاحب الموضوع · 28-11-2006

الله يعين الجميع ومشكورين اخواني على الردود

فعلا في الصيف اذا وقفت على اشارة فورا الحرارة تبدأ بالصعود تدريجيا ومالها حد..يعني ترتفع باستمرار بدون توقف..لكن اذا مشيت تبدأ بالنزول مرة اخرى للحد الطبيعي :) وهذا شئ مهلك للمحرك

والله كأني الصيف الجاي راح اركب لها اشياء من خارج الوكاله لتساعدني على خفض الحرارة...والحمدلله ان عندي سيارتين غيرها للصيف :)..والله عيب..عندي كابريس 1988 لونه أسود جاذب للحرارة وفي عز الصيف حرارته ما تزيد عن رُبع العداد

العاشق الحزين @user_21544 · 28-11-2006

والله من جد مشكله

اسئل مجرب وانا اخوك

كانت معي درنقو 2005

بالصيف وقف بالاشاره بس

اذا وقفت في مكان لازم تطفيها

بس احلى مافيها الشركه المصنعه عارفه ان يرتفع درجة الحراره

عشان كذا كبرو شبك السياره وثاني شي

اذا ارتفعت درجة الحراره تطفي على طول وانت ما تدري

غير تفتح الكبوت ووو شغلتها شغله

ما اقول الا الله يعينك وانا اخوك

الله يصبرك على ماصابك

وافضل طريقه انك ما توقفها اكثر من 10 دقايق وهي شغاله

بالصيف وخاصه اذا شغلت المكيف

’,’,’ تحياتي لك ,’,’,

CamSHAFT @user_6565 · 28-11-2006

والله مشكلة اذا السيارة هذا اولها فكيف تاليها؟؟
الله يعينك ويمكن انها عين ماذكرت الله
شكل مالها حل الا انك تشيل الثرموستات في الصيف .......