خلاص صار اللي صار ( لاترفع صوتك ) ويصير شي و مو طيب

بصراحة انا أشوف انها تعتمد على مزاج السائق فأن كان رايق فالأمور بتنحل على خير
وان كان معصب من قبل الحادث فالله يستر وش بيصير .

أشكرك أخـي الكريم على الموضوع

وننتظر جديدكم,,,

سيم سيم قرقر


اخوك S O S O 2 0 0 4

شخصياً لو صار لي موقف زي كذا
بقول للشخص معليش انا آسف وحقك علي وما احاول ابداً اني اغلط عليه
بس لو تمادى في الكلام وقتها بقول له تراك طولتها لا تخليني ارد عليك :D

مرة صار لي موقف كنت واقف عند اشارة وولعت اخضر واللي قدامي ما مشى عرفت انه متعطل وماكان وراي احد,, ودقيت ريوس وماحسيت الا اني اصدم اللي وراي "مدري من وين طلع", ونزلت ونزل الرجال واول كلمة قالها ترا بسطرك لوصار شي :D "يقولها وهو يضحك" وقبل لايمديني اطالع قال لي توكل على الله سيارتي وسيارتك سليمة , وقال لي تعال نتقهوى "وسيع صدر ابو الشباب واسلوبه ماشاء الله" وبصراحة فاتني اتعرف عليه
يعجبك اللي زي كذا اما اللي يجي يقول لك اعمى ماتشوف فرد الكلمة بعشر واهم شي لاتمد يدك المضاربة اسلوب وتربية عيال شوارع واغلب حوادث القصاص اللي تشوفونها اغلبها بدايتها مضاربة على شي سخيف

دائما يجب ان نقدر ردة الفعل للطرف الثاني خاصة اذا كنت انت من تسببت او اخطات


ومهما تكلم بمثل الكلمات فالاولى ان تكون حليم وتصبر وان تتحلى بالاخلاق الحميدة


وللمعلومية لو تأسفت وقلت انا اسف واللي تامر فيه انا مستعد صدقني سوف تنتهي المشكلة بسرعة


ودائما وللمعلومية اكثر الناس يخجل عندما يتكلم عليك ولا ترد عليه بالمثل وبعد لحظات يندم بانه رفع صوته

عليك فيجب الاقتدا بالرسول صلى الله عليه وسلم


فلقد كان المشركين يسبون الرسول صلى الله عليه وسلم بكلمات غير مقبوله ولم يبادلهم نفس الكلمات وكان هو القدوه الذي نتعلم منه الحلم والادب والاخلاق


وانما الامم الاخلاق مابقيتي فان ذهبت ذهبو



ودائما في هذه المواقف وسع صدرك والله الموفق

الي يتكلم عليك تكلم عليه لاتسكت عن حقك :mad: وحط ببالك شيء مهم...ترا لو تكلم عليك ورديت عليه وتطور الموضوع واعتدى عليك بيده امسكه وكسر يدينه وكسر راسه واذا جاء المرور يحط عليك الغلط 100% من ناحية الحادث (واصلاً انت تقول انك غلطان) وتجي دورية عشان المضاربة وتاخذكم ويصير قضية ثانية بقسم الشرطة ... ويا انه يتنازل عن حقه بالسيارة ويعفيك من قيمة الاصلاح او انت لاتتنازل عن حقك بالمضاربة لانه هو الي غلط عليك....(((تؤخذ الدنيا غلابا)))


قد سويتها بواحد صدمته من ورا ونزل يتكلم علي ورديت عليه الكلمة بعشر ((كان هدفي انه يتنرفز ويتهور ويمد يده لاني ايامها كنت مطفر :D )) وفعلاً الرجال مسوي بطل ويبي يضربني...الزبدة واسيته مع الزفلت قبل يجون المرور وتجمعوا العالم وصارت زحمة...يوم جا المرور ويكتب الغلط علي 100% من ناحية الحادث وطبعاً فيه شهود عليه انه هو الي ابتدا بالمضاربة..قالي المرور متنازل عن حقك بالمضاربة قلت لا..ويدق على دورية شرطة ويجون يكتبون محضر وتكبر السالفة

قال العسكري احسن شي تتنازلون عن بعض احسن لكم من التوقيف انت بتتوقف بالمرور الين يقدر السيارة (يقصدني) وانت بتتوقف الين تجلس عند الشيخ لانك معتدي على الرجال (يقصد خصمي) او بتبلشون خلق الله تدورون لكم ناس تكفلكم والسالفة ماتسوى

وفعلاً كل واحد وقع تنازل ورحت وانا مرتاح نفسياً لاني ماخليت حقي مع اني صادمه بجيب سفاري وهو معه لكزس (كامري الشيوخ) يعني بينقص ظهره من قيمة الاصلاح




Pink Devil اذا تتقبلين النقد ترا انا فاهم العبارة الي بتكتبينها لكن عندك اخطاء املائية

المفروض تكتب كذا

Hold On , And Just Smile

المفروض ارسلك بالخاص وانبهك بس انا كتبتها هنا عشان غيرك يستفيد..يمكن يقراها ويحسبها صح

وبالاخير حنا اخوان والنقد مطلوب :D



مع التحية،،،



ملاحظة : بيجو انت طلعت فضائحنا وحياتنا كاملة :D مواضيعك حيوية ياخي وتخلي الواحد يتكلم بامور خاصة ماحد يعرفها :D بس ماقول الا (((الله يعطيك العافية))) |1|