اسئله عن يوكون 2007 دينالي

هلا والله فيك ابو اسد والله شجعتني عليه وباقي الأعضاء بعد خلاص ان شاء الله بتوكل وبشتريه

بس يقولون مايجي الا بعد 20 يوم يالله وش نسوي

ومره ثانيه مشكووورين

توكل على الله مثل ما قال أبو أسد :)

الموتر يستااهل رغم ان سعره مرتفع شوي !

في البر ممتاز لكن يعتمد على السواق

أما بالنسبة حق هجولة أعتقد ان الشكل الجديد صار رسمي وهادي أكثر من الشكل القديم اللي كان حق هجولة

واليوكون الجديد منتشر مع العوائل أكثر من الشباب

بالتوفيق :)

^
^
^
^
لاتنسى لون أبيض وتظليلة زيبارت |1| |1|

توكل على الله وخذ يوكون دينالي ......

ماعقب كلام ابو اسد شيء

هلا أخوي جمس

بنسبة للدينالي سيارة لا يعلى عليها في القوة

ولا تنس أن نظام الدفع فيها رباعي مستمر يعني مخليها راسية بشكل جبار
ونظام الدفع الرباعي حسب كلام الوكالة أنه فيه نظام تثقيل الدفع من نفسه
طبعا هو الميزة في الدبل لما تقدر تتحكم به يعني هو زي القير التماتيك لما يكون قير عادي يكون أفضل في البر بس مو معناه أن القير التماتيك ليس ممتازا
ثانيا ميزة الدينالي أنه 6 تغييرا يعني مواصفاااااااااااااااااات روعة
ولا تنس القوة الجبارة فيه تقدر تتخطى الرمل بكل سهولة طالما أنه بالأساس دفع رباعي
الشيء الي يخوف فيه بس في هذا النوع من الدبل أنك أذا غرزت بس يعني هل بيثقل الدفع مباشرة ولا ما يطلع بالراحة
عموما بنسبة لي أعطيه قوة الدبل بشكل 85% كأعتمادية|1|
توكل على الله تراه موتر عز يكفي أنه أصلا دينالي |6|

اشكركم على معلوماتكم ونصايحكم بس انا ما قلت اسكاليد انا قلت يوكن بس ماقلتو لي عن دفعه الرباعي قوي ولا اي كلام

ومشكورين مره ثانيه

شباب الرجال ماقال يوكن الا وعارف ان ميزانيته ماتسمح حق الكاديلاك

الصراحه اليوكن دينالي سياره فخمه و عمليه و تصلح للعائله
و اليوكن القديم كان محترم في البر و اعتقد ان اليوكن الجديد بكون نفس الشي

و المواصفات الي جاذبتني له

المحرك 441 حصان و ست سرعات للجير
تسارع اقل من 7 ثواني
انظمه الراحه
انظمه الامان

اليوكون دنيالي من افضل السيارات العائلة وسعره معقول جدا ومواصفاته جبارة

لكن اذا عندك ميزانية محترمة وتقدر تاخد كادلاك اسكاليد توكل على الله

انا أقول خذ لك اكسبديشن 2007 أحسن
غطى على اليوكن

اليوكن وخصوصا ال XL بنظري احسن اختيار للعائله وللبر حلو جدا بس نسم للتواير شوي ويخليك تتمشى بالطعوس زي الحلاوه


تحياتي