كلامك سليم يالغالي اغلب الناس اللي تركب زينون يسرعون ويكبسون العالي ... هل فكرت من هم اللذين مهتمين بالزينون كثيرا ؟؟ هم من فئات الشباب ... والاغلب اللي حاصلين على رخصة قيادة جديدة (( الاغلبيه )) ومركبين زينون .. البعض يستغل الزينون كأداة لابعاد الناس عن الطرق والبعض كهواية في التكبيس والحل مع هؤلاء الناس .. لاتوجد حلول الى الان ... لكن هناك حل .. اذا طفش من الزينون راح يبقى تكانه :D وانا شخصيا مركب زينون هيلا .. لكن والله عيارات الزينون اي سقوط الزينون على الارض وليس كما يفعل البعض منفرشه في السماء والله يكون بالعون واي شخص تشاهدونه يلعب بالزينون بالطريق تجاهلوا عنه لانه من المحتمل فرحان او يحس انه راكب مرشلاقو :D مع التحيه وشكرا لك اخي الغالي على الموضوع Night
|3|
بس اللي مركب زينونن يقدر يتحكم بالكبسة -----> شكلة جيعان
لا قصدي قوة التكبيس
اتوقع لا فيعني وش يسووون انا رائي ينزلون النور على مستو الأرض مهم ناقصين دعاوي
وكما يقولون اخواننا ( المرور ) يكــــــــــــــــــفــــــي ســـــــرعــــــة
الي معاه سيارة سريعة يعرف كيف يرد الصاع صاعين ..
بالتسبة لي انا ابعد عن الي وي كذا لكن اذا جاء مثلا ماقدرت ابعد عنه عشان زحمة او طريق خطين..
اقوم اوخر له وبعد مايتعداني .. الحق وراه لين يلعن اليوم الي جا ورايا .. طبعا الله يخلي مكينة الالماني,, والزينون.
والله يفك عنا هذولي البشر
أنا كنت مركب زينون هيلا بسيارتي اللوريل 86 .. وكنت مركب كشافات أسفل الصدام وكنت عادم نفس الصدام وركبت بدال لمبات الفلشر أيضاً لمبات عالي وواطي وفي نفس هذه اللمبات لمبات ناعسة :) :)... بصراحة صار شكل السيارة وأنا مطفي الزينون شكلها غير جداً جداً :) ... لدرجة أن نقطة تفتيش وأحد العساكر قال لي : عندكم عرس في السيارة :) :) ..
فأنا أستخدم الزينون فقط للضرورة ( حتى إني صرت ما أشغله إلا في النادر ) .. يعني يجيني واحد مشغل لي العالي وجهاً لوجه ومو مخليني أشوف شيء .. هذا على طول الزينون في وجهه وأخليه يطفي العالي عنّي ..
وإذا كنت في طريق سريع ويجيك واحد ماسك المسار الأيسر بسرعة 80 كم وأقصى سرعة في نفس الطريق هي 120 كم .. فهذا على طول المفروض يبعد وما يجلس على نفس الخط ولكن أما أنه يجلس فهذا غباء منه :( :( .
يأخي لاتحرم نفسك من شي انت تبغاه تحرم نفسك منه بس علشان هذولا المهبل بالعكس ركبه وكون لهم مثل في هذه الشي .. مثلي اناحصلي موقف مضحك كنت ماشي وقدامي لفه تدخل وتطلع على حاره وانا في الطريق كنت مولع النور وكنت مركب زينون وماشي وهوقدامي بيدخل بالطريق لكن ينتظرني أعدي الأخ شاف الزينون وأيش عمل..؟؟؟؟؟؟؟؟؟؟؟
كشف تكشيفتين على الجدارعلشان اشوف ان معه زينوووونن أيزيييييي يارجال
أول شي أقول للأخ سبب انهم يسرعون من جنبك علشان ماتقعد تحشهم زنون+اكسنت= كااااااي
وبعدين هذولا الشباب معرضين لسرقة الزنون من سياراتهم وأول تفتيش دائما تلاقيهم يدحلسوا العسكري علشان ما يديهم مخالفة.
-هل صاحب السيارة يتوقع انه لما يركب الزينون لازم يسرع ... لان الزينون مثلا برستيج لازم يكون موجود مع السرعة ؟ - هل ثقافت بعض الشباب ممكن تكون كذا ، يعني زينون =سرعة - هل يحس بعض اصحاب السيارة الرخيصة بأنه لما يركب زينون ويسرع صار كشخة ويضاهي البي إم (عمري ماشفت بي إم او مرسيدس أزعجني كذا) كلهم يا كامري ، ماركيز ، هيونداي (كابريس موديل 88 وانت ماشي) - ليش الناس هاذي تفكر ؟ - ليش الأغلب يحرص على تركيب الزينون بالعالي ...عشان يعميك ولما يأشر يغثك وتفتح له بالقوه مع العلم لو يحرق سيارته ويتدفى عليها في ذا البرد مستحيل افتح له الطريق إذا أزعجني بالزينون (ياخي من حقي طفشت ناس ما تعرف تسوق وتسرع )
الله لايوفقهم قول آمين بغيت اروح فيها كم مره سبتهم |5| استغفر الله دايما اشوفها يا على النترا او اكسنت ومسوي زحمه مالها داعي مشكور على طرحك الصراحه في الصميم ***
انا اايدكم وما اايدكم في اللي تقولونه
لان اصابعك مو سوا ما قولك العينات هذي مو موجوده
لا موجوده وبكثره بس بين العشره يطلع لك واحد مو راعي الحركات هذي
في ناس زي اللي تتكلمون عنهم يركب زينون ويكبس
وفي ناس تركب لانها تشوف ان السياره لها نظره احلى بالزينون وتلقاه يركبه بالواطي
هو صح بعضه يعمي لكنه اذا وقف اشاره والا قابله واحد بوجهه يعدل سيارته والا شي تلقاه يطفي النور وهذي العينه انا اايدها
وبالنسبه للي يكبسون بعضهم يكون عنده ظرف طارئ صادف وجود الزينون
في الحقيقة , إذا هو ظلمك و أساء معلملتك , لا يعني أن تنزل لمستواه و ترد له بالمثل ( أعط من حرمك , و أعف عمن ظلمك ) الطريق حق للجميع . و بحكم أنه مسرع , فهو الأحق !! لكن فيه بعض الأطفال - هداهم الله - إذا ركب أنوار عالية التوهج يكبر راسه , يمكن هو يحس أن بلغ سن الحلم !!
صح لسانك اخوي و مشكور على الموضوع ...
بسبب ها الزينون صارت حوادث يجي يكبس بالعالي و اللي قدامه يكون خواف فيحذف الضعيف على السيارة اللي جنبه و يحدث ما لا تحمد عقباه ......
من حقنا نتجاوز السيارات اللي قدامنا مع التقيد بالسرعة النظامية ....
نصيحتي لكم لا تخلوا ها المجانين يجبروكم على السرعة تجاوز السيارة اللي قدامك بنظام و خلي صاحب الزينون يموت بغيظه
