~~~...هل تركب أمك في موستينج ... ~~~

أشوف إنه الموضوع أخذ وضعه من المناقشة وبزيادة

بالإضافة لبعض الأعضاء الله يهديهم ردودهم بدأت تخرج عن نطاق الأدب والإحترام . . . . .!!


يغلق الموضوع

|3|


[COLOR=RoyalBlue]BAssAM ss
[/COLOR]

السلام عليكم ورحمة الله وبركاته

شكراً لمن طرح الموضوع

وبالفعل أظهر لنا الكثير من الموسوسين والمعقــ نفسياً :D

يا جماعة .. يا جماعة ... ( مسوي فيصل القاسم :) )

الدنيا أهون من كذا ... وركوب السيارة الرياضية مع الأهل أو لوحدك ليس به أي إشكال
لا إجتماعياًُ ولا أخلاقياً ولا عرفياً ولا دينياً

المشكلة الوحيدة لو كان الأهل ممن يتكشفون ويتبرجون أو ركبت صديقتك وهي في كامل إستعراضها
في هذه الحالة ستشعر بأن الأعين عليك والحالة حالة وناس ماشيه جنبك .. تسرع يسرعوا .. تهدي يهدوا !

أما في الوضع الطبيعي فأنت في حالك والأهل في كامل إحترامهم ومحد عندك والأمور طبيعية
ولو أحد طالع ما حيشوف شيء ... أكيد فهمتوني.

الحمد لله ديننا الحنيف هو الفاصل في كل أمور الحياة
شاهد نفسك هل أنت على صواب وطريق الحق
أم على الطريق الآخر

ودمتم بخير

لمعلوماتكم أمي تعشق الترانز آم :D

======

زمان طلبت من أبوي بي إم z3 قالي ذيك الصغيرة؟؟

قلتله نعم..

قالي تبيني أشتريلك موتر ولا قلة حيا؟؟

وجهي صغر

تحياتي |1|

السلام عليكم....
والله انا اشوف لسبورت زي أي سياره اخرى مافيها شي..... وكل السيارات ياخدوها الناس يقضو ابها حوايجهم.
والله انا عندي سياره اسبورت استخدمها زي اي سياره اخرى ماعندي فرق ..اقضي ابها واشتري خضره وسمك عادي عادي.

موضوع شيق جدا وصراحه بعض تعليقات الاخوان مع فائق احترامي للجميع مبالغ فيها بشكل حسيت حالي ان انا في سنه 1920 قبل الميلاد؟؟؟؟؟؟؟؟؟؟؟؟؟؟؟

صرا اخوي التيما خاب اعلق اول شي على اللي راكب موستنج والي رايح يسلم على الشايب وللاسف ما لفتت نظر الشايب خذ هالطريق عشان تلفت الانظار وانت راكب الموستنج اول واهم شي قبل ما تروح على الشايب روح على مصنع البلاط والطوب واشتريلك حبه تكون اثقيله وقويه (لا يروح فكرك لبعيد ؟؟؟؟؟؟؟ ارجو انك تكون فهمت قصد علامات الاستفهام) خليني اكمل الحين بعدين تروح توقف قبال منزل الشايب تخلي الموتر شغال بعدين تمسك الطابوق الي جبتها وتحطها على دواسه البنزين لا تنسها ترفع الهاند بريك طبعا ما ححكي عن الصوت الي حيطلع في السياره !!!!!!!!!!!
واتحداك اذا مالفتت نظر الشايب؟؟؟؟؟؟؟؟؟؟؟؟؟؟؟؟؟؟؟؟؟؟؟؟

التعليق الثاني بالنسبه ان اركب ام واهل في السبورت تايب اولا اذا ابي اركبها بالسبورت اخاف من شغله (لا اهتم بكلام الناس اطلاقا) وحده بس ان اشوف سياره سبروت واقفه جنبي على الاشاره لان اكيد حتسابق معه والله يستر ان ما تنكسر نظارتي وانا بتسابق لا يجيني اش طاير من جهت اليمين (طبعا الزجاج مسكر ؟ افهم القصد رجاءا...) هذا الاشي الوحيد الي بخاف منه وانا مركب ام معي في السبورت وحاب احكي للشباب مافي حدا في الدنيا مهتم على كلام الناس (بس بخاف من رده فعل هله من كلام الناس) واكبر دليل على ذالك لو ان في حدا يهتم لكلام الناس ما حدا فينا استخدم الانترنت ولاشافو بحياته الابعد بليون سنه ضوئيه؟؟؟ (لا سمح الله)
طولت عليكم كثير يا شباب (سامحوني الموضوع شدي بشكل كبير) صار معي موقف طريف طالع انا وامي في سيارتي (شفر كابرس كلاسيك موديل 1983 سوده فئه البوكس تايب) ماشي على 90 على طريق المغرب السريع بالكويت ما القيلك الا سيارة هونداي اكسنت موديل 2004 بيضه تقول ماشي على 30 المهم اقوي قلب وام قاعده جنبي واتجاوزه واطلع على 120 ما الاقي ام الا اعجبت في سواقت وحبت السواقه وحلفت انها ماتركب الامعي او بمعنا اخر اكون السايق تبعه ؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارجو انكم افهمت القصد من علامات الاستفهام .....................
وانا اسف جدا لاني طولت واخذت من وقتم الكثير انا اسف جدا سامحوني...

الله يعطيكم العافيه

السلام عليكم :
عن نفسي ما أظن أنه عيب لو ركبت أهلي بسيارة رياضية ( شرط أن تكون مغلقة كلياً - يعني ما هي مكشوفة - ) .. لأني أحب أسمع الأهل الطرب الحقيقي :) :) <<< قاعد يحلم :( .

بصراحة أنا أخجل أني أركب أهلي بسيارة قديمة ( لوريل 86 ) وودي أركبهم بسيارة فارهة وما المانع لو ركبتهم في سيارة رياضية ( يمكن ذاك الوقت الوالدة تطلب منّي أني أعمل درفت :) ) <<< يمزح :) .

أخوكم
وائل العساف

لوووووووووووووووووول ........ أنا أبوي عكس أبوك بالضبط ؟؟ :D

قبل لا أشتري الامبريزا خذته لوكالة السوبارو علشان يشوفها (( سنة 2003 )) واول مادخل الوكاله سألني قالي وش تبغي ؟؟ لجاسي ؟؟
قلت له لا .... أبغى إمبريزا (( كانت فيه وحده تيربو لونها ازرق والثانيه أبيض انجكتر وهي اللي في توقيعي |11| ))
المهم قلت له هذي اللي بغاها (( الـ STi تيربو ))
جلس الوالد يناظر فيها .... وقالي ياولد عجيبه هذي ؟؟ جنوط ذهبيه وكراسي رالي ورفارفها طالعه من قدام ومن ورى ..... هذي تصلح لك يامحمد
أنا :D اي يبه وانت الصاج هذي اللي ابيها
جانا الموظف مال الوكاله .... وسألنا إذا السياره اعجبتنا
ابوي .... اي والله هذي الامبريزا حلوه وتصلح للولد ,,,, كم سعرها ؟؟
الموظف : 110 الاف
ابوي :eek: ايش ..... 110 على هذي ؟؟ إذا هذي الصغيره بـ 110 , الليجاسي على كم ؟
الموظف : سعرها 65 ألف للفل اتوماتيك
ابوي : طيب هذي ليش سعرها غاااااالي ؟؟ (( يقصد الـ STi ))
قاله الموظف هذي 2 ليتر تيربو
ابوي : ايه اوكيه قول كذا من البدايه ....... محمد شرايك في البيضا ؟؟
أنا : والله يايبه البيضاء ماتنفع لي ..... ابغي التيربو
ابوي : انسى اخليك تاخذ تيربو |3|
أنا : طيب ليش ؟؟ أنا اللي بدفع قيمتها مب انت |11|
ابوي : ليش أنا بايعك أخليك تركب سياره تطير ؟؟ تبغي البيضاء ولا لا ؟؟

وطبعا بعد نقاش طويل وزحمه ومحاولات فاشله قررت اشتري الانجكتر


اللحين الموتر مزود فلتر وهدرز واقزوز وعليه جنوط 17 وتنزيله إقلاع :D والوالد الله يخليه ياخذ مني السياره في بعض الاحيان , حتى مره من المرات كنت أسمع صوتها تتفتف في الشارع اللي ورى بيتنا (( صوتها مميز جدا بسبة الهدرز >>>>>>>>> إضغط هنا علشان تسمع صوت السستم اللي على سيارتي ))





وبالنسبه للموضوع .......... أنا اشوف انه الوضع عادي انك تركب أهلك في سياره سبورت ؟؟؟ سواء كانت موستنج او فيراري بس اهم شيء انها ماتكون مكشوفه (( كشف )) وأهم شيء انه تكون سواقة الواحد هاديه إذا اهله معاه :D مب تشوف موتر سبورت ثاني وتتسابق معاه وأهلك معاك كخخخخخخ
وعلى فكره أنا كم مره أركب اهلي في السياره معاي ........ وأنا أشوف انه شيء عادي خصوصا إذا كانت سواقتك عاديه

مسـاكم الله بالخير
ابقول لكم سالفه على موضوع الشياب

احد اصدقائي على ايام لكزس gs300 شراء له وحده المهم هو راح شافها ودفع العربون وخلص كل شي وابوه الى الان ما شاف السياره

وصلت السياره واتصلوا عليه الوكاله وراح طاير يستلمها
وصل للبيت ودخلها للكراج
طبعا جاء الشايب يشوف السياره

يقول صديقي ابوي اول ما شاف السياره بغى يصفقني كف

الشاب يقول هذي 140 الف (للعلم الجي اي س اول ما نزل كان بحدود 120 الف لموديلات 98)
البيوك حقي اكبره منه وازين
سياره الشايب رود ماستر قديم


الشياب كل شي يعلقون عليه ولا يعجبهم شي

هذا سالفه صديقي

ابعطيكم سالفتي

انا اول ما نزل ال rx330
شريت واحد ووقتها ابوي كان مسافر وشريتها واستلمتها وهو ما يدري وش شريت انا قلت له جيب لكزس وبــس

المهم وصل الشايب وطلعت استقبله

طبعا الى الان م شاف السياره
المهم صرت انا وهو نمشي الين وصلت السياره وفتحت الباب بالريموت اشوف ابوي ما وقف قلت وصلنا هذي سيارتي

جلس يناظر السياره ويناظرني

وقال لي مو انت قايل لي لكزس قلت وهذي لكزس

وقام ياشر بنظره سخريه هذي لكزس

هذي ماا زده (مازدا)

هذي اول شي

المهم ركبنا
وشغلت ومشيت ابوي يدخن واول ما ركب ولعها

طبعا الجيب طفايته موجوده في حامله الاكواب زي الكاس له غطاء

المهم فتحته له
وش قال ابوي افــــا خايف اني اوصخ طفايتك

ويكمل كلامه ما ابي اطفي في هذا القوطي ابي طفايه السياره

واقول له هذي الطفايه ما فيه غيرها

قال وش هذي؟؟؟؟؟؟؟؟؟؟
طبعا تحت المسجل فيه الولاعه وفيه غساله الشمعات ويجلس ساعه يحربش فيها يتوقع ما ابيه يطفي في الطفايه

وفي الاخير يقول ماااااااش الموتر ذا مو زين يا زين موتري الاشهب

سياره ابوي شبح ولونه بنفسي وابوي ما يقول الا الاشهب اي احد يسأله عن الون قال اشهب


اتمنى ما اكون طولت عليكم
بس اول مشاركه لي عندكم وفرحان

تحياتي

يا شباب الموضوع يطول النقاش فيه

ويختلف من شخص الى اخر وحسب الطبقه الاجتماعيه والعادات والتقاليد المحيطه بك


انا عن نفسي كنت ناوي على موستينج 2004 وماكان عندي اي مانع ان اهلي يركبون فيها خصوصا اذا كانت مظلله والشوارع مو مليانه بس اللي حولي ما ايدوني وتقريبا هاجمو فكرتي

والان معي بيجو 307 كوبيه واركب فيها اهلي بس مظلله


وتحياتي لكم

عادي زي الزبادي

سبور ولا اربع ابواب

اكرب وجهك ولا عليك من احد

..

هههههههههه ياخوي التيما ،، انا الحين جبت لك نظريه بسيطه بين الشايب والشاب ،،
والحين تقول ان الفياقرا 12 سلندر وان الموستنق 8 سلندر ،،
يعني انت فهمتني صح ،،
ان الفياقرا وصاحبه الشايب اغلى واسرع وافخم من الموستنق اللي مع الشاب

وادري ان الموضوع حوار و انا لا عصبت ولا اي شي كل اللي اقصده ،،
( نظريه بين الشايب والشاب ولا اقصد في مقارنه السيارات اللي اقصد نفسيه الشخص وكيف أحللها )

وبعدين انت تقول لو ابيع الكامري 2005 جابت 3 موستنق مديل 94 ،، الحين التاريخ 07-02-2007 ،، يعني احسبها على مديل السنه ماهو تحسبها على مديلات ثانيه ،، يعني الشايب بقول الله يرزقه غير عن سيارته القديمه ههههههههههه شفت وشلون التناقض ،،، يعني الردود وااااااضحه ووافيه لك ولا اقدر ازيد في كلامي وخير الكلام ماقل ودل

واذا تبي زياده في النظريه اقرى رد اخوي continwntal_GT وانا معه في كلامه

ومني لكم كل الاحترام

وجهة نظر سليمة 100%
لكن الان مع مرور الوقت بدأت تتغير نظرة بعض الاباء عن عادات و اعتقادات الاجداد لانهم بدو يتفهمون الوقت الحاضر
فعلى سبيل المثال أول الاب لمن يجي ياخذ سيارة عائلية يدور على اكبر حجم موجود في السوق و يشتريه مثل السوبر
أما الان نظرتهم تغيرت فما صار حجم السيارة هو الهم الاكبر فتحصله يدور على المواصفات و الشكل حتى لو انه يختار سيدان

بالنسبة لسيارات الكوبيه فاعتقد ان ما فيها أي شي انك تركب حرمك فيها اطلاقا و صدقوني هذا الامر بس في السعودية مستغرب أما في باقي دول الخليج فهو شي عادي ولو تلاحظون ايضا ان هالكلام في المنطقة الوسطى أكثر منه في المنطقة الشرقية و الغربية من المملكة بحكم عدد السيارات الكبير من نوع الكوبيه

المسألة مسألة وقت و بعدين صدقوني راح يصير الوضع عادي جدا
سامحونا على الاطالة ....

السلام عليكم ورحمة الله وبركاته

أهلين أخوي كثير الشوق

حبيبي أنت ولا تزعل انا غلطان

يمكن أنا ما فهمت إختصارك

بس تشبيهك شايب معاه فياقرا

أنها أغلى من الموستنج وأنها 12 سلندر

وان الموستينج 8 سلندر

فحبيت اناقشك فيها (( مجرد مناقشه ))

هل هناك تشابه بين الفياقرا والموستينج ؟؟

الفئه مختلفه أوكي بأحسب أنهم نفس الفئه

يعني هل تستوعب يجيك شايب مُحال على التقاعد

وراكب موستينج ؟؟ حخخخخخخخخخخخ

بس اواحد شباب عمره 18 راكب فياقرا

عااااااااااادي جداً جداً جداً

وعلى فكره لو تبيع كامري موديل 2005

راح تشتري 3 موستينج موديل 94



ترى الدعوه حوار وانا اخوك لا أكثر ولا أقل

تحياتي لك

بعض الردود اخخخخ مدري شقول بس !!!!!:D:D:D:D

شباب خلاص روقونا :D:D

***

اخوي التيما انا فاهمك صح وسؤالك

هل ترضى أنك تركب امك ولا زوجتك في موسينج وتاخذهم للسوق أو عزيمه أو عرس ...؟؟

وانا جاوبتك ،، [COLOR=#195689]وكلام الناس مايخلص واللي يسمعهم بيضيع ولا يعرف نفسه الا اذا فكر وحدد المشكله اكيد انه يعرف ان اللي يسمع كلام الناس اكبر غلطه
[/COLOR]
وانا راضي اركب امي او اختي او بنات اقاربي في سيارتي اذا كانت موستنق او بورش او استون مارتون او بي ام دبليو كوبيه او فياقرا كوبيه او انفنيتي كوبيه او زد نيسان ،،،،، لان السياره سيارتي ،، ومثل ماقلت لك في جوابي الاول كلام الناس مايخلص

وانت ارجع لجوابي الاول وافهمها صح لاني اختصرت اجاباتي ،، وحطيت لك ميزان بين الشايب اللي معه فياقرا ،، والشاب اللي معه موستنق

واوضح لك زياده ،، الشايب معه فياقرا ،، يعني هل يرضى الشايب يركب امه او زوجته او اخته في فياقرا او بي ام دبليو

وبعدين سعر الفياقرا غالي ،، يعني مكينتها 12 ومكينه الموستنق 8 ،، يعني الفرق كبير

اخوي التيما انت فهمت قصدي والا اوضح زياده ،، ترى نظريتي طويله بس انا اختصرتها لكم

وشكراً

السلام عليكم ورحمة الله وبركاته

فعلاً لو تشابهت الأذواق لبارت السلع <<< وش يبي ذا

أخوي كثير الشوق أحس أنك لسَ ما فهمت الموضوع عدل...



أخوي صحراء الجليد

ترى أنا وانت من الناس وانا اتكلم عن السعوديه

يعني بتروح لأهلك بالموستينج بمناسبات خاصه

ولا جاي لقصر أفراح وصوت الشكمان عالي

ومنزل أهلك ...؟؟؟

تحياتي

بصراحة عن نفسها اشوفها عادي



طالما اني ما بأسوي شي غلط


واذا كان تفكير الناس غلط


المفروض اننا ما نمشي معاهم



لازم نحاول نغير نظرتهم دي