من أطول عمرا المحركات اليابانية أم الأمريكية

تبا تعرف من الأفضل

عط السواق السيارتين وبتعرف -عما قريب- منو اللي يتحمل أكثر

بشكل نهائي وحاسم وبكل اختصار
الامــــــــــــريكي

والدليل : سيارات من عهد السبعينات مازالت موجوده وهي زي الحصان وقوية البدي والمكينه والقير زي الورده ماشاء الله
وعندي واحده موديل 78 م واتحدي بها جميع موديلات 2000 حتى 2006

انا بصراحه اشوف ان الامريكي يعمر اكثر نظرا لاني جرب اكثر من سيارة امريكي منها كرايزلر مشت معي اكثر 530 الف موديلها 91 وللحين ماتوضبت وباقي مكينتها تمام وكذلك كان عندي فورد 98 فكتوريا مشيت عيلها اكثر من 200 الف واغلبها خطوط طويله (اسفار ) وبعتها ولازالت حالتها ممتازه

salehhd
هلا وغلا بالاخ صالح
طيب السيارات الحالية كلها مانقدر نحكم عليها الى بعد كم سنة
انا كل سياراتي ياباني وبسسسسس
حتى عندي لاندكروزر 2001ماشي حوالي 300الف ولسا مكينته تمام
لكن نسبة السيارات اللي لهن عشر سنوات من الياباني توضبت
بالمقابل نسبة الامريكي اقل
طبعا كما قلت للاستخدام العادي سفر وسرعة وتحميل و...الخ

اسعدني وشرفني مرورك
حياااااااااااااااااك ربي
ومشكووووووووور

Concept


ايضا في سيارات امريكية مشت هالممشى ولا توضبت
حياك ربي عالمرور والاضافة

السلام عليكم

انا مع الاخ المهندس في ان المحركات الامريكية القديمة لايعلى عليها

اما حالياً فاغلب المحركات اليابانية عمرها طويل رغم الاستخدام الشاق

لذلك اصوت للياباني

الليل انا اشوفه من واقع تجربه لسيارات تويوتا ان السيارات اليابانيه تعيش اكثر

ومثل ماقلت عندنا كراسيدا ماشيه نص مليون موديل 88 احد عنده امريكي ماشي كذا ؟؟ بدون توضيب ؟

الف الف الف شكر عالمرور
واثراء الموضوع بآرائكم المميزة
حياكم ربي جميعا













[/CENTER]

الان اقصد الان بدووووووووووووووون شك الياباني افضل واطول عمرا والتجربه خير برهان

السلام عليكم /
الماكينه الامريكيه هي صاحبة الكد والتحمل من 6اسطوانات الى 8
لا كن لا ننسى ماكينة اللاند كروزر اليابانيه صاحبة التحمل أيضا وهناك ماكينة الماكسيما للنيسان صاحبة تحمل بالنسبه لسيارات الصغيره بارك الله فيك يالنديم وبالموضوع الشيق

الاميركي وخاصة الشفر القديم
لك وللعمر

والله يااخوان مانقدر نحكم بما اننا ماقمنا نفرق بين الامريكي الاصلي

او الياباني الاصلي



عندنا افلون 2006 مكتوب عليها ميد ان يو اس ايه

والكابرس بستراليا والكامري بااستراليا ... هل مصانع اليابان او الامريكان اللي بااستراليا نفس الجوده اللي موجوده

ببلد الصنع ؟؟


بالنسبه للقديم اتوقع الامريكي مع انه تنقصني الخبره بهذا المجال

بس الجديد بنظري الياباني

عندنا كراسيدا ماشيه فوق ال 500 كم لكن ينقص الزيت بعد سرعه 120

:D شباب ..... عندي نيسان باترول موديل 86 وماشالله عليه حصااااان في الطعوس مع انه مكينته L28 كربيتر (( يعني 2800 سي سي وهذا يعتبر محرك صغير جدا لما تقارنه بمحركات الامريكي |3| بس علشان اوضح انه سعة المحرك مالها أي دخل في عمر المكينه ))



على العموم ..... عمر السياره يحددها نوع السائق ..... أنا أعرف ناس عندهم لاندكروزرات موديل 2006 و 2005 ومكاينهم موضبه أكثر من مره (( سوء استخدام وتفحيط وعدم اهتمام بالمكينه ؟؟ ))
وأعرف واحد عنده لاندكروزر موديل 84 وماشاء الله إلى اليوم على مكينة الوكاله وهو ماشي أكثر من 500 ألف كيلو


هات لي أقوى سياره في التحمل وأنا أعرف واحد يخلي مكينتها تخبط في أقل من 3 أيام :D