الى كل من يملك لكزس جي اس 2004

دامك فكره فت لكزس فلا تشيل هم توكل على الله

صراحه ركوبها وسواقتها حلوه جداً وفيها هدوء ونعومة وسلسه

بالنسبه للقطع يعني عندك قماشات خليقه تقريباً ب 100 الى 150 والأمامي ب 250 وفيه بعض القطع غاليه شوي لكن

مقارنه بغيرها تعتبر عادية ويكفيك انها ماتطلب كثير وصيانه وحده تكفيها مده ..

دامك بتاخذ gs 430 فصبر حلووو

وخذ ls460

وجذااااااااااااااب ورياضي وفخم

وجميلللللللللللللللللللله

والله العظيم اخوي شرا 2006 والله مااغير الى الفحمات والزيت وقوة قوية جداجداجداجداجدا 320 حصان 8 سلندر 4300
والله انصحك بقوه وراح تدعي علي بالخير

كلام اخوي تركي سليم 100% :)

هلا وغلا اخوي ...

انا عندي GS300 موديل 2001 وبعد وارد المانيا ومنذ اكثر من سنة ونصف لم اصادف اي مشكلة والحمدلله ولم اغير شئ فيه إلا الزيت والفلتر والبواجي واللحين ماشئ معي 190 الف كلم والسيارة ماعليها كلام هدوء مع احساس بالمطبات شوي لكن هذا طبيعي كون السيارة تعتبر من السيارات السيدان الرياضية طبيعي يكون ممتصات الصدمات قاسية عشان القيادة الرياضية... اما العيب الوحيد بها هو ضعف القدرة الحصانية للمحرك مقارنة بباقي السيارات من نفس الفئة اما اذا تتلكم عن الفخامة والرساوة والهدوء فلن تجد سيارة من نفس الفئة تتغلب عليها ولك تجربة جميع سيارات نفس الفئة حتى تتأكد بنفسك.

---------------

هلا اخوي فيصل شوف انا شريت السياره سنه 2001 والي الأن السياره عندي للعلم ماشيه حاليا 220 الف كم

السياره ممتازه من جميع النواحي بالنسبه للراحه ممتازه العزل الصوتي جيد جدا قطع الغيار متوفره وسعرها مقبول

والحمدالله انا ما اختربت علي السياره او واجهة معاها مشكله واحده الي الان قولو ماشاءالله |1|

انصحك فيها وتره شكله مرتب وجذاب مو نفس ال es مع احترامي لها :)

والله يكتب الي فيه الخير .. تحياتي

2004 .. عيل مالي خص :P

الاخ الفاضل : لكزس


بما انك تمتلك لكزس جي اس اتطلع الى ان تعطيني انطباعك بشكل مفصل عن السيارة


مثل الراحة مع المطبات ,,,صوت الهواء الخارجي ,,,,الصيانه وهل صيانتها مرتفعة مقارنه بالسيارات

الاخرى التي اقل منها بالفخامة ,,, قطع الغيار هل متوفره مثل الاشياء الاستهلاكيه

هل واجهت مشاكل عامة او خاصة مع السيارة


واخيرا هل تنصح بها وبقوة كسيارة عمليه متكامله ويعطيك العافيه


والله الموفق

جذاب

big will

عاشق الالماني

نديم الطيف


يعطيكم العافيه على الردود والمشاركه واتطلع الى المزيد من المعلومات

الرجال قاعد يتكلم عن الشكل السابق مو الجديد ..

اخوي ال GS ممتاز انا امتلك واحد وما شفت منه الا كل خير وبالتوفيق ..

للمعلومية ترا المرتبة الخلفية ضيقة لدرجة ان الي يركب ورا بيكره نفسه ياشيخ

اخوي بالنسبه للجي اس

فهو مصيبه بكل صراحه الواحد مايتحمل يطالع فيه كثير

المقصود تصميمه رائع جداً وفيه هدوووء ماشاء اللله



لكن صغير من الخلف وثباته معدوم مع المطر والهواء .

الشاشه دايم تجيم (( تخترب كثير )) وأسأل اي واحد وشوف وش رايح يقول لك

لكن مستحيل تحصل سياره بنفس مواصفاتها بقيمتها يعني قيمتها جداً معقوله

تحياتي ...،،

والله يافيصل سيارة لايعلي عليها الgs

مع واحد صاحبي موديل 99 جدا جدا جدا ممتازة
مريحة(ماشاء الله) وطبعا راسية .
من ناحية الجودة لاتشيل هم (لكزس يعني مايحتاج)
من ناحيةالهدوء هذا هو الشي اللي عجبني فيه بصراحة جدا هادية ماتسمع أصوات زي الes
الشي اللي مأعجبني فيها الفخامة يعني الes فيها ستارة والgs مافيها يعني قهر


اما بالنسبة لسؤالك الاخير أيهم أفضل فأقول الgs أفضل وبقوة
وشكرا.....................