عرض قوي جدا جدا جدا على الانفينيتي G35 2006

turkiq · 2007-03-17T23:09:45+03:00

تقدم شركة الحمراني هذه الايام عرض اقل ما يوصف بانه نااااااااري وقوي جدا بل وفرصة قلما تتكررالعرض على الانفينيتي G35 2006 واللتي تباع حاليا وخلال العرض بسعر 80 الف ريال سعودي فقط بعدما كانت تباع بسعر 125 الف !!!!! :eek: وذلك للتخلص من مخزون الشركة من موديلات 2006 واستعدادا لاطلاق الرائعة بمعنى الكلمة

max036 @user_7466 · 24-03-2007

شباب تبون الصراحه...اللي عنده 80 الف ويبغا سيارة نصيحة لا لا يفتوته العرض....

الحمدلله رب العالمين الله وفقني ورزقني مبلغ مكنني من اني اشتري هالسيارة....طبعا موديل 2005 اشتريته ببداية 2006...
السيارة لها معي سنة كاملة ومقتنع كامل القناعو بالسيارة....
الحمدلله ماجاني مشاكل بالسيارة الى الحين الا اللهم طلع عندي صوت خفيف بمقدمة السيارة والوكيل غير لي مسامير عمود التوازنعلى الضمان...
والسيارة الحمدلله جدا رائعه...ومميزة...وماتشوفها كثير بالشوارع.....يعني تحس انك راكب سيارة غيييير...
الهدوء فيها ممتاز....اللهم الكفرات الي راكبة على السيارة مزعجة جدا وتماسكها زفت(الكفرات ياجماعه مو السيارة)....انصح الي يشتريها يغير الكفرات
مشالله أداء السيارة رياضي الى أبعد الحدود....محركها مرة يتجاوب مع السواق....وبالفعل يجبرك انك تسرع....السيارة تصلح لواحد راكد...راعي المقاومات اقول له حرام تشتري سيارة مثل هذي وتروح تسابق فيها...

مميزات السيارة:
فخامة معقولة ومدروسة في مقابل السعر الي تدفعه...
رياضية الى ابعد الحدود...
نظامها الصوتي جدا مميز..
مميزة وانت تمشي في الشارع...
أنفينتي

عيوب السيارة:
تعليقها قاسي بحكم انها تعتبر رياضية..
صيانتها عند الوكيل متعبة شوي...لازم تحجز موعد للصيانة...والقطع احيانا ما تتوفر(واجهتني هالمشكلة يوم طلع عندي الصوت...اضطريت اني آخذ السيارة اليما اتصلو علي بعد ما وصلت القطعه وركبوها)....بس على كلامهم ان الورشة راح تتوسع شوي...وجالسين يبنون مركز صيانة كبير بالرياض...وراح يكون لأنفينتي صيانة مستقلة كليا عن نيسان...

قطع الغيار ماعندي علم عنها....اللهم الصدام الأمامي اخبر سعره ب 900 ريال.....

مجمل الكلام السيارة تستاهل ان الواحد يقتنيها....

نيساني @user_16820 · 24-03-2007

^
^
^
في موديل 2005 ماعتقد احلى من لكزس es 2005

لكن في 2007 احلى من لكزس es 2007 اقولك نعم

لكنها افضل من ناحية القوه والمحرك والقير واعتقد حتى الرساوه

دون فيصل @user_43692 · 24-03-2007

شباب والله حمستونا عليها من جد الموتر ماركه فخمة انفنيتي وسبور بعد !!
وسعره فرصة ماتتكرر ابدا والموتر جديد !

بس غريبة مو منتشرة في الرياض ؟؟ هل فيها عيوب مثلا ؟؟

وهل هي احلى كشكل وقوة وفخامه من لكزس ES 300 موديل 2005 ؟؟ ابي اعرف ردودكم اذا حبيتوا ..

شكرا على المعلومة والله يعطيكم العافيه

الخالدي000 @user_42282 · 23-03-2007

عموما هذا سعرها الحقيقي
لكن بما ان كل شركات السيارة مبالغة جدا في اسعار سياراتها
فاني ارى انها صفقه رابحه بلا شك وانصح جدا بشرائها
لاسيما انها من شركة عريقة مثل نيسان ومن ماركة محترمة مثل انفينيتي..

عالم مشاعر @user_987 · 23-03-2007

انا خويي شاري السيارة على بداية السنة الهجرية بـ 94 الف

السيارة جدا حلوة و قيادتها ممتعة ، انا جربت قيادتها و فعلا رائعة

صحيح ان السيارة ينقصها عدد من المواصفات لكن هذا ما يمنع من القول بأنها فرصة ما تتكرر

جرب السيارة أفضل لك

أبوعصيدة @user_17652 · 20-03-2007

الكوبية ميسوين عليها عرض بي150الف موديل 2006

Triple @user_34824 · 20-03-2007

عرض جدا جدا رائع ..

سيارة انفنتي بــ 80 الف .. !!

لو عندي ثمانين ما ترددت لحظه في شرائها ..

amoon @user_32787 · 20-03-2007

ترى انا جيت من الشركة بعد تجربة السيارة وعلى طول حجزت وحدة ومشيت لان هاذي الفرص ماتتكرر دايم.وبالتوفيق للجميع _وللمعلومية ترى اظن ان باقي 5 سيارات فقط ومو كل الالوان متوفرة وشكرا.

mis_kfu @user_33309 · 19-03-2007

رحت الوكاله بعد ماكتبت ردي السابق طلع عندنا الجبر

وماكانوا عارضين سيدان 2006 بس كوبيه وموديل جديد 2007... الصراحة بعد ماشفتها مثل ماقال الاخ فيصل قل حماسي لموديل قديم

المهم ياشباب سئلته عن موديل 2006 قالي ماجى سيدان 2006 بس كوبيه (معقوله !!!) وقالي باقي 5 سيارات موديل 2005 بسعر 95500 ريال والالون ابيض وفضي

مااخذت كثير معاه في الكلام اخذت الكاتلوج وطلعت ... ايش رايكم ؟؟؟؟؟

mis_kfu @user_33309 · 19-03-2007

يااخوان الي عندنا في الدمام الجبر ولا الحمراني ؟

فيصل بن محمد @user_24620 · 19-03-2007

ا

ابـوعـزوز

الحين 2007 نغير شكله يعني

ولا شلون

عشان وشو مسوين العرض عشان تغير شكلها ولا 2007 نفس الشكل

شكل 2007 احلى واجمل واوسع واطوالها تقريبا اكبر

انا لدي ملاحظة : وهي عندما رايت 2007 وبجانبها 2006 غسلت ايدي من ال 2006

ولم اتقبل شكلها وهي عموما سيارة شبابيه وعصريه وتصلح لفئات الشباب اكثر

خاصة بانها ماركة فخمة وسعرها 80 الف يعتبر ممتاز مقارنه بسيارات اخرى اقل منها في الفخامة

عموما العرض مغري مغري ولايفوت بعض محبي الفخامة والقوة والماركة المميزه في عالم الفخامة

والله الموفق

turkiq @user_18442 صاحب الموضوع · 18-03-2007

لا زلنا يا شباب ننتظر اي انسان يمتلك الجي 35 ويقول لنا اذا السيارة تشكي من شي او لا :confused: :confused: :confused:

وازيدكم من الشعر بيت العدد المتبقي فقط 14 سيارة وتلحق ولا ما تلحق :rolleyes:

أبو نايف 2007 @user_32612 · 18-03-2007

والله فرصه ذهبيه

مشكور اخوي على الخبر

تحياتي ...

ابـوعـزوز @user_28512 · 18-03-2007

الحين 2007 نغير شكله يعني

ولا شلون

عشان وشو مسوين العرض عشان تغير شكلها ولا 2007 نفس الشكل

عبااادي @user_38447 · 18-03-2007

هلا وغلا

انا اليوم كنت في صاله الحمراني نيسان إللي بجده على طريق المدينه

وسألتهم عن العرض وفعلا طلع العرض صحييح

الا إن فنتي G35 موديل 2005 سعرها 80 الف ريال فقط
وموديل 2006 90 الف ريال وعلى كلام الموظف لو تصمل وتخاصمنا فالسعر بنعطيك بـــ 85 الف ريال

طبعا مافيه اي فرق ابداا بين الــ 2005 والــ 2006

بصراحه عرض قوي

تحياتي

z28001 @user_16267 · 18-03-2007

للمعلومه, الكوبيه مخلص في الشركه من فترى.

turkiq @user_18442 صاحب الموضوع · 18-03-2007

مشكور اخوي عصيدة ......

لكن معقول ماحد في المنتدى يمتلك او يعرف احد يمتلك السيارة ويخبرنا اذا فيها مشاكل او لا

The StyleR @user_25498 · 18-03-2007

عروض الحمراني دايما قوية

حتى قبل سنة ونص تقريبا صار عرض على الزد بـ 100 ألف فقط

على العموم ننتظر نشوف الجي كوبيه كم تبي تنزل

يعطيك العافية على الخبرية ;)

سريع جدا @user_40931 · 18-03-2007

أتمنى يكون الخبر صحيح ...

وشكور أخوي على الخبر القوي ...

عصيده @user_43293 · 18-03-2007

أنا جربتها في الوكاله السياره روعه وقويه و صوتها عذاااااب أول ما تشغل السياره راح يلفتك صوت السياره جميل و يوحي للقوه أنا جربتها لفتره بسيطه سياره رياضيه ما كأنك راكب سيدان استجابتها حلوه وصوتها رهيب و مريحه و هادئه إلا أنك راح تسمع هدير الشكمان و إلي يشتري هذي السياره بيسير يحب السرعه

ببساطه هي تستحق 120 الف , و بعد التجربه هي أفضل من اللومينا والكابرس .. أنصح بها بشده ;) وشكرا