سلام من لدن عزيز حكيم ..
مساكم الله بالخير جميعاً ..
مثل ماتعرفون الجنوط الآن من أهم الأشياء اللي تكمّل زينة أو شكل السيارة كمظهر خارجي ومن وجهة نظري كل ما كبر الجنط
كل مازاد من جمال السيارة بغض النظر عن النقشه.. أكيد النقشه لها دور لكن موب على حساب كبر الجنط.. (وجهة نظر اللي يبي يرد عليها أبكسر راسوه pb034 )
وتطورت الجنوط لين وصلن مرحلة صبغهن.. وصارن بعض السيارات يجن وكالة مصبوغات سواء كروم أو نيكل أو مذهبات ..
همن تطور الهبال لين وصل الى (جنوط المراوح) وأيضاً هالجنط فكرته سهله وله نوعين مغشوش وعادي <== عسل حضرمي موب جنط
الأصلي تشوفه السيارة اذا وقفت اشتغلن محركات الجنوط المراوح وبدن يدورن بحيث يعطن إيحاء للي يشوفه أن السيارة تمشي لكنها واقفه.. نوع من الخدعه البصرية ..
لكن،،
موضوعي اليوم يتكلّم عن طفرة جديده واتركوا الهذره اللي تو أغلبكم يعرفها أدري بكم بس قلنا نتفلسف شوي :d
جنوط اليوم غير.. أسمها PIMPSTAR وفكرتها أنك تقدر تركّب صورة على الجنط والسيارة تمشي..
تقدر تركب على كل جنط صورة لو تبي بعد ..
طبعاً الشركة اللي مصنعه هالفكرة شركة DUB أشهر شركة تعديل من ناحية الجنوط ..
فكرة الجنط وشلون؟
تركب الشركة جهاز كمبيوتر وهالكمبيوتر يتضمّن 3 أجهزة فرعية وهن:
1/ لمبات بتقنية LED (وهي نفس اللمبات المستخدمة في لمبات الفرامل للسيارات الجديده) .
شكل مكبّر للمبة LED :
2/ معالج .
3/ واير ليس على كل جنط.
وتقدر تعرض فيهن (الجنوط) أي صوره وفيها كلام لو تبي،، شعار،، أو حتى الصورة الرقمية !! <== غرض اللي يبي يتميلح pb034
يعني برنامج الرسام والشاشة جنط <== آبوك من توصيف pb027
الجهاز الملحق معه أو الكمبيوتر يقدر يخليك تصمم رسوماتك الشخصيه على كل جنط// أو كل الجنوط على نفس الرسمه.. اللي تبيه أنت طال عمرك
وتقدر بعد تحط على كل جنط 6 صور تتغير أوتوماتيكياً بحسب المدة اللي أنت تحددها ..
صورةمن الأشكال:
ولا تشيل همّ من الأخطار البيئية اللي تواجهها من المياه أو التراب أو حتى من مغسلة السيارات اذا جيت تغسلها ماعليهن خوف لأنهن محميات ..
كل هالجنوط مايلزمهن لا بطاريه ولا غيره لأنهن ياخذن الكهرب من كهرب السيارة نفسه يعني مالها داعي حجار أبو بس أو إنرجايزر
باقي نقطة مهمة وأخيرة.. الأسعار وما أدراك مالأسعار.. الأسعار في متناول اليد
" package 22 with Pirelli tires ($12,500.00)
package 24 with Pirelli tires ($15,000.00)
" package 26 with Pirelli tires ($19,500.00)
شفتوا وش رخصهن pb034
جنوط مقاس 22 = 12500 $ <== يعني دولار أمريكي pb058 = 46875 ريال سعودي فقط ..
مقاس 24 = 15000 دولار = 56250 ريال سعودي فقط ..
مقاس 26= 19500 دولار = 73125 ريال سعودي فقط ..
ويقولون الدين ممنوع والعتب مرفوع
* رأيي الشخصي.. أتوقع هالجنوط اذا دخلن عندنا وصارت موضه (يعني 5 سنين ــ 7 سنين هه حوله) أكيد كأي تقنية جديدة تبي تستغل بالشي الشين ..
أتوقع اللي يشتريهن الآن يبي يشتهر مثل ما طلعن موضة جنوط المراوح على أيامهن قبل كم سنة.. لكن هذا غير.. فعلياً غير ..
أتمنى أني ماطولت عليكم بفلسفتي الزايده وانكم استمتعتوا بالمويضيع وبهالتقنية الجديده اللي بعديييين تبون تشوفونهن همن تقولون ايه هذا اللي كتب القراين عنهن منوّل بالاقلاع pb034
وأترككم في رعاية الله
مع تحيات الجعفري
عطونا ردودكم
لا تبخلون
