بسم الله الرحمن الرحيم
انطلاقا من مبدا منتدى السيارات الذي يقوم بالافاده والاستفاده بين الاعضاء الكرام
اود ان ابين للاخوة الكرام
انني اقتنيت يوكون 2004 قبل ثلاث سنوات
وفي هذه الايام اقتنيت 2007
ونترك الفصحى شوي ونتكلم بالعامي
الاختلاف كبير كبير كبير بين الموديل القديم والجديد
لا من ناحية الرساوه
ولا من ناحية الفخامه
ولا من ناحفة التشطيبات الداخليه
اليوكون الي معي اسود فل كامل
طبعا مابي الدينالي لسبب سخيف جدا اني مااحب مراتب الجلد
المواصفات في اختصار
ثمانيه سلندر زي ماهو معروف
استهلاك الوقود يعتبر معقول جدا جدا
افلله تقريبا بخمسه واربعين ريال او اكثر قليلا
طبعا على حسب الدعسه كل مادعست صرف بنزين
جربته في البران في النعيريه وفي القصيم وفي الزلفي
بعض الاحيان ادخل بدون مااشغل الدبل
طبعا في زر الاهتزاز يساعد اذا غرزت لاسمح الله
وفيه برضو زر لتقديم وتاخير دوساات البنزين والفرامل الي تناسب طولك
وطبعا اذا سرعتك تحت الثمانين تكون السياره على وضع اربعه سلندر
وفوق الثمانين ثمانيه سلندر
طبعا المكيف يعتبر افضل من الاول بكثير
خاصة الهوايه
لكن الهوا الي عند الرجول لابد منه في الجمس
وكل شخص يتحكم في المكيف السائق والي جنبه والي ورى
المسجل طبعا سي دي مافيه كاسيت يشغل ام بي ثري والتحكم من الدرسكون رائع جدا
والراحه مريح وافضل من الاول بنسبه 70 في الميه
لكن عشان معي دبل يكون مو مريح زي بدون دبل
والاهم من هذا كله
صوت الدعسه يطربك بشكل كبير
ولكن عيبه انه ضخم مره مره
واي استفسار انا حاضر
طبعا اللون اسود وماشي حاليا 6000 كيلو
وعندي مشكله في كفرات جنرال الي من الوكاله
وراح يغيرونها على حسابهم على اي كفر انا اطلبه
وبحاول انزل له صوره قريب
لاني متعجيز اصور وانزل يعني بالعربي سوداني
واي استفسار انا حاضر
وراح اقدر اجاوب بالي اقدر عليه ان شاء الله
