حسبنا الله ونعم الوكيل

يعني انت خليت كل السيارات المنافسة الافظل من الاكسبيديشن وين الي نصحوك بالسيارة

بوركت أخي الفاضل

مبروك اخبار جيده ,تكلل البحث بالنجاح

هذا هو مكتب فورد الشرق الاوسط وقد اتصلت بهم بنفسي وردوا علي واكدو لي انهم مكتب فورد الشرق الاوسط

Company Name: FORD INTERNATIONAL INC
Address: P.O.Box No.21470, Dubai,
Telephone: 04-3327767
Fax: 04-3327299
Email:[EMAIL="[email protected]"] [email protected][/EMAIL]

الرقم الي اتصلت كاملا

0097143327767

وموفق انشاء الله ولكن ايضا انصحك قبل ان تبدا الاتصالات والمراسلات التاكد من فعلا وجود المشكله عن طريق تجربة اكسبدشن ثاني مثل ما قالوا الشباب
وربنا يكتب لك الخير
واي خدمه انا حاضر

السلام عليكم
اخوي سيارتك سياره كبيرة والاصوات فيها خذ وخل واجده اما بالنسبه لصوت الهوا يعني هو مشكله لكن احمد ربك انه ما صار في الماكينه ولا في القير . اما بالنسبه لسيارة فورد اكسبدشن الصراحه سيارة جيده وهي من اكثر السيارات مباعه في امريكا
انا معاك انه السياره جديده وحرام يصير فيها صوت زي كذا بس الشكوى لله وش تسوي


بالنسبه لموضوع عدم الاهتمام في الزبائن والمراجعين من الوكالات هذي قضيه كبيره الصراحه ولازم نوقف مع بعض لمعالجة الوضع
في الدول الثانية كأنهم ما توظفوا الا عشان يخدمونك انت بالذات انت بالذات يعطونك نفس سيارتك اذا دخلت سيارتك للصيانه واكثر من كذا بعد .

نصيحه لك رح للوكاله واكتب شكوى واذا ما ردوا عليك اكتب ثانية انشب لهم
عبداللطيف جميل اذا كتبت شكوى يدقون عليك بنفس الاسبوع من جده المركز الرئيسي
حاول ليش لا

انت متاكد ان الصوت بس من باب السائق !!!

انت جرب تقعد على كرسي الراكب الامامي و خل احد يسوق و اذا سمعت الصوت يعني كل الابواب نفش الشي !!! ولكن اذا ماسمعت صوت يعني باب السائق في خلل و انا متاكد ان الربلات التي على الابواب روح الوكاله وقول لهم يغيرونها !!

و لاتخاف السياره قويه و كل من استخدمها قال انها سياره ممتازه

شكراً لاهتمامك أخي الفاضل..

وأنا في انتظار تزويدي بعنوان مركز دبي

السلام عليكم

كلام الاخ فيصل صحيح ومن الافضل تجربة سيارة اخرى حتى لو من عند الوكيل لتكون على قناعة كاملة بما تقدم عليه ولا تضع نفسك في احراج

أنا أأيد هذا الرأي، فهذه الطريقة غالباً ناجحة.

وأقترح إنك تطالبهم يخلوك تسوق سيارة إكسبدشن أخرى تجربها، وتشوف فيها هذا الصوت أو لا، وإذا كان فيها، فهذا يعني إن كلامهم صحيح.

اخي الكريم

هذه الصفحة خاصة بالدعم الفني لفورد عموما تستطيع من خلالها ادخال مشكلتك ويتصلوا بك ومازلت ابحث عن عنوان مركز دبي وسوف اوافيك به حال وصولي اليه انشاء الله

https://secure.ford.com/en/support/emailUs.htm

اخي الكريم

انا اذكر انه حصلت هذه القصه مرتين معي

الاولى اشترينا جمس موديل 94 جديد في ذلك الوقت واخذتها من الوكاله وبعد فتره اسمع صوت هواء مثل الصفير المهم تضايقت مره وحده ورجعت الوكاله وانا في غاية الغضب ,, المهم قابلني شخص من شركة بالبيد وركب معي السيارة وقال لي انه الصوت طبيعي ,, المهم اني لم ارضى بهذا الرد واردت اخذ ارجاء اخر لكني انشغلت في ذلك الوقت وبعد فترة من قيادتي السياره نسيت الموضوع حتى اني نسيت الصوت اش كان بالظبط الظاهر اني تعودت عليه.
القصه الثانيه لما طلعت الباجيروا الي كان معي موديل 2004 والا ذاك الصوت العالي بعد سرعة 100 كلم ظهر معي بعد التمرين السياره صوتها عالي جدا حتى اني قلت في نفسي معقول سوف اكمل حياتي مع هذه السياره ,, لكني في نفس الوقت عارف انه جيب رياضي ومن المتوقع مثل هذا الصوت المهم اني سالت الوكاله مع صاينة 5000 وقلت له المشكله قاطعني المهندس وقال لي انت اش متوقع , انت شاري جيب موسياره عائلية او سيدان طبيعي جدا المهم اني اخذت السياره ونفس الشئ بعد فترة تعودت على الصوت وصار طبيعي جدا وقدت باجيروا اخر بعد فترة والا نفس الشئ المهم انه ركب ناس معي في السيارة وقلت لهم على الصوت قالو بالعكس احنا شايفين انها صوتها هادي؟؟؟؟
الحاصل انا معي حاليا اكسبدشن 2005 السياره هادئه بالنسبة للباجيروا والجمس 94 الي كان معنا وبمراحل واهدى من الاند gxr لكن vxr اعتقد انه اهدى من الاكسبدشن
و الاكسبدشن ترى من فئة سيارات TRUCK ومعروف مزايا هذه السيارات من المتانه العاليه والجودة وقوة محركاتها وخدمتها على المدى الطويل بالاضافه الى ارتفاعها من الارض الذي يعطيك رؤية وابتعاد عن اضرار الطريق
ولكن لها ضرائبها المعروفه مثل الصوت كما ذكرت ورساوتها اقل من سيارات السيدان العاديه والخشونه نوعا ما بشكل عام
لحاصل انا في راي مثل ماقال اخي LT-RAM جرب اكسبدشن ثاني يكون بالضبط نفس الي معك اذا نفس الشئ صدقني سوف تتعود على الصوت وسوف تنساه من اساسه اما اذا اختلف الصوت بشكل واضح وملحوظ خذ الاكسبدشن الثاني ووري للمهندس اذا اعطاك ظهره فعليك بالمركز الاقليمي في دبي وانا متاكد انهم سوف يحلون المشكله قبل امريكا واذا لم يستجيب مركز دبي فعليك بامريكا مباشرة والمشكله هنا انه الوكالات واخذه راحتها وما تمشي الا بالعين الحمرة مع الاسف الشديد ومن امن العقوبه اساء الادب وانا لي تجربه معهم في ذلك في كذا مرة الابتسامه عند البيع فقط غير كذا ماتشوف الاظهورهم وترى موبس الجزيره الا كلهم واسوء ايضا ,عموما وسوف احاول الحق ردي هذا بالبريد الاكتروني خدمة العملاء في دبي واتمنى احصلك هو في اقرب وقت,,
لكن برضوا قبل ما تتعب نفسك انا شخصيا اعتقد انه الامر طبيعي ولاتقلق ابدا الموضوع ابدا ما يستاهل القلق وخبرنا اش يصير معك لتعم الفائده ونكون معك
وربنا يكتب لك الخير

السلام عليكم .......

في الحقيقة كلام الاخ "فيصل سبورت " عين الصواب .. أغلب السيارات الكبيرة والضخمة الحجم يلاحظ فيها صوت الهواء والسبب يرجع لكبر الحجم والارتفاع عن الارض وحجم المرايا الجانبية كبيرة نسبيا ..أذكر واحد من اصحابي كانت عنده هوندا اكورد وكان يوسوس بالنسبة لصوت الهواء وقلت له هذا امر طبيعي لما الهواء يصطدم بالمرايا الجانبية .. لو تبغى تشوف الفرق ماعليك الا تكفس المرايا الجانبية اللي عندك وسوق وجرب وبشتوف الفرق ان احتكاك الهواء يخف ..في اسبب ثاني بعد لما بصطدم الهواء بالزجاج الامامي وبالخص في جوانب الزجاجة الامامية بتلاحظ ان صوت الهواء قوي وهذا امر طبيعي في اغلب السيارات وامر شائع ايضا في معظم سيارات الدفع الرباعي خصوصا كبيرة الحجم مثل الاكسدبشن

نعم طبيعي انك تسمع صوت الهواء خصوصا ان الاكسبديشن مافيها انسيابية أبدا وواجهته كبيرة
فيصطدم بها الهواء بشكل كبير وبالزجاج الأمامي الكبير

والأفضل ان تأكد من ان الصوت خو خلل فعلا أو طبيعي من السيارة قبل وضع الخطأ على الوكيل...
فالحل انك تجرب اكسبدشن 2007 غير اللي عندك...
اذا كان نفس الشي ونفس الصوت فمعناها انه طبيعي...

وكان المفترض انك تجرب السيارة قبل ما تشتريها...حتى لا تتفاجأ بأشياء مثل هذه...


ولو كانت السيارة طبيعية ومافيها مشكلة
وانته أخي العزيز ما جربت السيارة قبل ما تشتريها فهذا خطأ منك

عموما خلاصة كلامي جرب سيارة اكسبدشن 2007 غير اللي معاك...
واذا اتضح ان سيارتك فيها خلل فعلا فلا تسكت وتقول حماية المستهلك فينها لأنه ما عندنا...
اتصل بالشركة في أمريكا مباشرة او ارسل لهم ايميل وسوي لهم فضيحة حتى يستبدلوا
سيارتك أو يصلحوها...

تحياتي

يا حبيبي كل شي يجي بالعين الحمرا :)

اولا : جميع واغلب السيارات الكبيره لها صوت وهذا بسبب التصميم للسيارة ولايوجد حل الا بتصاميم جديده متطوره


لربما في المستقبل تجد سيارة مقاومتها للهواء تكون اقل من الحالي


ولكن للمعلومية بان الفكتوريا تصدر صوت هواء والكابرس والكامري ووووو كثير من السيارات وهي صغيره وسيدان


فما بالك بسيارة كبيره الحجم مثل الاكسبيدشن وصدقني سوف تتعود على ذلك الصوت ويصبح طبيعي


بل لربما اذا اختفى الصوت سوف تتضايق بانه لايوجد صوت يطربك وانت تقود ( هذي مزحة )



المهم لاتشغل بالك بذلك الصوت واعتبره عادي ومع مرور الايام سوف تتاقلم مع الوضع



وخذها قاعده لن يختفي الصوت ولن يستطيع اي شخص اسكات ذلك الصوت لان هذا الصوت ياتي من الهواء

الخارجي الذي يصطدم بالزجاج الامامية والمرايات الخارجية


وفي الختام الله يصبرك على هذه المشكلة والتاقلم معها


والله الموفق

السياره جيب و مرتفعه فمن الطبيعي سماع الهواء!! صدقني طبيعي!!

بغض النظر عن إستعجالك في شراء السيارة من عدمه


وبغض النظر عن السيارات المنافسة لهذه السيارة وهل هي أفضل أم لا


محور حديثنا هو حماية المستهلك...اذا اشتريت سيارة من الوكالة فيها عيوب تصنيعية من يحميك ويرجع لك حقك؟؟ هنا المشكلة


ارجوا التفاعل ياشباب لأن المشكلة خطيرة وبمعنى آخر هذا اسمه (لعب على الدقون)


المفروض الدولة ماتسمح بمثل هذا التلاعب .. المفروض الوكيل يذكر عيوب سيارته الي مايقدر يصلحها مو يبيعها على الناس بعيوبها


مع التحية،،،

إذا كنت ذو شرفِ مروم فلا تقبل بما دون النجوم :o