تظليل عازل بـ 150 ريال وش رايكم فيه

جربوه ترى ماشاء الله جيد وسعره معقول
الكوري لايقان بالصيني ابداّ

تحياتي

اجرب واقولكم ان شاء الله هو يستاهل او لا

شكرا للجميع

نفس الكلام ... مجربه انا و اثنين من الشباب

يعزل بنسبة 30% تقريباً

حرام تدفع 150 على تظليل كورررررري ومافيه عزل ولا شي بس لون اسود مع كحلي .....

ركب جونسون اريحلك وضمان عليه خمس سنوووات

وعاازل بدرجه عاليه من شمس ولون التظليل رائع جدا"

تحياتي لك ,,

150 ريال وكوري نعم لقد جربته في سيارتي الكابرس مسبقاً وبصراحه هو جيد ويعزل وانا اراه افضل من الانواع الاخرى وشكله جميل المصيبه في المستغلين من الشركات الاخرى والتتي تتراوح اسعارهم من 1000 وفوق والله حرام تضليله بهذه الاسعار الفلوس اصبحت كالورق لديهم
لاحول ولاقوة الا بالله
وركب ولاتستشير وانا مسؤل اذا ماعجبك

تحياتي

اخوي/ عبدالله

تبي الصراحه اذ كان تقصد العازل الحراري 150 ريال للباب الواحد اقولك ايه تمام اما اذ كانك تقصد تضليل عازل لجميع ابواب السيارة 150 ريال لا يهمونك اخوي انا مضلل سيارتي تضليل عازل أصلي ولكن قيمة تضليل الباب الواحد 150 ريال مع ضمان خمس سنوات ضد الخدش والتقشر ومن ناحية جودته وعزله ما يحتاج كلام هناك محل اعرفه زين وشغلهم صح وبتجربه خير برهان راح يورونك تجربه مباشره وأنت الحكم من ناحية العزل اذ كنت في الرياض وتبي المحل بوصفه لك برساله خاصه.