جولة بمحلات الاكسسوارات والزينه

نابولي89 @user_38727 · 14-05-2007

بالامس كانت لي جوله بمحلات الزينه والاكسسوارات شارع سعود بالدمام للبحث عن بعض الاغراض وهي شمسيه مضله ذات نوعية ممتازه بغض النظر عن السعر مهما كان وايضا علاق برائحة عطر وبعض الكماليات الاخرى حامل اكواب وحامل وجوال واستمرت جولتي اكثر من ساعة بمحلات كثيرة ومتعدده وخرجت بالنقاط التاليه
1- عدم وجود المرغوب به من بعض المنتجات الجيدة الماركة والصناعه
1- البضائع المعروضه بشكل عام رديئة وعديمة الجوده وقديمة الانتاج
2- البضائع مكررة واسعارها متفاوته
4- المحلات مبعثرة وغير مرتبة والبضائع مبعثرة و مغبرة والبائعين معكري المزاج
5- 99% من المعروض من جميع البضائع وبجميع المحلات صناعة صيني واسوء واقل مستوى ودرجه C
6- البائع غير أمين وغير صادق ولايهمه الا شئ واحد البيع البيع فقط وقبض المال

بصراحة انسدت نفسي وتعكر مزاجي من الي شفته وتمنيت اني مارحت وخسارة المشوار
والي يعرف محلات محترمه علشان تتغير نظرتي لللافضل

ولاتزعلوا من الحقيقه

تحياتي

Black-Horse @user_30891 · 14-05-2007

يسلموا على الموضوع

أبو محمد 6 6 6 @user_31103 · 14-05-2007

المشكلة و أنا أخوك يوم تكون البضاعة رديئة و السعر مرتفع ... و اللي يبي يشوف هذه المفارقة العجيبة يزور محلات الزينة بالمدينة المنورة |11|

و بيني و بينك بما إنك بالمنطقة الشرقية , تقدر تشتري الإكسسورات المهمة من البحرين أو من قطر , لأني أسمع من بعض الشباب إن عندهم هناك نوعيات ممتازة و أسعارها جيدة , أو تقدر تروح الرياض اللي فيها محلات ما شاء الله زي الرز و فيها الطيب و فيها الشين.

طبعاً كلامي على الإكسسورات الغالية زي شاشة ملاحة أو جنوط من النوع الممتاز.

و تحياتي لك.

أبو محمد 6 6 6

|3|

camry_05 @user_46875 · 14-05-2007

الله يعينك وش تسوي هذا الموجود بس اذا تبي الشغل الصح روح العليان بالرياض طريق خريص كماليات اوكييييييييييي اما الدمام والخبر ولا شي والله يوفقك
|3|

أبـــوبـــدران @user_19528 · 14-05-2007

الله يكون في عونك

بالنسبه للرياض فيه الغرابي تقدر تقول 80 % من كلامك ينطبق عليهم

بس فيه محلات تفتح النفس مثل العليان طريق خريص بالذات شغل مرتب جدا جدا

الاسعار مثل ماقلت متفاوته ومرتفعه نوعا ما

والسلام عليكم