اخواني ، ما رأيكم ب دورانجو ؟

كمان!!!!!!!!!!!

يعني قلنا كريزلر مع مرسيدس وما كان ماشي الحال

اجل الان ايش بيصير

شكرا اخوي ابو الخل على المعلومه

أخوي نصيحة..

فر منه فرارك من الأسد...


والله أعلى وأعلم

للمعلومية، الاتحاد بين مرسيدس وكرايزلر انفصل، وباعت مرسيدس كرايزلر لشركة أمريكية، وتم فك الربط بينهما.

والله يا اخي جربنا سيارات دودج في سيارتعم نيويوكر وايضا الجراند فويجر قبل كذا

من اقوى السيارات كمحركات وانعم السيارات والاكثر رساوه والمساحات الداخليه تفوق اي سياره اخرى وشكل رزه بمعنى الكلمه
لكن مع الاسف الشديد الحلو مايكمل من يوم كملت السياره سنه والمشاكل بدات تصب علينا صب قطع غيار نار من اغلى قطع الغيار الي ممكن تعرفها ومع الاسف الشديد جودتها رديئه جدا يعني القطعه الي تغيرها لازم تغيرها بعد ستة شهور اوسنه وكيل تعبان بمعنى الكلمه يوم تدور عنده القطعه يا يلاقاها لك او يلقاها
يوم تقول احد شريت دودج ينظر اليك تلك النظره المشفقه انك وقعت في المتاعب وهو فعلا كذلك
عندي صديق كان عنده الدريرانجو الشكل القديم ضرب عليه القير اول ماكملت السياره ستين الف واحنا ضرب القير علينا في النيويكر مرتين هذا غير المشاكل الثانيه
نصيحه لك بعد عنها ولو كانت قمر والبدائل مثل ما تفضل الاخوان موجود في الامريكي والياباني
يمكن تكون الموديلات الجديده غير سمعة القديم وهذا الشئ الي بتقولو الوكاله بانه التقنيه القديمه رموها في الزباله وجابو مكائن وجيربوكسات تقنيات مرسيدس بحكم الاندماج معهم
لكن يبقى الانتظار حتى يؤكد الزمن هذه المعلومه
وربنا يكتب لك الخير

اخذت درانجوا 2006 في رمضان الماضي وكان عليها عرض طبعا ليمتد كاملة المواصفات جلد فتحه دبل بــ 101000 ريال

استخدمتها 7 شهور وللامانه سياره لا يعلى عليها

طعست فيها بنفود الزلفي والقصيم وفي ام رقيبه سياره ينشد بها الظهر والله ما تحتاج للدبل عيبها شوي نازله وكذلك صيانتها اسعارها مرتفعه شوي

بعتها لضروف مريت بها بــ 88 الف يعني ما نزلت كثير بس السياره نظيفه

اذا انت مقتنع فيها نصيحه خذها لا سيما انهم عدلوا المشكله اللي في الحراره في مديل 2007 واضافوا مروحه اللي مسببه المشكله في الموديلات من 2006 وتحت

من داخل سيارة عائلية رائعة
و محرك هيمي داهية و أداء قوي
و الباقي لك علية :D

صدقت يا داي لايت، غير كذا عندنا بسبب الحرارة وندرة الأمطار، عند أول هطول للأمطار الشوارع تصير مغطاة بطبقة صابون، وإذا السيارة غير مهيأة لها تكون في غاية الخطورة.

اخي، القصة التي ذكرت حقيقية وحدثت لإبن عمي،

الشوارع في امريكا وكندا مهيئة للظروف الجوية السيئة، بينما لدينا وبسبب سوء التخطيط تجد تكون البرك المائية في الشوارع بعد هطول الأمطار، وبالتالي إذا مرت بجانبك اي سيارة من الحجم الثقيل ستنعدم الرؤية لديك ناهيك عن دخول المياه الى المحرك ،

الكثير من السيارات اليابانبة لا تتأثر بالظروف المذكورة بالأعلى ولكن الدورانجو فشلت.

انصحك بالابتعاد عنهم

يا أخ Daylight السيارة تباع في كندا وأمريكا ... وانت جاي تقول ما تنساق بالمطر ..... !!!! كلامك عجيب يعني كندا وأمريكا ما توصل الحرارة عندهم 20 تحت الصفر وامطار 24 ساعة !!!

الرجاء يا اخي تكون موضوعي باراءك ولا تصدق كل ما يقال لك ....


وانا امتلك هذه السيارة .منذ شهر تقريبا .... وهي جيدة جدا .... وملاحظتي الوحيدة عليها ... ارتفاع الحرارة قليلا اذا كنت مشغل المكيف ومتوقف لوقت طويل .....

واي استفسار اخ saif sa انا جاهز...

شكرا لكم يا اخوان على التفاعل الرائع

السيارة مواصفاتها مبهرة مقارنة بالسعر، لكن بعد تجربة المجربين لا ينصح بها.

أداءها في البر لا بأس به، بحكم توفر دبل ثقيل، لكن تعليقها لين جدا إلى درجة إنها ممكن بسهولة تحك في المطبات إذا كان السائق مسرع. قطع غيارها غالية جداً

معليش، سمحولي ادلي برأيي المعارض،

القوة نتفق فيها ... السيارة قوية،

بس أذكر السنة الماضية في اخ كويتي حط موضوع في المنتدى فيه ملف فيديو يصور فيه عداد الحرارة وهي مرتفة، وصاحب السيارة يسب فيها سب :D

ناهيك ان المواد والديكور الداخلي رخيص حتى كلمة رخيص واجد عليه،

ثالث شي والأهم، هذي السيارة ما تنساق في ايام المطر، ولا راح تروح للتشليح،

أحد اقربائي كان عنده وحده (هذي السنة) وفي ايام المطر كان الشارع فيه طبقة من الماء ومرت جنبه شاحنة مسرعة ورشت سيارة قريبي وكان الماء ينسكب على السيارة كأنه شلال، ومنها السيارة انعدمت وكانت كلفة اصلاحها عالية جدا وعوضه التأمين المبلغ كاش.

سيارة عائلية ممتازة وذات قوة جبارة ....... عيبها عدم توفر قطع غيارها وقلة موزعيها
هناك بدائل لها مثل التاهو واليوكون والارمادا والاكسبيدشن ....