الرجاء الدخوول وابداء الرأي

هذه نبذه مختصره جدا عن اساطيل الكابرس في ارامكو

هذه صفقات...(شد لي واقطع لك ) وللمعلوميه هذه سيارات اجار....استاجرتها ارامكو من الجميح

ويوجد في الشرقيه قسم في ارامكو للصيانه الكابرس خاص بالجميح والعالميه

ويقومون بصيانتها كل 5000 الاف كيلو ويتم تفادي المشاكل الفنيه بالصيانه المستمره


والكابرس فعلا تتحلى بمحركها الجبار وواسعه من الداخل وتصميمها عصري

الفكتوريا والماركيز فعلا تتحلان بالجوده العاليه والراحة المعهوده وقلة المشاكل الفنيه والتصميم الكلاسيكي وان كنت افضل الماركيز للتغييرات الاخيره
والله الموفق

انا راايي انك تتووكل على الله وتاااخذ الكراون فكتوريا

مايبي لها كلام الكروون افضل من الكابرس بكثير

إذا تبي فخامة فمالك الا كابرس
اذا تبي قوة فمالك الا كابرس
اذا تبي سيارة تلفت الأنظار فمالك الا كابرس
إذا تبي ... فمالك الا كابرس
إذا تبي ... فمالك الا كابرس
...
...
الخ
أنا صراحة أقارن الجراند ماركيز بالكابرس LS وحتى الكابرس LS أفضل من دووووون زعل يا شباب الجراند ماركيز مو في مستوى الكابرس 2000 وذحيت تجي تقول لي 2007 الحق ينقال وسلامتكم وإذا عن الخرابات كل اللي قالوا ان فيه خرابات ما عندهم كابرس لكن كلام ناس ...... وكل اللي جربوا الكابرس يمدحونه ولو الكابرس فيه خرابات على قولتهم كان شركة أرامكو ما اشترت أساطيل من الكابرسات لموضفيها وسلامتكم ....

والله انا اشوف انك تطق كابرس 2007 شكل جديد وقوه خياليه موتر تطور في العام 2007

واذا ناوي الفكتوريا برضو موتر ماعليه كلااااام ابد من 1998 وهو ماشاء الله مثبت وجوده وفي النهايه قل الله يكتب الي فيه الخير

تم التصويت للهولدن كابرس 2007

بصراحه اخوي انا بنقلك تجربتي عن الفكتوريا..
بصراحه سياره كلاسيكيه قويه بس مو بقوه الكابريس ((هذي الصراحه ))بس بترتاح في قطع الغيار رخيــــــــــــــــصه ومتوفره وبصراحه انا كرفت سيارتي من ناحيه الاستعمال تعرف الحسا مزارع ومطبات ولا قال شي وهذا وهو فل كامل بس علاق مو ارضي وبصراحه صرفيته للبنزين حلو مره بالنسبه لي
وفي الخط رساوه وهدوء
((بصراحه موتر رائع رئع رائع))
واتمني اني فدتك بشى..

شوف عزيزي .. اذا تبي سياره تجدد باستمرار وشكلها جديد لكن ماتعيش معاك يعني سنتين ثلاث سنين بعدها بتشوف انواع المشاكل لكن مكينتها جبارهـ ومواصفاتها حلوهـ خذ كابرس ..

اذا تبي سياره مهما تكفرها ليل نهار تعيش معاك ولاتشتكي ابد خرابات اللهم الي عليك تعبي بانزين وتغير زيت وقوتها ممتازهـ وفيها مواصفات حلوهـ جداً مثلا الهيدروليك والتراكشن وعداد الكتروني خذ فورد او ميركوري لكن فل كامل ويفضل قير ارضي حتى تكون تتفوق على الكابرس من كل النواحي ..

ممكن تضمني لك لأني انا محتار بين الكابريس 2007 والفورد
رجاء من الاخوة الكرام افادتنا بارائهم دون تعصب لأنني انا اوافق اخي طارح الاستفتاء
في الحيرة بين السيارتين

اخوي كذ مني العلم

معي فورد او خليني اقول ميركوري قراند ماركيز 1993

ماشي 380 الف متر

ماشاء الله زي الحلاوة سيارة تكرف معاك ولا تخونك في يوم << اسأل مجرب

وشكرا

محمد ...

مشكورين وبصراحه أنا مادخلت الماركيز في المقارنه بس انشاء الله اني قررت الماركيز ويعطيك العافيه

الفورد مشكلته في الشكل الخارجي قديم ومب حلو كثير والكابرس في تصميم الخارجي ممتاز جدا ومكينته قويه

وكلا سيارتين يمتازون بالفخامه والوسع

انا جربت ركبت في فورد 2003 عجبني شكله داخلي ولكن المكيف مب لذيك درجه بارد يعني مكيف الكابرس افضل منه

بس مادري هل جميع موديلاات الفورد نفس تبريد مكيف موديل 2003

والخيره لك وبالتوفيق لك سواء خذت فورد او كابرس

بعطيك المميزات والسلبيات

الكابرس شكل جديد وفخامة ومتطور ومحرك قوي

لكن خراباته كثيرة جداً خاصة إنه توه نازل ويطيح سعره بالبيع وإذا راح موديله يطلع عادي جداً بالنسبة لنظرة الناس (إذا كان ltz) وما تحت

الفورد مثل ما قال الأخ فيصل لكن مشكلته إنه ما تغير شكله

ونظرة الناس بتكون للكابرس لأنه جديد

لكن لو تجيب كابرس 2007 وفورد 2007 بعد خمس سنوات بتكون نظرتهم للفورد أفضل لأن مثل ما قلتلك الكابرس إذا راح موديله تطيح السمعة ويصير عادي ... بإختصار الكابرس حلو بموديله

اخوووي اذا كان يهمك الاستخدام

ومايهمك الشكل الخارجي وقوه المكينه

فاقوولك الفكتوريا وانت مغمض

يهمني ياعزيزي الاستخدام وابغاكم تشيروون علي وش اخذ ؟