سيارتي الشبح فيها لمبة ABS تشتغل وش الخلل ياجماعة الخير والله تعبت

شبح تبوك @user_47169 · 14-06-2007

السلام عليكم

عندي سياره شبح موديل 1994 اس اي ال 320

من شهر ولمبة الاي بي اس شغاله وتشتغل معاها تلقائيا لمبة الاي اس ار والدركسيون يثقل معاي

فحصتها كمبيوتر ماطلع شيء والحساسات سليمه والكمبيوتر مافيه شيء

المشكله ماتولع اللمبه الا بعد ماامشي بالسياره ربع ساعه او عشر دقايق او لما اخذ مطب اولفه

وذا رجعت وطفيت السياره وشغلتها مره ثانيه تختفي اللمبه وهكذا

والله مليت بصراحه ومدري وش اسوي

واحد من الشباب قال لي اكيد هذا حساس الكرونه ؟؟

اللي عنده خبره في هالامور لايبخل علينا والله يجزاه خير ويرزقه

انا مسافر خط طويل بعد كم يوم ساعدووني

رحيل العمر @user_48689 · 15-06-2007

اخوي شبح اذا على كلامك ما تشتغل الا عندي المشي فقط
وهي لمبة الـ abs هذا يدل على انه في مشكله عندك في احد الحساسات

ومستحيل الجهاز ما يكتشف وين العطل الا اللي فحص السياره ما يعرف شي
تأكد من شخص يعرف يفحص زين .
ولكن الاكيد انه من حساس اللي في احد الكفرات ..

mohammad 902 @user_10600 · 14-06-2007

اخوي بنز- وبس هذا الحساس اللي تحت الدركسون وين بالضبط؟

انا اقول الحساس اللي بالكليبر عند الفرامل وانت زودت الحساس اللي تحت الدركسون والله شي حلو استكشفنا كل الحساسات
ان شاء الله يطلع مشكلة الأخ شبح تبوك في هالحدود
سلام

بنز-وبس @user_32977 · 14-06-2007

اخوي
انا مره صارت لي هالمشكله في مرسيدس 2001
الخلل طلع من الحساس مال الاي بي اس وهالشغلات
موجود تحت الدرسكون قيمته حدود 50 ريال.

mohammad 902 @user_10600 · 14-06-2007

السلام عليكم ورحمة الله وبركاته
اخوي ترى مشكلتك ان شاء الله بسيطة
اول شي ابيك تجرب الفرامل وتشوف ال ABS يمسك ولا لا اذا مسك معك يعني انه شغال والمشكلة ان الحساس يحتاج تنظيف انصحك تفكه وتنظفه ما في أسهل منه وهذي المشكلة صارت مع اخوي ويوم نظف الحساس طفت اللمبة
والسبب ان الحساس معناطيس ومع الزمن يمتص برادة الحديد ولازم تنظفه بخرقة او اي شي

واذا ما كان ال ABS شغال يعني في خلل يمكن يكون سلك مقطوع ويمكن يكون شي أكبر بس انت جرب تضرب فرامل بقوة وشوف بيمسسك ولا لا اذا كان يمسك ويطلع صوت طقطقة يعني انه شغال وما يحتاج غير تنظيف زي ما قلت
وشكراً

big time @user_47207 · 14-06-2007

الله يكون في عونك ياشبح تبوك المشكلة الاولى ABS مااعرف عنه شي لكن المشكلة الثانية ASB الي تثقل السيارة وفحص الكمبيوتر مايطلع شيهذا طالع عمرك الكلسترات التابعة للكهرب طبعا يثقل الموتر اذا ولعة اللمبة وطفيت السيارة يرجع كل شي طبيعي فمالك الا التصليح وهو حدود 3000 ريال اذا كان يتصلح وتغيره مستعمل من 4500 الى 5000ربال والجديد 6000 طبعا كلما تاخرت كلما الكمبيوتر يتضرر ويروح فيها وتبوك ماشاء الله قطع الغيار عندكم وخاصة المرسيدس بسعر التراب وان شاء الله تضبط معك

Mr. mOOn @user_26719 · 14-06-2007

والله ودي افيدك يالغالي بس ماعندي خبره بهالموضوع بالضبط

انا عندي بو عيون 96 اذكر مره ماكانت تشتغل عندي لمبات البريك .. فكرتها من الفيوزات

اثاري مايوصلها كهربا مضبوط ..

المهم سألت الكهربائي مو من الفيوزات قالي لاا .. لو من الفيوزات كان على طول بتشوف عندك لمبه الـ ايه بي اس شغاله