احترت والله ابي شورتكم(بليزر دفع رباعي)

اخوي انا شريت 2006 دبل الموتر والله الحمد تمام . والي الان ماشفت منه الا كل خير.

لكن السيارات حظوظ يعني ممكن تطيح بسياره ممتازه وممكن تكون سيئه.

الاهم اخوي هو انك تجرب السياره قبل ماتشتري.

بالنسبه لختيارك ltz جدا رائع صراحه الموتر فيه مواصفات فوووووووق عن باقي السيارات وراح تلاحظ هشي مع الاستخدام وجدا متقدمه.

عموما بالتوفيق والله يطعمك من خيره ويكفيك شره.

مرحبا مره أخرى..
بالنسبة لأسئلتك أخي الكريم هل كنت تقصد شاصي او شاصيين أي صف ثالث من المراتب؟ اذا كان هذا قصدك بالموضوع يتعلق بحجم العائلة اللي معك هل هي قليلة أو كثيرة ولكن بالنسبة للأمور الأخرى تبقى أذواق شخصية تختلف من شخص لآخر..
أما بالنسبة للآرتفاع عن الأرض فلا اعتقد ان هناك فرق بينهما سواء دبل أو بدون..

لكن لو تسألني عن رأيي في البليز - الانفوي فكلاهما سيارتان جيدتان لانهما جمعتا بين راحة الأمريكية ومرونة الياباني ويساعدهما في ذلك حجمهما الأقل عرضا من اليوكن والتاهو وانا شخصيا جربت الانفوي قمة الراحة ومرونة في المناورة لا تمتلكها أي سيارة دفع رباعي أمريكي أو حتى ياباني " رأي شخصي "

بالتوفيق

أخوي ...

من كلامك ... أشوف ماعندك فرق بين البليزر (( 5 ركاب )) و (( 7 ركاب ))

بالرغم من الإختلاف الكبير في المكينة ... (( 6 سلندر )) و (( 8 سلندر ))

وكذلك الإختلاف الكبير في الشكل ..

فالطويل ... شكله قبيح .. وغير متناسق

إذا لم تكن تحتاج لثلاثة صفوف من المقاعد .. فالبليزر .. جميل جداً (( القصير ))

و إذا كنت محتاج سياره لسبعة ركاب .. فالتاهو أجمل بكثير


وفي كل الحالتين ..

فالدفع الرباعي هو الأفضل .. فلايهم أن كنت راعي بر أو لا ..

ولكن .. قد يأتي يوم تحتاج إلى الدفع الرباعي ..ووقتها سوف تتمنى دفع كل ماتملك من أجل هذه الميزه .




والله يوفقك

سلام
انا عندي بليزرLT 2006 دبل ممتاز في المدينه وفي البر بس عيبه انه
مطيح((نازل من قدام)) ما ذاك الزود في قصات الطعوس
الموتر قوي حتى اني رحت اطعس اول ما طلعت من الوكاله
انا اقول اتجربه واتجرب غيره من السيارات اللي نصحوك بها الشباب
اوسلامتك|3|

أنا شخصياً أنصح في الاكسبلورر أكثر، مع إنه مكينته أضعف لكن استهلاكه للوقود أفضل وشكله أجمل ويشيل سبع ركاب.

وأنصحك تاخذ إللي مع دبل، حتى لو منت راعي طعوس. يجيك يوم تطلع مع أهلك وودك تبعد عن زحمة الناس وتروح خلف طعس، وتقول يا ليتني أخذت بدبل.

التطعيس ما يخرب السيارة إذا كنت تمشي على مهلك. إللي يخربه هذولا حقون التحديات.

طيب اخوي لو تشوف غير البليزر ترى افضل يعني تاهو 2007 او اكسبلورر الجديد ترى سيارة لا يعلى عليها .. البليزر اخوي مثل الأنفوي سيارة لا يعتمد عليها كثير وللاسف كل منتجات جنرال ذات الدفع الرباعي في نظري من خلال تجربة سيئة ماعدا اليوكون خارج المنافسة تماما تماما + التاهو

انا اقول تركد شوي واسأل ونصيحة اذا بغيت تاخذ لا تاخذ الا دبل العشرة الاف ماتفرق معك في دبل .
الله يرشدك للصواب ويخترلك الصالح وعلى فكرة ترىدفعتك جامدة يعني تخير السيارة اللي تبي وبنك الراجحي اذا راتبك ينزل عنده يعطيك خصم جيد وياليت تفكر في التويوتا لاندكروزر جي اكس ار على الأقل حط فلوسك في شي يستاهل .

اختصارا اخي الكريم لو الأمر لي لن اتعدى الخيارات التالية - طبعا حسب الفلوس اللي معي- :
1- اليوكون
2- اللاندكروزر
3- درجة اقل اذا فلوس على قدي الاكسبلورر

شي ثاني اطلب تجربة قيادة ولا عليك من اكبر شنب منهم حتى لو تدخل للمدير وهذا الكلام ينطبق على كل الوكالات
تحياتي

اخوي انا كان معي تريل بليزر2004LTZلونين اسود وذهبي بادبل طعست به وزي الحلاوه بس بعته وشتريت تريل بليزر ssوارد امريكا العداد اصفار عمي ارسله وهي سياره لايعلى عليها جدا رائعه

اخوي ياليتك لا تستعجل في شراء البليزر

كم الفلوس اللي عندك ؟ معليش ملقوف لكن لمصلحتك !!

الاخ / gantl
الله يسامحك يا اخي الحين الي يطلعون سيارات وكالة و يرحون للبر يصير الواحد خبل الله يهديك هو كل واحد إذا طلع البر لازم يكسر سيارتة هذا ممكن تقول علية خبل "الله يهدينا و اياك"

مشكور اخوي بدر4 على ردك لي السريع طمنتني من ناحيه الصوت في المكينة
من ناحية البر اخوك مايروح بر ولا يطعس ونا خبل اطلع سيارة وكالة اروح فيها بر
لكن ويش يفرق شاصي او شاصين وهل الدبل يكون اعلى من العادي ياليت الاخوان يساعدوني