حوار مع فاغر...!!! دعوة عامه ((( لأصحاب الكامري )))...

__________________

انا برد على اللي قال البي ام والمرسدس

البي ام ممكنها مكلفه وغير عمليه بس المرسدس قطع غيارة رخيييص و عملي واللي يجربه معد يفكه ...ولاتقارن لي موديل 91 مرسدس ب2003 كامري وحتى لو قارنتهم انا بالنسبه لي اخذ المرسدس افخم واريح وقطع غيارة رخيص

ونفس الكلام يمشي على الفورد ...اذا شريت فورد وكاله شف كم يقعد معك من سنه ثم اذا خرب شف وش يخرب فيه وجربه على الخط وفي البر و في سكة الحديد بعد

الكامري مهيب شينة بس ماتجي تقارنها باللي اكبر منها اذا انت معك كامري لا تقعد تعيب في مواتر خلق الله ....انت تشوف انها احسن سيارة عندك طبعا

انا اشوف انها سيارة لموزينات وبزارين وتفحيط وشرطه و يطربك صوت الهوا مع الدرايش وانت على HIGH WAY والا المكيف اللي يطلع صوت ماتدري يبرد والا لاوالا حسااسات ابو جميل كنك تسوق دينا واذا كنت من اللي يوقفون في الشمس لازم تشتري كرتون غرا علشان تلصق التخشيبة كل يوم ...


الكامري وقفت عن موديل 2002 بعدها طلعت كراتين قبل ال2002 صح كانت الكامري سيارة ناجحة بكل المقاييس ويحق لك تفخر بها ..بس مهوب تهايط على الناس


المهم علشان ما اطلع عن الموضوع هذا الموضوع الهدف منه نبذ التعصب وهذا اللي شفناه في حقين الكوامري مثل الاخ اللي نسخت كلامة

انا تمنى واحد يقول موترك في مشكلة كذا وكذا وتقدر تتفادها بكذا وكذا او قبل لا اشتري موتر ينصحني ....حتى انا اذا شريت موتر ما اعجبني ولو هو معي اعلم بعيوبه
ليــــــــــــــــــه نغطي على عيوب سيارة حنا اصلا ماصنعناها كل اللي علينا (ندفع فلوس) طيب ليه مانفكر صح وندفعها في شي زين ... لان اللي بيشتري السيارة اخوي واخوك وابوي وابوك وولد عمي وجارنا ليه نغشهم علشان نخفي عنهم عيوب السيارة علشان نظهر باننا اكشخ ناس
المشكلة بعد هالموضوع الطويل واشكر الاخ كاتب الموضوع يطلع لنا واحد مثل المتعصب اللي فوق ... الكلام كله مانقصد به الكامري نقصد به العقليات اللي تمتلكها بس اذا انت تبي الدعوة مهايط نقدر نرد عليك ....

أخي/
الأكورد والسوناتا و اللومينا راح طيح عينك حتى تحصل لها زبون وبأقل من نصف القيمة هذا إذا كانت من الموديلات الجديدة... إما إذا كانت تحت 2002 خليها في بيتكم سبيل للي سيارته عطلانه.....!!

أما الكامري لفتين في ساحة الحراج وانشاء الله تبيعها بمكسب...!!
طبعاً أنا أخاطب ذوي الدخل المحدود ( شي إقتصادي )وبس...
بعد تجارب ابتداءً بالسيارات الألمانية ( BMW - Mercedes ) آآآآآآه على فلوسي اللي راحت.....
مروراً بالسيارات الأمريكية طبعاً أرحم من الألمانية بكثيييييير ولكن كل فترة روح وغير جلد و مقصات وأصوات ماتدري من فين تخرج والأرياح تلعبك مع كل جانب أقصد ( الفورد قبح الله وجهه ) كامري أرسى منه في الخط High way...!
وأخيراً سلملي على الكامري حتى صيانه ماتحتاج لو تشتغل بها طلبات......!!!
وآسفيييين على الإطاله لكن من حر ما فيني ......!!؟؟