ما اقول اخوي فيصل الا الله يعينك على ذا الاشكال المتخلفة اللي ترد وتقل ادبها خصوصاً اللي مسمي نفسه (سعد الفرج) قال ايش رح انت وموترك فرحان فيه اولاً تعال وش دخلك فوق راسك هو قال 40 الف قال انت وش عرفك بالسيارات حدك ددسن 77 ويخب عليك جاي تتكلم في سيارت منت عارف اسعارها ولا قيمها وبعدين التزم آداب الحوار واحترم المواضيع اللي تطرح لأنك في منتدى محترم ويشاهدون مواضيعه مئات الأعضاء.
وبالنسبة للسومة اخوي فيصل سومة مناسبة جداً خصوصا اني مطلع على السوق الايام هاذي وخصوصا اسعار الفورد زايده شوي قبل فترة شرى خويي ماركيز لونه اسود فل كامل 2004 وماشي تقريباً
(80،000) الف ميل امريكي اي تقريباً (128،000) الف كيلو متر بـــ (60،000) ريال ولو نقارن الموديل والممشي والنوع نجد ان سعر سومة سيارتك جيدة جداً ومناسبة خصوصاً ان السيارة ضمان توكيلات الجزيرة واستخدام شخصي.|1|
من طول الغيبات جاب الغنايم وين الناس ؟؟ ان شاء الله بخير وصحه وعافيه
بالنسبة لبعض الاخوان الله يهديهم هم شخص واحد.. صار معي موقف وبدا يدخل ويخرب
باسماء اخرى يالله مالنا الا سعة الصدر ولا الباند يشتغل..
وبالنسبة لسعر سيارتي فهو مناسب جدا ولكن ماجاء اللي فعلا شراي
عموما هي ارزاق والله يرزقنا ويرزق الجميع
وللمعلوميه حتى الان مادخلتها اي معرض او عرضتها في معرض وهي واقفه عند البيت
لها فتره طويله وشكلي ابدخلها في معرض احسن من وقفتها بالبيت على الفاضي
واخيرا شكرا على المشاركه وخلنا نقراء مشاركاتك في مواضيع القسم الامريكي
والله الموفق
