ليجاسي 2007 (6 سلندر ) بـ100 ألف فقط

عين العقل يا # OMAR #

أنا بعد شفت مقطع عن مقارنات في أنظمة الدفع الرباعي والثبات في سيارات معينة منها فولفو XC60 وXC90 وسوبارو تروبيكا وفورستر وليجاسي وهوندا CR-V وسيارات أخرى لا أذكرها كلها
تعجبت من قدرة الثبات الي في سوبارو حتى أنهم يضاهون الفولفو
وأيضا سوبارو أعتقد كل سياراتها أخذت درجة كاملة في السلامة 5 نجوم ما أدري الشركات الثانية هل كل سياراتها نفس الدرجة في السلامة!

بنسبة لي السعر حلو كمواصفات وأمكانيات وكتقنيات وديمانيكا متطورة
بس السعر مناسب جدا لو المحرك 3,6 الجديد في التروبييكا بس على محركها الحالي فـ 103 ألف مناسب لميزاتها

|3|

مهما كانت وسائل السلامه التي بالليجاسي

ومهما كانت قوه السياره وثباتها

فهذا سعر مبالغ به كثيراً

معقول سياره صغيره يتقارب سعرها من سيارات عائلية كبيرة الحجم


هذا كلام ليس مقبول إطلاقاً

بنظري حرام الواحد يحط 100 ألف ريال بسياره بحجم الصني من نيسان

وبالتوفيق ,,,

يا ليت لو فيه احد من الاخوان العمانيين يعطينا انطباعه عن السيارة و سعرها لدينا لأنهم يثقون كثيرا بهذه السيارة و هي منتشره لديهم و لها عشاق كثر هناك و يعرفونا اكثر منا بكثير

تحياتي لكم

السيارة ممتازة و ما عليها كلام احد اصدقائي يملك ليجاسي 2001 ماشي عليها 250 الف كيلو ما شاء الله السيارة بحالة جيدة جدا و ما صرف عليها واجد مجرد القطع الاستهلاكية و مره واحده خرب فيها شي ما ادري وش هو و صلحها بالف ريال
على العموم السيارة الجديدة 2007 سعرها السابق 107 الاف مبالغ فيه كما قالوا الاخوان لكن اذا كانت فعلا ب 100 الف الان فهو عادل نوعا ما و لو كانت 95 و هو في نظري السعر العادل لها يكون افضل

كلمة حق :
كل من قارن السوبارو باللومينا والكابرس و الاوريون وغيرها من السيارات اقدر اقول انه من الاشخاص اللي يهمه حجم السيارة او حجم المحرك ..
اعزائي .. اخواني .. اللي مايعرف السيارة تكفون لايتكلم عنها ..
اولا : الثبات والرساوة بسيارات سوبارو يقارن بسيارات بورش ولمبرجيني .. واللي مايصدقني انا عندي فيديو من اشهر برامج السيارات التلفزيونية وهو توب قير المعروف طبعا .. وفيه تفوقت سيارة سوبارو امبريزا على لامبرجيني جالاردو في الثبات بالمنعطفات ..
علموني بالله عليكم من هي اللومينا والكابرس والكامري التي تتحدثون عنهم ؟؟ ثباتهم تضرب به الامثال كاسوأ سيارات بالعالم من ناحية الثبات ..
ثانيا الامان : عندكم فكرة ان سوبارو تنافس الشركات الاوروبية بالامان واخذت جوائز لو تفحط الشركات الامريكية واليابانية كلهم ماخذوا نصهم .. سوبارو تمت مقارنتها مع فولفو وبي ام دبليو فتفوقت بالسلامة النشطة وفشلت بالسلامة الكامنة .. ولكن يظل تفوق سيارة يابانية على شركات اوروبية عريقة في مجال السلامة وان كان من ناحية واحدة فقط الا انه يعد انجاز لم يسبقه بها اي شركة يابانية او امريكية اخرى ..

لست من عشاق سوبارو ولست من اعداء غيرها .. فانا حياتي كلها بفولفو فقط .. ولكن الحق حق يجب ان يقال .. ففي منتديات ومواقع فولفو الاجنبية يرون ان سوبارو تعد منافس قوي للشركة في مجال الامان .. ويخشون سوبارو اكثر من الشركات الالمانية ..

مشكوووووووور بس لو انا منك والله ما احط ولا 80000 ريال وش فيها زياده عن السيارات الثانيه
ما دام اني وصلت 100000 ازودها كم الف واطق لي لومينا ss 2007

السياره اكثر من رائعه

لكن سعرها مرتفع نوعا ما


لكن 8700 الف مناسب للسياره



مع اطيب تحيه

اللي ما يعرف الصقر يشويه
انا ما ادري كيف العالم تقارن سيارة يابانية 100% بسيارات كورية واسترالية
هذي سيارات ما وراها إلى القرقعه . وتدفع دبل سعرها في الإصلاحات وغثا الصناعية
الليجاسي لو تصنع في غير اليابان لوجت السعر ينخفض منه الربع اكيد هذا إذا ما كان اكثر
وهذا دليل على متانت الصناعة اليابانية والامانة في العمل . مهوب قص لصق
اكبر سيارات انغشينا فيها هي الكابرس واللومينا ما ينظمن ولو هو جديد
والله ان صناعة هنداي امتن من الكابرس واللومينا . وبمراحل

السعر مرتفع جداً حتى ولو كانت سيارة يابانية و...و....و..... بهالسعر ازيد عليه كم ألف وآخذ لي افالون أو اي سيارة ثانية احسن منه الليجاسي

شكرا لجميع المشاركين بالموضوع

أود التنويه أيضا أنني توجهت بالأمس لمعرض اليمني مرة أخرى

وعندما سألت مندوب مبيعات آخر (مصري) الجنسية عن سعر الليجاسي (2006) فل كامل 6 سلندر

أخبرني أنه (87000) ألف ريال (آخر كلام يا باشا) والمرة السابقة كانت (89000) ريال

أعتقد أن عملية هبوط السعر مستمرة ... محبتي ومودتي

السياره ممتازه في الشكل والاداء بس سعرها مرتفع شوي

عندك لومنيا S بسته وتسعين الف واظن كأداء افضل من الليجاسي

تحياتي

بلى قريته
لكن ما لقيت المعلومة إلي تقول إنه "القير" تغير ... كل إلي موجود هو إن طريقة التعشيق تغيرت
وعلى الأغلب كلامي صحيح

يكفي ان اليجاسي MADE IN JAPAN مو مثل السيارات اللي ذكرتوها كابرس استرالي حده 3 سنوات وبع ازيرا مثله لا وكوري وسعرها خيالي سكودا قلت تقارن السكودا باليجاسي
بعدين الليجاسي فيه ميزه ماحد يدري عنها الا اللي يعرفها خرابات انس شي اسمه صناعيه ماتعرفه
لو قلت الاكورد روح شوف العيوب اللي فيها اكبر عيب الفرامل
بعدين شوف السوبارو ايش اخذت في اختبارات التصادم اعلى درجه ماحد خذاها من السيارات اللي تقارنت معها
اظن شركت سوبارو ما تصنع سيارات لكسب الفلوس تصنعها لجوده
وتستاهل تكون تحفه يابانيه

اذا نزلت الألتيما الجديدة بالسوق والأكورد الجديدة قل وداعا لشيء اسمه ليجاسي ,,,

آخذ لي أزيرا فل كامل مع نفقيشن بـ 94 ألف ولا آخذ ليجاسي بـ 100 ألف !

بصراحة سعرها جدا مرتفع !

والله اللي ما دفعت بهالنتفة 100 ألف !

سيارة ما تاخذ الا 4 أشخاص .. وحجمها صغير .. ومحرك 3 لتر ..

ازيد 20 ألف وآخذ انفينتي G35

^^^^^^^^^^^^^

شكلك ما شفت الرابط اللي وضعته انا
هذا هو ثاني مره
http://www.assayyarat.com/forums/showthread.php?t=93659

بالنسبة للـ فلبي-قير ... هل القير نفسه تغير عن إلي في موديل 2006 ... ولا بس أضافوا لها الفلبي قير ؟
لأنه لو ما تغير ... والسعر زاد بشكل كبير بس بسبب الحركة هذي ... فتكون الحركة نصب ... لأنه في شركات تبيع طقم أفتر-ماركة ... تحول القير التيبترونيك إلى فلبي-قير

:)

الليجاسي موتر روعه وتحفه .....
انا ما امتلك السياره لكن ركبتها مع احد زملائي في الجامعه مرتين .... وحنا في السياره خمسه
اشخاص مع السائق وصراحه السياره ضيقه رغم اني راكب جنب السائق الا اني حسيت باللي ورا
.....
ثاني شي رغم ان المسافه 75 كيلو الا اني بدأت اتظايق في منتصف الطريق
ما حسيت بذيك الراحه او الفرق الكبير بينها وبين السياره
اللي دايما اروح ابها الجامعه مع ولد عمي اللي هي سوناتا 2006 .... واقل درجه
طبعا ما حسيت بالفرق في المركب ... ( اي الراحه )
يعني فرق بينها وبين الموتر اللي اروح به انا واللي هو موتر الوالد ماركيز 2004
اقصد في الراحه ......
وعلى العموم انا توي من يومين رايح المعارض وشفت انفنتي G35 موديل 2006
فل كامل جديد 92 الف ..... اذا خيروني بين السوبارو والانفنتي راح اختار الثانيه
بدون تردد ....
لكن هذا لا يعني ان الليغاسي ماهو جيد بالعكس ممتاز بس ماهو بهالسعر
يمكن 90000 الف او 94000 الف ......
وفيه موتر ممتاز مقارب لسعره وينافسه اللي هو سكودا سوبيروس
افضلها على الليغاسي اذا ما اغفلنا الوكيل ....
وهذا مجرد رأي .....