اخوي S_320 بالتوفيق والله يطعمك من خيره ويكفيك شره
وانشاء الله مارح تتحسف على الموتر .
عاد اخوي حافظ على الموتر .
لكن اخوي فيه لون جديد نازل للبليزر اظاهر انه رصاصي فاتح صراحه لوكان موجود لما شريت موتري
كان اخذته لكن كان افضل لون الاسود واخذته .
الداخل اذا كان اسود مع بيج افضل على مااعتقد.
لكن اخوي سالفت البيبان مادري والله انا ما لا حظت على موتري شي.
لكن اخوي نوع موترك وسعره الي اخذته ممكن تقوله .
انا شريت موتر بعد مانزل 2006 ب 4 شهور وموتري LT دبل +فتحه+ مكيف الكتروني +ازرار.
والسعر انا اعتقد انه غالي شوي ب 100 الف :mad: . لكن الان نزل سعره ب 2007.
وبالتوفيق واي شي عن الموتر انا حاضر .|3|
يبارك بعمرك :D
انا شفت اللون الرصاصي بس الي خلاني اصرف نظر عنه لونه الداخلي كله رصاصي الطبلون والبيبان والفرش رصاصي ممل بقوووه ..
الموتر الي اخذته LS 4x4 مع اللوحات والتأمين طلع علي ب 82000 السبب الي خلاني ما أخذ LT بيني وبينك الجميح استغلالي اقولك كيف ..
1- يحسب عليك الديفيدي مع شاشه علويه بي 5500 وشاشتين بي 7500 مع انها ما تكلفك بالغرابي اكثر من 1500 وماركة افضل .
2- الفتحه ماحبها خصوصاً الفتحات الي تجي بالأمريكي .. وللعلم كان الجميح يركبهم عند السليماني الي على طريق الملك عبدالله ويحسبها على الزبون ب 6000 مع انها تكلف عند السليماني 4500 وعليها ضمان 5 الى 10 سنوات مو فاكر والله .
3- مراتب الجلد متعقد منها كل مواتري الي قبل كانو جلد وبيني وبينك بجو السعوديه المخمل ويالله تسلم من الحمام البخاري الي بزحمة الساعه 2 الظهر :)
4- الأكباس الي تجي مع ال LT لو كانت تجي مع ال LS كان فكيتها لأني ناوي اوحد الشبك مع مكان الأكباس الي بالصدام بقطح نيكل (ماش) .
حسبتها حسبه بسيطه فلقيت بدل ما ادفع قيمة LT للجميح ,, اخذ LS والفرق اقدر اكمل فيها الموتر لمواصفات ال LT ويبقى معي قيمة جنوط 22 مع كفراتهم :D
82000 لموتر 4x4 وبحجم الترايل بليزر اعتقد صفقه موفقه ولا شرايك :)
على فكره الجميح بدا بنظام جديد الحين .. غيرو اول تشييك الي بعد 1000 كيلو ,, الحين خلوها بعد 5000 كيلو .
تحياتي لكم جميعا
