شريت بليزر 2007 وابي شوركم

ابشركم استلمت السياره امس

ومعها الأتي :

- طفاية حريق .
- علبة اسعافات أوليه .
- فرشات للسياره مطابقه للديكور .
- شنطة عده .
- مثلث التوقف الإضطراري بعلبه صغيره .
- مفتاحين ومعاهم 2 ريموت .
- كرت الصيانه الأولى الي بعد ال 5000 ويتظمن تغيير الزيت والفلتر مجاني .
- عدد 2 كتلوج ومعاهم حقيبه سوداء تضع فيه اوراق السياره بالدرج الأمامي .
- كرت الضمان ومعه بطاقة التأمين .
- كرت خصم من في كووول للي حاب يركب العزل الحراري .




مشيت فيها حوالي 200 كلم


بصراحه السياره رايقه ومكينتها جداً هاديه وصلت فيها لحد 100-120 وما لاحظت ذاك الإزعاج .

انا وواحد من الزملاء تونا جايين من مشوار 400 كيلو على قراند شيروكي 2004 سعودي نظيف جداً .. وبصراحه الترايل بليزر اهدا منه بالمكينه والأصوات الخارجيه . وخصوصاً ناقل الحركه بصراحه ما تحس بالقير لما يبدل نمر .

تحياتي للجميع

هذا سعر السيارة بدون دبل

انا لقيت عندنا بالمعارض بجده بليزر ls موديل 2007 جديد زيرو بسعر 71000 ريال كاش ومستغرب من الاسعار اللى تقولون عليها صراحة السيارة عاجبتني بس ما لقيت مكتب تاجير عنده بليزر عشان اجربه قبل ما اشتريه .

واحد من الزملاء ما يمدح السيارة يقول ان فيها صوت الهواء عالي عند مشي السيارة اضافة الى عدم توازن السيارة على الطرقات السريعة ويذم فيها بشدة .

والله السيارة شكلها ممتاز بس الرجال مخوفني منها وش العلم يالربع ؟

يا مرحبا بالجميع وشكرا على ردودكم......والله البليزر سياره رائعه بس لو تسلم صوت الهوا ....تكفون تكفون شوفوا لنا حل....عزيزي S -320
هل الفكره اللي ذكرتها سليمه او في احد جربها....خايفين نروح بسالفة (اللي جا يكحلها عماها)

بالنسبه للسله ولله قمت بنفسي وفكيتها في البيت وطلع شكل البليزر روعه (ماشاء الله)

تذكيييييييييييير لا تنسون صوت الهوا اللي يلقى حل يعلمنا به.......وسلامتكم

بالنسبه للبنزين في موقع ارامكو البليزر نوعه 91
وانا جربت الاثنين 91 و 95 ولقيت الاستهلاك واحد بس 95 أغلى وماارتحت ل 95 ولمن رجعت ل 91 لقيت انه المناسب والافضل
بالنسبه للدفع الرباعي فعلا كما قال الاخ fordxxx حيث اكدوا لي بوكالة بالبيد بانه لايوجد دفع رباعي في 2007 واستغربت كلامكم بوجوده بوكالات اخرى

مرحبا يا اخوان .

انا اعتقد ان كلام الاخ S_320 صحيح عن الوكالات وهذا الي حاصل:mad: .

وبالنسبه للبنزين انا مكتوب بالكتلوج انه افضل 95 ولكن اقل شي ممكن تعبيه 91 .
وانا صراحه اول ماطلع 91 جلست فتره 95 |6| لكن بعدين عبيت 91 .و الى الان وانا اعبي 91.

اما السله والله انا مافكيتها الا علشان الفتحه وانت فك فقط الي يجي بالعرض وخل الي بالطول
وراح يطلع شكله حلو .

S_320 الطريقه هذي شكلها تخوف|10| لكن اعتقد انها ناجحه.

اخوي قريت في احد المواقع الأمريكيه بخصوص (السله) انه بالكتلوج مكتوب الأتي :


لتخفيف نسبة الصوت الناتج من احتكاك الهواء بالسله العلويه .. يستحسن ارجاع الأعمده العرضيه الى الخلف او فكها كلياً في حالة عدم استخدام السله .

وعلى فكره اذا موترك فتحه بصراحه يطلع شكله روعه بدون السله لأن السله مخفيه الفتحه .


اما بخصوص الصوت .. قريت ان مشكلة الصوت بسبب ان بعض وليس كل بيبان البليزر والإنفوي الجزء العلوي من البيبان تحتاج ثني .. كل الي عليك تسويه تفتح الباب , تنزل النافذه لأخر شي , تمسك الباب من فوق بيدينك وتحط رجولك على الديكور من تحت بعدين شوي شوي تثني الجزء العلوي ليما تحس ان الجلد الي فوق انكبسو صح على الباب لما تسكره .. وبعدين خلاص وداعاً للإزعاج ... على فكره فيه ردود على هذا الموضوع الي قريته في المنتدى الأمريكي وكلهم اكدو ان النتيجه كانت ممتازه .

تحياتي للجميع

مساكم الله بالخير جميعاً

اخوي Fordxxx بخصوص البنزين ماقدر افيدك للحين ماستلمت السياره .. بس المفروض نوع البانزين يكون مذكور بالكتلوج او ممكن تلاقيه في (الإستكر) الي موجود على قزازة الراكب الخلفيه الي يكون فيها سعة خزان الوقود ومعدل الصرف .

بخصوص اختلاف الأسعار اكيد فيه فرق بين الوكلاء انا من تجربتي مع الجميح والعيسى لاحظت ان الجميح اقل بحوالي 2000-3000 ريال على جميع السيارات ..

اما بخصوص توفر ال 4x4 في موديل ال 2007 الي حاصل سلمك الله لما تخلص ال 4x4 من عند الوكيل يضطر انه يكذب على العميل عشان يصرف ال 4x2 الي عنده لأنه عارف ان اكثر المشترين يبحث عن ال 4x4 . وهذا الي حاصل مع بالبيد والتوكيلات .

نصيحه ياخون ولا يزعلون مني اصحاب ال 4x2 ... الي يفكر يشتري لا ياخذ الا 4x4 ا فضل بمراحل ويستاهل زيادة ال 7000 ريال .. وعلى فكره تراه مرغوب بالسوق للي يفكر يبيع بعدين .

تحياتي للجميع

:) وين اعضاء الرابطةمايردون (بليزرقروب)

يا شباب سؤال فني .................ايش البنزين اللي تعبونه للبليزر 91او95 وكم علبة زيت ياخذ الله ياخذ عدوينكم................

صباح الخير يا (بليزر قروب) ا بارك للاخوان بسيارات الجديده ولاكن الاحظ ان فيه اختلاف في الاسعار بين الوكلاء وكذالك في المعلومات...انا كنت ادور على بليزر lt دبل عند التوكيلات وبالبيد وقالوا 2007 ما جا فيها دبل لا تعب نفسك قمت واخذت lt فتحه وبعدين شفت ان فيه ناس اخذوا دبل كيف ما ادري...
بالنسبه للسله ايش رايكم ان الواحد يفكها او يخليها .....نشوف تصويتكم.......

اخي taifprince مافهمتك كيف مافيه دبل هل قصدك 2007 او كل مديلات البليزر.

انا سمعت من شخص انه محصل عند العيسى 2007 دبل LT فتحه ب 96 الف .

وانا معي 2006 دبل .
وفيه ثنين من الاعضاء توهم شارين 2007 بدبل .

مبروك لجميع الاخوان الذين طلعوا بليزر
والله يعطيكم خيرها ويكفي عنكم شرها
اختيار موفق جدا حيث اني كذلك طلعت بليزر 2007 ال اس قبل اكثر من شهرين والان ماشية حوالي خمسه الاف والسياره طيبه ماعدا كماذكرتم انتم فيها صوت الهوا المزعج زايد شوي بالخطوط

وهناك نقطه اخرة هامه تتعلق بالبليزر ان الموجود هنا بالسعوديه اغلبها ليست دفع رباعي على الرغم ان الجميع يظن انها سيارة دفع رباعي
حيث اني طلعت سيارتي من بالبيد وقال ان ما عنده ابد بليزر دفع رباعي وقال ايضا مافي بليزر دفع رباعي

وبالنسبه للألوان للاخوان الذين يريدون شراء السياره فانصحهم باللون العودي ( الكبدي ) فهو جميل جدا عالسياره ومعطيها شكل مميز وهو لون غير منتشر

وعندي استفسارين
هل هناك صف مقاعد ثالث بموديل 2007 ؟؟
وبالنسبة لسعر LT كان وقتها ب 98 ألف بفارق عشرين الف عن LS
هل احد كان عنده فكره عن هذا السعر قبل ثلاثه شهور تقريبا من الان
وهل فعلا انه نزل سهر موديل ال LT لاكثر من خمس عشر الف ريال ؟؟

تحياتي

اخوي مبروك الله يطعمك من خيرها ويكفيك شرها

اولا: هل السعر اللي ذكرت هو سعر الكاش ام التقسيط

ثانيا :انا حصلت سعر السيارة LS الكاش بدون دبل 75000 ريال واللي بدبل 82000 شاملة اللوحة والاستمارة وهذا عند الجميح وش رايك
... ارجو افادتي وشكرا

اخوي abomohamad الف مبروك والله يطعمك خيره ويكفيك شره ويجعله مركب مبارك عليك.

اما بالنسبه للسعر انا صراحه ما اعرف اسعار التريل الي بدون دبل لكن انا ماودي اخرب عليك فرحك
بالموتر واقعد اتفلسف لكن انا اقول مارحت للجميح تشوف الموتر الي مثل موترك كم سعره وراح
انشاء الله تعرف اذا كان غالي او لا.

بالتوفيق.

سلام عليكم
ياخوان اسمحو لي انضم معاكم في هذا الموضوع..
اولا انا شريت التريل بليزر lt2007 من الوكيل العيسى وباقساط عن طريق صالة الراجحي اللي بطريق خريص قدمت لهم طلب الشراء ومعاه عرض بالسعر يوم الاربعاء 12/7/1428 والسيارة سعرها بعد واسطه 83600 اللون اسود داخليه بيج من غير دبل ولا فتحه ومراتب مخمل واعدوني يوم السبت او الاحد لاستلامها.
سؤالي هل السعر مناسب او غالي ؟ لان عرض السعر ماذكر فيه انه شامل اللوحه والاستماره بينما سعرها قبل الخصم 85500 ريال شامل اللوحه والاستماره
وبالمناسبة / اذا استلمتها راح افيد الاخوان في هذه السياره من خلال التجربه . وشكرا للجميع

اخوي gantl اذا جيت تفك الشبك صحيح راح يترك فراغ محل الصواميل لكن بعد ماتشيل الشبك رجع الصواميل محل الفراغ وبكذا مايكون فيه فراغ انا هذا الي مسويه.

لكن علشان تفك الصواميل لازم يكون عندك مفك امريكي لانه الصواميل لها مفك خاص . تحصله عند محلات الزينه على ما اعتقد.

الشبك مايستاهل تروح لمحل علشان تفكه صراحه انا فكيته الشبك حق موتري.

بالتوفيق.

أوهوه أما صوت الهواء

عندي بليزر 2005 ls

صراحة العزل فيه سيء سيء

بس ترى انا شاريه مستخدم