ياشباب اليوم اضطررت اني اوصل احد اصحابي الى مطار الدمام في وقت ضيق جداا عشان يلحق على طيارته
واضطررت اني اسرع يمكن تقريبا 200 طول الخط يمكن 20 كيلو وكان الوقت العصر وحراره الجو 40 تقريبا
وحراره الماكينه كانت 95 وبالتدريج تقرب لل100 وانا تجاهلت هذا الشي قلت يمكني عارف عشاني داعس كثير والوقت حر واصلا انا مااعاني من مشاكل حراره تقريبا دايما السياره على النص وترتفع شوي بس
المهم لما وصلنا للتفتيش خففت ولما وقفت لقيت المكينه ترج بقوة حطيته على الفاضي وقمت ادعس شوي وخفت الرجه بس لاحظت دخان يطلع من تحت السياره المهم من بعد التفيش مشينا يمكن 3 كيلو على سرعه 100 والدخان لسا يطلع و الماكينه عاديه ماتتفتف وحراره الماكينه رجعت طبيعيه المهم لما نزلت خويي قلت بوقف اريح المكينه شوي وفتحت الكبوت وماطفيت السياره
وطليت من تحتها بشوف الدخان من وين يطلع .. لقيته يطلع من مواسير الشكامين من تحت تقريبا من بدايه الماكينه الين وسط السياره تركت السياره تشتغل وهي واقفه يمكن 10 دقايق وراح الدخان من تحت والحراره رجعت طبيعيه وطفيتها
جلست بالمطار يمكن نص ساعه وبعدها طليت تحت السياره لقيتها المواسير تنقط الظاهر زيت او شي لونه احمر شوي ( اتوقع هذا الي كان يحترق لما لمس الشكامين ويطلع دخان)
شيكت على زيت المكينه لقيت مستواه طبيعي مع العلم اني توني مغيره قبل 1000 كيلو بس
بعدين شغلت السياره ومشيت وكانت طبيعيه جدا وانا راجع يمكن بس ماشي 100 ورجعت ووقفت السياره بالبيت.
بس لاحظت شي واحد هو وانا اعشق السياره من N الى D تتأخر شوي الين ماتعشق.. ماادري ايش السبب
ادري طولت عليكم بس حبيت تفهمون السالفه والحالة كلها و ياليت تفيديوني ايش سبب الاشياء كلها واذا في شي خطر او شي
وليه تتأخر بالتعشيق وهل ممكن تتصلح و كيف
والسياره هي اوبل اوميجا 2003 6 سلندر ماشيه 80 الف كيلو
وماهي اول مره اسرع فيها هذي السرعه بس هذي اول مره اطول فيها
واشكرا وانتظر ردود الخبراء رجائا لا تبخلون علينا
