باجيرو الجنوب (صور )

الاخ الكريم /فارس العمران

شاكر لك مرورك ونصيحتك ..



الاخ الكريم /ALSEMAIRI

اشكر لك مرورك واطراءك والمنطقة التي تم بها التصوير الاخير في قبيلة بني ظبيان التابعة لامارة الباحة ..

ايضا يوجد بعض الصور في بلجرشي وابها والسودة , اذا رأيت مستقبلا انها تناسب سوف اقوم بطرحها في موضوع مستقل ..


الاخ الكريم /محب الشاص

ردك هذا اثلج صدري الله يبرد على قلبك .. اخ عزيز وغالي ولك خالص التحايا ..

الاخ الكريم /صقربلخزمر

شرفتنا بمرورك وتعقيبك..

تقبلوا تحياتي ..

كفيت ووفيت بيض الله وجهك وما قصرت وزي ماأنتم عينين في رأس كذالك الشاص والباجيرو أو الباجيرو والشاص عينين في راسك
ولا يهون الفورنتشر

أخي فارس العمران : أحبّك الله ياخي(والله العظيم انك احرجتني) , أحبك الله انت وجميع إخواننا في المنتدى . انت واخي البنشري وجميع الشباب اللذين اناقشهم و اللذين قد اختلف او اتّفق معهم في الآراء فقط انتم جمعاً إخواني و إخوان لبعض , نحن جميعاّ إخوان في الإسلام ولا يجوز ان نحمل في نفوسنا على بعض في سبيل حديد!! ونحن بشر نخطئ كثيرا وقد نخطئ على بعض في عز المحاورة والنقاش وقد نشيل على بعض في صدورنا ولكن ياشباب تكفون العذر والسموحة من كل واحد حس إنّي غلطت عليه من الشباب كلّهم اللي في المنتدى وبلا إستثناء . الله يشهد اني مسامح كل الشباب اللي في المنتدى رغم اني ما رايت منهم إلا كل خير (كلّهم احسن مني إنشاء الله).
بالنسبة للباجيرو فهو قوي و قوي جدا وهو سيارة رائعه ولا عليها غبار ولكن جُلّ ما أردت قوله هو ان هذه الصور لا تثبت لنا مدى قوته (بالعكس قد تكون ظلمته) وليس تعصبا او إستخفافا بالباجيرو ابداً والله ويعلم الله انه ليس في قلبي شئ على الأخ البنشري بل على العكس فقد تفضل مشكورا بالإجابة علي في إستفسار في موضوع آخر وايضا شرّفني بالمشاركة في موضوعي الوحيد في المنتدى وكلّي تقدير و امتنان لك ياخي الفاضل(فارس العمران) وللاخ العزيز البنشري ولكل شباب المنتدى المحترمين

صور جميله أخي البنشري...الله يعطيك العافية

بالنسبة للموتر ماشاء الله تبارك الله

الله يطعمك من خيره ويكفيك شره..

ولو أني أتمنى تذكر أسم المنطقة الى صورت فيها


تحيتي لك

اخوي محب الشاص:

تسمح لي اقولك هالكلام قدام الجميع
ادري انك مو محتاجه..ولا فيه اي مناسبة..او فائدة انه يكون ردي علني..
ويشهد الله اني لا اعرفك ولا تعرفني...
لكن والله اني احبك على اخلاقك العالية
وردك الرفيـع وحسن تعاملك وسعة صدرك
انا اللي مثلك وشرواك..احبهم واحترمهم...اهل العقول الراسية..اللي ما يهزها طيش وجهل الكلام..
وتسولف بعقل وركادة..وترفع حالها عن الجهالـة...
هذي كلمة حق..اللي يرضى يرضى..واللي يزعل يطق راسه في الجدار...

اخوي البنشري:

الصور جميلة
بالنسبة للباجيـرو انت طالع به على ارض صخرية وكل السيارات تمشي حتى الكورولا ..لان الصخر جاف ومثل الاسفلت...
بعدين لما تقلع الشجرة دليل على ايش؟؟؟؟
كل السيارات تقلع هالشجرة الحطبة اللي جذورها جافة ...

وبعدين...
اكبر خطأ قلعة الحطب...هذا تصحر وهدم للبيئة..
المفروض انك تقص الحطب من الاسفل وتخلي الجذور عشان تنبت من جديد..
عشان بعد سنة تقصها ..او غيرك يستفيد منها ..حتى الطير تكون له عش ورزق..
هذي انانية وطيش ...لا صار الواحد بس يفكر بنفسه ...ويقول ما علي من غيري...ويقلع الشجر بسيارته..
الدولة الله يعزها تسوي دعايات وحملات توعوية عشان نحافظ على البيئة حتى التحطيب يعلمونك الطريقة الصحيحة...


والسلام عليكم ورحمة الله وبركاته.

الاخ الكريم /start over

الله يعافيك وشاكر مرورك ودعائك ..




تحياتي ..

الله يعطيك العافيه على الصور والمناظر الجميله
والله يستر عليك وعلى سيارتك

الاخ الكريم /عناق الأرض

حياك الله وشرفني مرورك وعتابك ..

اخي الكريم المنطقة مليئة بالاشجار وقلعي للشجرة كان لاستخدام حطبها في وقت لاحق ولا ارى مايزعج في ذلك .

ولك مني ومن اهل الجنوب خالص التحايا ..

اخوك البنشري .

عتبي عليك يابنشري أنك ساهمت في زيادة التصحر بقلعك شجرة خضراء
وتحياتي لأهل الجنوب الجميل

الاخ الكريم /ابوشنب عطي الله

شاكر مرورك وتعقيبك .. وابعد عن التشفيط .. حياتك غالية على الجميع .

الاخ الكريم/blue_omg

اشكر مرورك ونصيحتك لأخونا ابوشنب عطي الله ..

الاخ الكريم /JEDDAHBOY

شاكر مرورك واطراءك وحياك الله يالغالي .


تقبلوا تحياتي ..

مشكور على الصور الرائعة ولك تحياتي ولاهل الجنوب كلهم

الله يهديك في أحد يشفط بشاص !!!
وماأظن لو باجيرو أو غيره راح ينجو من الموقف هذا !!! سرعة 125 وزاحف على الرمل:eek:

اعقلها وتوكل يبو شنب|13|

السلام عليكم

اخوي البنشري مشكور الف على الصور الحلوه والله يعطيك خيره ويكفيك شره

اما من ناحية كلامك انت ومحب الشاص

فاسمعوا كلامي لو تفضلتو

الشاص غير والباجيرو غير

والتايوتا غير والميتسوبيشي غير


الشاص موتر حق جلد بس..مو حق الديره والخطوط

والدليل اني اقاوم بجيبي الله يذكره بالخير ويعطي اللي شراه خيره ويكفيه شره

كنت اقاوم فيه بجيوب ربع نيسان والله ما احلم اشم ريحته بالخط ولا اجيبه

بس قمزة الجيب انا اطلع والباقي له من 40 ورايح له للسفاري

اما بالنفود والبر والله ماعرفت جيب وقف جنبي الا 2شاص خليجي وربع تويوتا

والباجيرو موتر لكل زمان ومكان ...يصلح معك بكل مكان بس فرقه عن الشاص

تحمله للمكده ابد مو مثل الشاص والدليل شوف الموديلات القديمه تلقى شاص

بس نادر تلقى باجيرو لانه حق اربع خمس سنين وزته خلاص ماعاد ينفع

اما من ناحية قوته فالله يستر عليه قوي لدرجه جنونيه

انا سايق باجيرو باب واحد وتولعت فيه ممشاه بالخط مو مثل الشاص

والعزم والقوه قريب للشاص والسعر ارخص بفرق

وبالنفود والله مافيه فرق عن الشاص والبر اطلق من الشاص بشي واحد بس

هو صغر مساحته وانسيابيته المتميزه اما الشاص يحوسك بحوضه الصراحه

اما الخطوط الباجيرو ارسى من الشاص

انا بالجيب حقي (الشاص) امشي 140وطايح تشطيف بالعالم

يوم شطفت لي جمس اختل توازن الجيب شوي وابي اوازنه ماش عجزت عليه

نزل فيني ردميه وانا يمكن كنت امشي 125 مسكت الفرامل باقوى شي على طوول زحف معي

ليه ماااادري وطيت لي رضمه وانقلب .....

لو هو باجيرو ماصار اللي صار

المهم اللي اقوله لاتقارن الوحش بالوحش فكل له مميزاته وعيوبه ........

الاخ الكريم /محب الشاص

اللهم آمين ..


شرفتني بمرورك وتعقيبك ..


تحياتي ..

هدوا اعصابكم ياشباب
بصراحة انا ماشوف انه هناك وجه مقارنة بين الشاص والباجيرو، لأنه هذا وانيت وهذا جيب
كل واحد له مواصفاته وحسناته بالنسبة لفئته

اذا كان وجه المقارنة هو الأداء في الرمل، ياخي البقي BUGGY أربع كفرات ومكينة فلوكس
تلاقيه يطير على الطعوس!

ممكن تقارن الشاص مع السييرا الشفر أو الدودج
والباجيرو مع مثيلاتها الباترول واللاند



وسلامتكم

صراحة ما ادري وش قصدك من إقتباس كلامي مبتورا وعرضه يالبنشري لكن عالعموم نحسن فيك الظن والله وحده اعلم بالنيات
نسأل الله لنا ولك الهداية!