باجيرو الجنوب (صور )

الاخ الكريم / محب الشاص

شاكر لك تعقيبك وتقبل تحياتي ..

ياخي البنشري انا ما قدت كل سيارة في الجنوب في الأماكن اللي اناقلت لك عليها بنفسي ولكن ياخي احنا ناس لها عيون نشوف مو نقّالين كلام!!. انا ما اقول لك ان الشاص و الربع مافيه امل يغرز او يدحدر كل شئ في الدنيا له هفواته و نعم ممكن يغرررررز الشاص بس ناااااادر جدا والنيسان معروف في البر (ملك) ولكن في الطرق الوعرة الجبليّة صدقني الشاص و الربع التايوتا افضلهم. و إيه نعم انا متأكد من الكلام اللي اقوله مو نقل كلام غيري .
يا اخي الكريم انا احترمتك في ردودي كلّها عليك و إحترامي لك متواصل إنشاء الله والدعوة فقط وجهة نظر !!!! ليش الإتهام بنقل الكلام (حريم حنّا؟؟)مع ان كثير من الحريم افضل من الرجاجيل
الصور اللي انت حطيتها ما تأكد تعادل الشاص مع الباجيرو ابدا
1- الصورة الأولى للشاص شوف انت كم محملين على ظهورها وكم وزن المركبة و يمشون في ربّاااض وصدقني يطلعون بدون مساعدة
2- الصورة الثانية الشاص متعلق!!. ياخي بس ينتعه في الأول مع دبل ثقيل وتلقاه تحت في اسفل القص
بعدين يا اخي إذا انت تبغى تشوف تفوق الشاص و التايوتا الربع ياخي شوفهم في هافمون في طعس التحدي يجي الكبسولة الربع يطلّع كفراته الأربع في اسفل القص ثم يشد في الأول ويعشّق الثاني وهو طالع و يكمل بتسارع إلى فوق!!! الباجيرو يقدر يسوي كذا (ترى الشاص بعد يسوي كذا)
يا خي الكريم إذا فيه طالب نسبته 90% اليس طالب متفوق وبإمتياز؟ ولكن الطالب الذي نسبته 95% لا شك أنه افضل منه ولكن ايضا لا يرقى للكمال

انا شخصيا ضد اللذي يقول ان الناس في السيارات تبع للآباء وما يقال في المجالس فقط و الأدلة كثيره منها
1- عندما كان الباثفايندر النيسان 99 2000 2001 2002 يجي بمكينة 180 حصان ما كان احد يشتريه ولكن لما جات مكينة ال250 حصان في 2003 شوف الناس اللي هبّت عليه لماذا لأنه ببساطة اثبت جدارته ولما تغيّر وسار بايخ مع إحترامي لمحبينه إلا انّه رغم مكينته الأقوى من سابقتها إلا ان اداؤه في الرمال مخيّب للآمال مما أدّى إلى تراجع مبيعاته بشكل ملحوظ وكبير (ولم يكن لإقبال عليه في السابق تعصبا للنيسانبل تجد البيت كل سيّاراته تويوتا و تلقى عندهم بثفايندر يمدحونه للسماء ولم كن العزوف عنة فيما تلى بسبب ان نيسان تتفكك او تهربد ولكن بسبب التصميم المغاير جدا و الأداء المخيب خصوصا في البر)
2- كان فيه كثير من الناس يقولون إن اللاندكروزر GX-R اقوى من انيسان سفاري وناس يقولون العكس لكن بعد عام 2002 مع المكينة الجديدة 4800 فيتك حسم الجدال بإعتراف الناس كلهم بتفوق النيسان الفيتك
3- الناس زمان في البر كانو يحلفون بالنيسان الربع و الآن جا دور التيوتا الربع ليه لأنّه اثبت نفسه مقابل النيسان الربع ال4500 (نفس المكينة)
أخي الكريم أكن لك ولكل الأعضاء فائق التقدير و الإحترام وأرجو ان يكون ذلك متبادلا

اخوي الله يعطيك العافيه
الباجيرو لايستهان به 00ولكن يحتاج شيئين
1- تغير الوكيل الذي لم يستطع اظهارة بالصورة الجيده
2- تصميمه لايتغير ليتهم يغيرون المصمم ويجون بشكل جديد لاني كنت بشتريه ويوم ناظرت انه ماتغير قلت خلهم يغيرونه
--------
والا ناحيه الامان والقوة والثبات بالسيارة مايحتاج واشكر لك الصور الرائعه
ودمت بود اخوي 00ولايهمك كلام الناس عن موترك فاكثر الناس تاخذ من كلام بعض ولم يجربو السيارة
وشكراااااا

يا اخوان كل سيارات الدفع الرباعي قابلة للتعلق والغراز ..و غير صحيح عشان نحب سيارة معينة نقوم نطيح من قدر غيرها لمجرد انها ماهي داخلة مزاجنا .. ونقوم نذكر محاسن السيارة اللي نحبها وبعدها نطيح في جدال عقيم .. لما يكون الموضوع عن سيارة معينة يفضل عدم اشراك سيارة اخرى حتى لا يكبر الموضوع ..


شاص تويوتا


ميتسو باجيرو





للجميع خالص تحياتي ..

الاخ الكريم /KeN

شاكر لك مرورك واطراءك والله يرزقنا الموديل الجديد .. آمين

دام السيارة ميتسو اكيد تتحمل .. فلازم نحللها .


تحياتي ..

ماشاء الله تبارك الله عليك أخوي البنشري

محلل الباجيرو صح

هذا وعندك 3.0 .. طيب لو عطيناك 3.8 MIVEC .. أتوقع توصل القمر ;)

عساك على القوة دوم إن شاء الله

تحياتي

Kenny

الاخ الكريم /salehhd

حياك الله وشرفني مرورك واطراءك ..


الاخ الكريم /blue_omg

الاجمل ان الموضوع اعجبك ولله الحمد ..


الاخ الكريم / محب الشاص

شاكر لك مرورك وتعقيبك .. كل اللي تقوله كلام x كلام بدون اي دليل .. وانا بطلع نفس المكان اللي كنت فيه مرتين وبنشوف ايش راح يصير للباجيرو مثل ماتقول .. وبعدين ماقلت لي ايش دليلك على ان الباجيرو واللاند والفورتشنر والنيسان ماتصلح في الاماكن اللي ذكرتها ..؟! واسألك للمرة الثانية جربتهم والا على طاري يقولون ..؟


تقبلوا تحياتي ..

يالغالي (البنشري) انا من اهل الجنوب وصدقني انا اعرف كل كلمة اقولها والله يا اخي لا تعصب ولا شئ. ابد سيارتك ماشاء الله عليها قويه بس وانا اخوك الهايلكس اللي تقول عليها سكراب شراها ابوي في يومها ب16000 وبعناها قبل سنتين لأفغان في الديرة بستة (6000) آلاف ريال والآن يحملون فيها حصى (صخور) !!! ويطلعون بها اماكن زي اللي صورت انت فيها موترك وبعدين هذا الكلام ماهو غريب على اهل الجنوب . معروف الهايلكس القديم اللي في السبعينات ماكينة 1800 cc لكن العبرة في الترس . تدري ان السيارة اقوّمها في الثالث في طلوع ويلقم القير على طول!! وزي ما قلت لك ولا مسمار تغيّر. انت اطلع بسيارتك مرتين ثلاث مرات زي الآماكن اللي انت صورت فيها والله يصير لها شئ وترى من هنا جت سمعت التويوتا . اول ما جت مع الشاص والجيب التويوتا الكبسولة الربع والجيب اللاندكروزر اللي زي الربع بس طويل وكان بعضها يجي بشراع مو (بيك اب)(لا احد يجي يقول اللاند الVX-Rتراه ما ينفع وبصراحه هذه المواتر لا فيها تركشن كنترول ولا دف لوك ولا شئ بس دبل خفيف و دبل ثقيل!! وبعدين انت الآن تناقش قدرات الباجيرو في الطرق الوعرة لذلك لا تتطرق لمساوئ الشاص في الطرقات المعبدة

أخي أكن لك كل الإحترام والتقدير وصدقني اني اعترف ان الباجيرو قوي جدا ولكن
ياخي العين ما تعلى على الحاجب

يعطيك العافية
منظر الجبال من الخلف جميل جدا

السلام عليكم

مشكور اخي البنشري على الصور الرائعة

والمناظر الجميلة ويعطيك العافية

الاخ الكريم /RALLI//////ART

اشكر لك مرورك واطراءك ..


الاخ الكريم /محب الشاص

شرفني مرورك .. خذ الهايلوكس ابو 1976 وتعال المكان هذا ولك اللي تبي .. الظاهر الصورة ماتبين الصعوبة لكن لم تجي المكان راح تشوف الهايلكس هذي تتحول الى خردة (سكراب)..
انا معك ان الشاص قوي جدا في هذي المناطق لاكن مايسوى شي في المدينة ممشاه يكسر الظهر وغير كذا ثباته بالنسبة للباجيرو صفر .. وبالنسبة للقيادة في الطين انا اقولك اللي معي هذا يمكن مايأهل لكن الجديد 2007 الفل اوبشن ومع نظام التراكشن كنترول يتفوق عليه بكل سهولة ..
الشاص من فئة البكب ولاهو بجيب وغير كذا انظمته بدائية عفى عليها الزمن وسهل الانقلاب ..
لكن الحق ينقال انه جيب قوي جدا في الاماكن الوعرة ويعمر سنين ..
وانا ابغى اسألك بصراحة انت جربت السيارات اللي ذكرتها انها ماتسوى في الوديان والسيول والطين .. والا ردك هذا مبني على يقولون .. وما اكثر مايقولون ..

ولك شكري ..

الاخ الكريم /T A L A L

اشكر لك مرورك واطراءك وسلامة قلبك يالغالي .


تقبلوا تحياتي ..

ياخي الباجيرو ماشاء الله عليه لكن باقول لك حاجه ما ابغاك تزعل منها . صراحة الأماكن هذه زيها واصعب في الجنوب وصلناها بهايلكس موديل 76 (للمعلومية افضل من الجديد بمليون مرّة) يعني بالعربي م إثبات لقوة الباجيرو ولا غيرة . بعدين الإختبارات الحقيقية في الجنوب هي العقاب الطينيّة الشديدة الإنحدار القوية الإنعطافات و الوديان الصخريّة الطينيّة العميقة خصوصا أيام السيول وصدقني هنا و فقط هنا تظهر الإمكانات الفعلية لسيارات الدفع الرباعي و للمعلومية هنا وفي هذه الأماكن لا ينفع سوى الشااااااص و الكبسولة التويوتا و يمكن كبسولة النيسان وإلا حتّى هوه يمكن ما ينفع لا تقول لي لا باجيرو ولا لاندكروزر ولا برادو ولا فورتشنر ولا نيسان ستيشن4800 ولا غيرهم صراحه هناك ما يصح إلا الصحيح
ازيدك من الشعر قصيدة (تلقى هناك شاص موديل 1980 من يومه في هالملعنة ومع ذلك ما فيه مسمار تغير او انفك والله ان بعضهم ما يغير زيت إلا كل ستة اشهر لا تسخين ولا خرابيط )

مشكووور الغالي عالصور الحلوة
والله يعطيك خيره ويكفيك شره

تقبلوا تحياتي ..