السلام عليكم ورحمة الله وبركاته
ياشباب اللي عنده معلومة لايبخل علينا
قدر الله علي وتوضفت في مدينة تبعد عن الرياض 500 كم تقريبا وكل ربوع اجي للرياض واحرك الجمعة .
فكرت اغير الموتر اللي معي (تيرسل) واشتري مرسدس 89 او 90 من الشكل القديم (مد قروشك على قد لحافك) ودخلت المعارض ولقيتها اشكال وانواع فيه سعودي والماني وياباني وفئاتها 300 و500و560 وبعضها sel وse .
والشريطية كل واحد يمدح سيارته ويسب السيارات الثانية! والله قلبوا راسي وانا ماعندي اي معلومة عن المرسدس الا انها افضل سيارة آمنه على الطرقات السريعة.
ياشباب ارجو منكم الافادة مع العلم اني بحثت في المنتدى ولاكن!! اغلب المواضيع عن السيارات الجديدة. ولكم جزيل الشكر.
