الرجاء المشاركه بارائكم: سيارتي جيب رانقلر 2003 تعديل خااااااااص لا يفوتكم

السلام عليكم ...

بصراحة هالموتر أنا معجب فيه من يوم كنت صغير، ليش؟
لأن الوالد يشتغل مهندس كهرباء، وشغله دايماً بالجبال وهالسوالف،، عشان الحالات الطارئة يعني، فعطوه بايامها جيب رانجلر بس ما اذكر أي موديل..!
المهم كنت أروح معاه كثير واطلع واسافر كثير.. ودايماً مشاويرنا بالرانجلر، الإمارات أو مسقط العاصمة، لدرجة أنه بمرة من المرات قطع مسافة 600كم تقريباً بــ4 ساعات..!!
دخلوه موسوعة دينيس للأرقام القياسية،،!
حتى أني سألت عن موديل 2007 لأن كان خاطري فيه، بس المشكلة أن الأبواب والجامات تجي عااادي.. حتى رقم واحد..
وقلت باخذه، ما تهمني هالسوالف، ألا شغلة ابواب وجامات بنركب لها إن شاء الله، بس كنت معتمد عالوالد وقال نشتري سيارة عائلية أحسن مرة عن مرتين.. ورسينا عموتر محترم وهم أمريكي (( فورد إكسبديشن )) ..
وبالتوفيق لك بموترك، ما شاء الله، واللهم لا حسد صراحة جيب زعيم.. ونفسي أجيك عشان تعدل موتري بالمستقبل إن شاء الله.. لا تحاول، ما اعرف أعدل بنفسي.. ما لي بالشغلات الميكانيكية أبداً.