اريد مشورتكم ورايكم يهمني

فديت الناس الي تفهم يا المارودر 2004 ..

الله يعطيك العافيه على النصيحه و ما قصرت ..

والله يعطيك خير موترك ويكفيك شره ..

اخوك s.a.3

هلا اخوي s.a.3
انا ماقلت انت تذمها
انا قلت عشان الفصله بس 175كم صار عيب فيها
ومعك حق الفورد خفيفه ودركسونها خفيف
بس اكثر السيارات لو انت مسرع ودخلت عليك سياره ولفيت عنها على سرعه
تبي تحوص وتبي تشوف الدنيا تدوور

وياساتر رايح الوكاله تشتكي عشانها ماتجيب 260 كم
الله يستر عليك ويحفظك
السرعه شينه
وانا سيارتي مارودر مواصفاتها رياضيه وتوصل الى 240 كم وتجيب اكثر وقومتها جباره
و32 بلف سوبر تشاارج ومعدله من امريكا ومستوردها من هناك طبعا انت عارف ان مكينتها مكينة موستنق كوبراا
وطارحت كابريس ss 2004 وغبرت عليه وطارحت مكسيما ولومينات وكوامري قراندي وسيارات كثير
كلها رحت عنها
وصار لي موقف بغيت اخسر حياتي بباص نقل جماعي والحمد لله الله ستر
كل هذا عشان لحظه تهور بعدها كرهت السرعه
والحمد لله الحين بالدائري ماعديها اكثر من 120 كم حتى لو جا واحد يستفزني ويبيني اطارح اتجاهله


والدوج تشارجر ماشاء الله تبارك الله سياره بمعنى الكلمه ورزه وشكلها الخارجي جنان وسياره قويه ومحرك جبار وانصحك الله يعطيك خيرها ويكفيك شرها و ابعد عن السرعه والله السرعه مافيها خير وانا اخوك


الله يبعدنا عن السرعه ويكفينا واياكم شرها

اخوي المارودر 2004

حبيب قلبي والله مو القصد اني اذم الفورد لا والله بس الرجال يمكن ما يعرف عن موضوع الفصله حقت 175 واذا عن السلامه في السياره انا اقولك ان الفورد اذا فقدت السيطره عليه او لفيت بسرعه قول على الدنيا السلام واذا تبغى تشوف معاناه ناس انا مستعد اعز واحد من اصحابي كان بيروح في حادث فورد سبورت 2006 تفاجأ باكورد طالعه من الخدمة ولف عنها وبعدها يقول شفت الدنيا فيني تدور لا طاره تنفع ولا غيره و حرم يشتري فورد و تصليح الفورد حقه طلع ب 88 الف في الوكاله بس هو باعه تشليح واذا تبغى رقمة قولي ارسله لك على الخاص ..

وبالنسبه للسرعه انا لو سيارتي تمشي 500 بمشيها عادي والحين متضايق انه يفصل على 235 و اشتكيت عند الوكاله ابغى ال 260 كامله

وانا ما اذم الامريكي لان معاي امريكي لو بذمه ما كان شريته

وانا الحين لو يقولون لي لكزس ولا فورد بقول لكزس
ولويقولون لكزس او تشارجر بقول لكزس
ولو يقولون لكزس اوكابريس بقول لكزس
ما اعرف اجامل لان الحق يقال
علماً باني دفعت 133 الف في التشارجر وكان يمديني اشتري اللكزس بس الاستعجال شين بس ماني بندمان لاني ضحيت بالفخامه مقابل الحصول على قوه جباره في المحرك ..

شاكر لك حبيبي على التعقيب

اخوك s.a.3

انا مألومك وانت اكيد عاااشق كابريس
والواحد اذا عشق شي ماينساااه

بس ان الكراون مهو مرغوب قويه شوي

وكثرتها بالشوارع تدل على ايش؟؟؟


تقبلوا مروري

كيف الحياه بلا كابريس
نصيحتي لك كاااااااااااابريس
والله سياره ملكيه ولها هيبتها
اما الكراون فكتوريا احسه سياره عاديه وغير مرغوب

اخوي يعني عشان الكراون فكتوريا تفصل على 175 كم صار عيب بالسيااااره

بسألك كم تبي سرعتها ؟؟؟؟
وسط البلد مانقدر نمشي اكثر من 140 لمدة دقيقتين بسبب الزحمه

وفي خط سفر 160 سرعه مناسبه جدا وكفايه
وهذا اذا كنت مستعجل جدا

وبالعكس هذا دليل على انها سياره امينه

وغلطتنا للاسف قبل نشتري اي سياره ننظر الى سرعتها

ومانتعظ من السرعه ومن مخاطرها

والحين قبل تركب فورد او كابرس قديمه او اي سياره امريكيه افتح الباب وشوف عرضه مع الجنب تحس بجودتها وتلقا الباب عريض
وافتح باب كامري وشوف سمك الباب مع الجمب تعرف انها كرتون (قطعة ورق) تلقاه خفيف ويمكه مايتعدا 5 سم

وانا ضد السيارات اليابانيه لانها لو تلاحظ حجمها صغير والصدام الامامي بينه وبين المكينه 15 سم
يعني اي صدمه بيروح عليك الراديتر وتندق المكينه

وافتح كبوت سياره امريكيه مثلا كابريس قديمه او صابونه فورد وشوف المسافه بين الكبوت وبين المكينه
تقريبا متر

ومع ذلك السايارت اليابانيه تعطيك سرعه الى 240 وبعضها الى 260 كم
وحجمها صغير شوف الكورولا انا احس لو تمشي 200 ويتعدا من جمبك نقل جماعي احس انها بطير

وايضا شوف حجم الشنطه بالسيارات اليابانيه تلقها شبرين فقط يعني لو يجي واحد يمشي 80 ويصدمها من ورا الله يعين الراكب في المقعده الخلفيه الصدمه تبي تكسر ظهره


وبالنسبه للافالون والانفنتي فهي سيارات فخمه لكن للاسف ليست عمليه وحقت كررررف

حقت مشاوير خاصه او تسافر عليها وتوقفها

وبالاخير يجب ان ننظر للسيارات نظره عقلانيه ومانفكر بالسرعه

وقبل تشتري سياره انصحك تستخير وتشاور

وتسأل عن استخدامها وكيف تكرف وعن قطع الغيار


واتمنى لك التوفيق وشراء السياره المناسبه

وانا من رأيي تشوف الفوردات


تقبلوا مروري

تبغى الجد وانا اخوك

لا كابريس ولا فورد

انا اقولك ليه

الكابريس عند الشباب موجود وانواع الشكاوي منه :( انا اتكلم عن اصحابي الي تربطني بهم علاقة عمل و شلة الاستراحه ومشكلتهم مع ال اس اس و الكلاسيك 2006

اما الفورد انا اقولك اقصى سرعه 175 وهذي بتجننك اذا انت راعي خطوط
والشكل احتمال يتغير قريب لان له 8 سنوات

غير هذي عندك الافالون مع خويي و يمدحها
الانفينتي الجديده يمدحونها كلام بس
التشارجر الهيمي 2007 معاي انا و ما عليه اذا كنت تبحث عن الامريكي
و الخيارات متعدده امامك بس فكر ولا تستعجل
اللكزس الصغير مرة سعرة 126 الف
و كامري الشيوخ على قولت الناس ال 2007 ب 147 الف

فكر ولا تستعجل

اخوك s.a.3

يعطيكم العافية شباب.........

بس المشاهدة 43 ولا فية اا ثلاث تصويت وينكم

اريد المساعدة

انصحك اخي العزيز ابتعد عن الكابرس الاسترالي
واعتبر ان الكابرس انتهى منذ 96 م
هذا شبح الكابرس

اما الجديد الحالي ابتعد عنه نهائياً

وتحياتي

للاسف انت متحيز للفورد لانه كلاامك غير صحيح ياليت لاتكذب..

عندي كابرس 2005 وماشي الحين 55 الف كيلو والحمدلله لم اشتكي منه في الخرابات

والمكيف ممتاز جدا وافضل من الفورد وسياره واسعه اكثر ..

من جدك تأخذ سيارة ماتغير شكلها من 9سنين؟؟؟؟؟؟؟؟؟؟

السياراتين حلوين وقوويين وعريقيين والكابرس افخم من الكراون من الداخل لاكن اشوف سعره اشوي مبالغ فيه وقميته تنزل بسرعه و شكله يتغير بسرعه . الفورد محافظ اشوي على شكله وعلى مكانته في السوق . اعتقد الفورد افضل في الوقت الحالي .

مالك الا الفكتوريا |13|