استبيان :بماذا تشعر حيال موت المفحط في ساحة التفحيط؟؟؟

اولا احمد الله الي فكنا منه .. وادعوا الله يلحقه كل المفحطين ولا يبقى احد منهم ..

لأن هذا النوع عمره مايعتبر وناس في غاية الغباء ..

شكرا لك اخوي موضوع جميل ..

معاك حق في الكلام الي قلتو ياخوي بس انا أسئلك سئال اذا اخوك ولاخويا راح التفحيط حتلوم مين المفحيط ولااخوك اوانا بدام عرفين انو التفحيط حرام لية نروح وانا اتنمى من الله ان يبهدي الجميع من هوية التفحيط وخويا كلنا عرفين انو الشاب في سن المرهقة لايدرك مهو الخطاء صح ولا لا وكلنا عرفين انو بعد سن 25 يكتمل جزء من المخ وهو الخاص بمعرفة مهو الصح او الخطا واتمنى انك ماتزعل من كلامي ..و:ch19: شكرا

احزن عليه وادعو له طبعا والله شي يبكي .
(الحمدلله الذي عفاني ممن ابتلاك به وفضلني على كثيرا ممن خلق تفضيلا)
الله يهديهمـ

ياشباب والله ما ادري ايش اقول تقول يستاهل لكن تفكر تلقى امه مسكينه وابو تعب فيه ياولد وياولد
لذلك اشفق على اهله واترحم عليه

طريقة التفحيط هنا بالسعودية مو تفحيط هذا جنون ومخاطرة بالحياة وكل واحد يفحط بهالطريقة يعرف انه بيموت باي وقت يعني انتحار والعياذ بالله

اشكركم يا اخواني على تفاعلكم مع موضوعي ...

صراحة احزن على اهلة وعلى المصيبة إلي جابها لهم
حتى قبل أمس جنب بيت زميلي ناس كانو يفحطون على هايلوكس موديل 88على مأتوقع
المهم المفحط صدم في بيت جيران زميلي موتر الجيران دخل البيت من قوت الصدمة والباب حق السائق
دخل في جسمة وماطلعة إلا الدفاع المدني واليوم الثاني اكتشفت إن السائق طالب من مدرستي في الصف الثاني ثانوي لا وفصلي بعد والي كان جنبه طالب في الثاني متوسط طبعا كلهم دخلوا العناية المركزة الله يصبر اهلهم على المصيبة

قال الله تعالى : وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ )
التفحيط يعني الانتحار والعياذ بالله00 وحكومتنا ما قصرت في التحذير منه لكن وش تقول في الشباب ألي فاقد عقله 00 والصراحه اني اشوفها خباله وقمة الغباء لأنك تهلك نفسك ومالك00اسأل الله الهدايه لهم000

أنا اخترت آخر خيار..

الأسباب:

1\ المفحط منتحر بحسب الشرع.
2\غالبا المفحط مايكون مدمن مخدرات بل بعضهم لا يفحط إلا بعد أن يتعاطى..
3\أعتبره شخص بكل صراحة مايستاهل من يذرف دمعة عليه حتى أبوه و أهله المفروض يفرحوا إنه مات وافتكوا من شره.
أجل الموتر مسروق و روع خلق الله و الله أعلم كم سوى من حادث وكم مات بسبته من واحد..

عشان أختصر لكم الوضع:

لو بيدي طبقت على المفحطين حد الحرابة إلى أن يتأدبوا ولكن حسبي الله على حقوق الإنسان إذا صارت تطبق على ناس مايحترمون الإنسان و الإنسانية

ادعو له دون الحزن عليه ..

لانه هو كاان حاط في راسه ان التفحيييط غاااية..او انه يحس بلذة

يعني مثلا كأنه ادماااان ماراح يتركه الا اذا حصله ي قوي كالموت او الشلل ..

والله يهدينا جميعا ويهدي جميع شباب المسلمين .

احزن عليه وادعو له لنه مسلم وثاني شي لني اعرف انه في حالة مراهقة ويجي يوم وينصلح حاله لكن اتت ساعته ولازم يموت ان كان يفحط ولا كان في مكان ثاني الله يهديهم

الله يهدي شبابنا
لكن صدقني عند ماسمع خبر وفاة مفحط مادري احزن ولا لا
احزن انه مات على هالحال ولا ماأحزن عليه انه ريحنا من ازعاجه وبلاويه خاصة لاكان مفحط كبير وله صيت عند الشباب.........

والله التفحيط مصيبة عظيمة كم من مفحط يتم عيال مالهم ذنب
وكم من مفحط فجع ام مسكينه ماعندها الا هالولد ....

حسبي الله ونعم الوكيل
اااااالله يهدي شبابنا

والف شكر عزيزي عالموضوع الأكثر من رائع

انا بصراحة ما احزن عليه لانه ريحنا
بس الله يخفف عنه في الحساب ( لانه انتحار)

شوف انا اعترف اني مفحط لكن في المخططات وخارج المدينة والاماكن الخالية والسبب بسيط
ما في عندنا في الرياض حلبات واهتمام مثل جده
اما انو الواحد يفحط في وسط شارع او حارة فهذا كلام ثاني وما هو شطارة
يوم الخميس الماضي 27 مارس
كنت ماشي في الامام سعود من الملك عبد العزيز باتجاه ابو بكر في الخدمة وما ادري الا واشوف افيو رمادي يسحب بريكات وسط الشارع العام ووسط السيارات الماشية
يا حمار لو فلتت السيارة منك الحين اقل ما فيها بتدخل في واحدة من السيارات اللي حواليك او بتطامر الرصيف الى الخط المقابل وتسوي مصيبة
يا اخي طز فيك لكن ايش ذنب العالم الماشية في الشارع تروح تشيلك عيلة بحالها او اب او اخ او ابن او او او
ما في تفكير
ما في عقل
الشارع كان زحمة ذاك اليوم ومعروف عاد خميس واخر الاسبوع والعالم كلها خارجه
سئلت واحد هناك قالي له يومين وهو على هالحالة يشبر الشارع تفحيط رايح جاي
والله جلست ادعي عليه يخش في عمود كهرب او نخله لانه مو قليل في حق واحد زي هذا
يستهتر بارواح الناس ويلعب فيها اذا كانت روحك رخيصة يا اخي لا تسترخص ارواح الناس
السؤال المهم وين المرور والدوريات عن هالاشكال؟

والله أنا أنبسط لمن يروح جلا لمن يصدم ولا يشيل آدمي ولا يسير فيه بلا

ع شان يبطل مسوي فيها معلم قلك

الحمد لله أهل العقول في رااااااااااحة

الحمد لله الذي عافانا مما أبتلاهم فيه..... لا نتمنى لأي مسلم ألا الخير - وتذكروا أخواني أن السياره نعمه من الله يتمناها ناس كثر في البلدان الأخرى ومن شكر النعمه عدم التفريط بأرواحنا وأرواح الآخرين وممتلكاتنا ( وقانا الله وأياكم من كل مكروه أمين )

ادعو للي يفحط بالهدايه واللي مات الله يرحم موتى المسلمين .