محتار شارجر 2007 أو أفالون

لاتفكر ولاتحتار الافالون هي الاختيار <<<اعذروني ماادري وش تكملتها :D :p

اخوي والله افالون احسن واجمل وافخم واوسع واقوى ووووو......الخ

وبكيفك ولاتنسى الاستخاره

لك ودي

افالون ........

أكيد أفالون لكن شوف فورد فايف هندرد يمكن يعجبك

والله اصوت للافالون.............

افخم.......اوسع........تويوتا........اكثر اعتماديه........لكنها ليست اقوى (ودفع امامي:mad: ) ;)

تحياتي....

تم التصويت للافلون
اضمن لك من ناحيه الخرافات

وتلقى القطع بسهوله

وشكلها لا بأس بها

وبالتوفيق لك اخوي

لاأدري عن الدودج ولم أجربه, ولكن مما سمعت عنه يخوف.
تم التصويت للأفالون

اذا بتقارن الافلون مع الدوج تشارجر SXT، الافضلية راح تكون للافلون من ناحية الاداء والاعتمادية والراحة وجودة الصنع وطبعا استهلاك البترول.

معلومات سريعة فقط.....

دوج تشارجر SXT محرك 6 سلندر حجم 3.5 لتر، القوة 250 حصان، جير اوتوماتك 4 سرعات فقط
أفلون لمتد فل ابشن 6 سلندر حجم 3.5 لتر، القوة 280 حصان، جير اوتوماتك 6 سرعات
بالاضافة الى ان الافلون اخف وزن من التشارجر بحوالي 300 كيلوجرام....
للعلم فقط،، الدوج تشارجر لا تزيد فترت ضمانه عن 3 سنين فقط... الافلون فترت الضمان 5 سنين.....

الدوج تشارجر RT يأتي بمحرك 5.7 لتر ( هو أساساً محرك الكورفت ) السيارات الامريكية تستغل هذا المحرك بشكل غير معقول،، والغريبه أن شركات غير الشفروليه تستخدم هذا لمحرك ،، كان هناك نوع من التحالف لتخفيض النفقات ما بين الشركات الامريكية والاكتفاء باستخدام محرك الكورفت القديم في مختلف السيارات الامريكية، وبالتالي توفر الشركات الامريكية على نفسها عناء الابحاث والتصميم والتجريب.

المهم محرك الكورفت المستخدم في التشارجر لا يولد الا 340 حصان فقط.... بالمقارنة مع نفس المحرك في سيارة الكورفت يولد 450 حصان تقريبا.

لكن مشكلة سيارات التويوتا ليس في الأداء ولا العتمادية،، لكن في التصميم الخارجي... تصميم ممل ولا يوحي بروح الشركة ولا باي شغف.

اذا بتختار الافلون،، كانك اخترت الاداء، الراحة، جودة الصنع والاعتمادية.
اذا اخترت الدوج تشارجر،، كانك اخترت الشكل الخارجي فقط....

القرار لك

السلام عليكم اخوي انا نصيحة لك افلوووووووووووووووون وبس نصيحة مجرب|1|

طبعا الشارجر بس لابد يكون الآر تي

الأفــــالون

افالون اضمنلك
لانها من تويوتا
عند البيع تجيب لك سعر

من ناحية السعر اكيـــــــد التشارجر افضل

وشكرااا......

خذلك تشاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارجر وبس

ايوة يا اخوي هوا صحيح لو قلنا ايش مكان بيرجع الاختيار لك
بس انا من عندي اختار الافالون لأنها سيارة بتخدمك اذا خدمتها وحافظت عليها وهيا النوعية هاذي بتحققلك الراحة والامان والفخامة وشكلها ورفاهيتها عاااااالية جدا كل شركة تويوتا وسياراتها بتولد معاها الضخامة والفخامة والشكل والرفاهية العالية للسائق والامان اهم شي.......

على كلن انا اعطيتك رأيي ...

حبيبي يا عم

انت مثلي بالضبط

وبعطيك حل

استأجر السيارتين وجربهن واحكم بنفسك

اذا تفكر ب تشارجر 6 سلندر فأنا انصحك انك ثأخذ افالون احسن لك

اما اذا تبي تشارجر 8 سلندر فأنا اشوفه احسن من الافالون

تبي سياره تمشي معك خمس سنين خذ الافالون
مثل ما قالو الاخوان سياره فخمه
على وفكره عندنا في الكويت وكالت دوج غير مرغوب فيها من كثر الخرابات الي في سياراتهم
فنصيحتي لك ابعد عن دوج

من ناحية القوة والثبات والأمان .. التشارجر
من ناحية الفخامة والسمعة .. افالون

مع التحية ،،،