معلومه مفيده&استفسار بخصوص السفاري

بندر بستن @user_17047 · 19-08-2007

السلام عليكم ورحمة الله وبركاته ..

انا عرفت معلومه صغيره عن جيوب الباترول .. وقلت افيد اخواني اللي يجهلون هالمعلومه

ولد عمي عنده جيب باترولموديل94 وواحد من ربعي عنده باترول موديل2001 وكلاهم مركب دبت رش .. ودبت الرش كانت سبب في ارتفاع حرارة الموتر فوق الربع .. ولما شالو الدبات .. ردت الحراره سليمه مره اخرى وعلى الربع ثابته ولله الحمد ..

والاستفسار .. انا سمعت من واحد من ربعي عندهم باترول 98 وكان يصرف بانزين بشكل غير طبيعي .. وكان ممشاه .. يكرم السامع ممشى جحش .. يقول وداه اخوه للسكارب(التشليح)وركبله طرمبة بانزين حقت جيب لاندكروزر VXR وتغير الممشى صار افضل من قبل مع ملاحظه تقليل صرف البانزين عن الاول .. فهل هذا صحيح؟؟!؟! لاني رحت حق كذا واحد في التشليح وسألت ونفو هالكلام .. قلت اسأل اخواني في المنتدى يمكن فيهم احد جرب هالطريقه ونجحت معاه .. ولاحظ تغير في اداء السياره .. والسلام عليكم ورحمة الله وبركاته ..!!

بندر بستن @user_17047 صاحب الموضوع · 26-08-2007

يعطيك العافيه .. وكلامك صحيح ميه الميه .. شاكر لكم اخواني على مروركم

عابر البيد @user_12635 · 25-08-2007

وعليكم السلام ورحمة الله وبركاته:

بالنسبة للدبات انا معك اخوي احتمال كبير انها تأثر على عزم وحرارة الموتر .. اما بالنسبة للطرمبة البعض يركب حقت جموس او لاند بعد الترهيم طبعا .. ويظنون ان صرفية البنزين خفت وهذا في الحقيقة وهم كبير للاسف عايشين فيه بعض الناس .. مكينة الباترول كلفة مئات الملايين من الدولارات وعشرات المهندسين والمصممين الذين يستخدمون افضل التقنيات في عملهم ويعرفون كل صغيرة وكبيرة في هذا المحرك وتم تحديد كمية الوقود سواء للكاربوريتور او البخاخ بعد العشرات وربما المئات من التجارب وعن طريق الكمبيوترات .. فكانت النتيجة استهلاك مرتفع من الوقود لهذا المحرك قد اقره المصنع .. واي تعديل لكمية الوقود الداخل للمحرك سوف يتسبب في سخونة واهتراء واهتزاز المحرك والاكيد ضعف العزم..
واشوف ان اللي عنده باترول يخليها مثل ماهي .. او يبيعها ويشري غيرها .. ولا يتعبث فيها ابد ..

تقبل تحياتي ...

فورتشنر @user_38327 · 25-08-2007

معلومة غريبة
نرجو منك تفاصيل أكثر

بندر بستن @user_17047 صاحب الموضوع · 21-08-2007

مشكورين خواني على مروركم الكريم .. وبصراحه انا ماكتبته الا لانه موظوع شوي غريب .. وحبيت استفيد وافيدكم معاي .. !!

top rom @user_49932 · 21-08-2007

والله ياخوي اذا ع الصرفيه لازم يسوي تصفيه لللمكينه من تغير بواجي ميزانيه بلوف وفلتر بترول
ويعتمد على السياره اذا كربيتر او بخاخ لانه مكاين النيسان 4200-4500 لازم كل فتره تسوي لها وزنيه للبلوف تقريبا كل 30 الف
وبالنسبه لسؤال جايز بشكل كبير اذا كانت السياره بخاخ بس الي اعرفه انه في انواع للطرمبات يكون دفعها للبزين قوي بس بعد كل شي جايز
اممممممم تصدق يبيلنا نسال عن الموضوع

atlantis @user_32402 · 20-08-2007

اول مره اسمع عن شغلة الطرمبه حقت الفكسار

و كل شي جايز

بندر بستن @user_17047 صاحب الموضوع · 20-08-2007

هلا والله اخوي صالح ..يعطيك العافيه على المعلومه .. وانا مثل ماقلتلك سمعت فقط لاغير وقلت اخذ العلم الوكاد من الاخوان فالمنتدى كان واحد فيهم سامع عن هالشغله .. والسلام عليكم

salehhd @user_17805 · 19-08-2007

السلام عليكم

اشكرك على المعلومة وبصراحة ماعندي علم بخصوص تغيير الطرمبة

حسب علمي بالنسبة للمودلات من 2001 الى 2004 يركبون لها بخاخات التيما علشان تقلل الصرفية لاكن ماتزيد العزم