حبيت أستفسر عن الجنوط ومشاكلها و تركيبها ؟؟

زمان الود @user_40286 · 27-08-2007

أولا : السلام عليكم ورحمة الله وبركاته

ثانيا : ياليت تجاوب على اللي تقدر عليه .. ومعذرة على الكلافة ..

السؤال الأول : أنا رحت للغرابي ورد كاب وشفت الجنوط نفسها هنا وهناك بس الفرق رد كاب فيه ضمان بس الغرابي مافيه ضمان ولا تنسون السعر لقيت جنط بالغرابي بـ 3600 ريال ولقيت بردكاب نفس النقشة والحركات بس اختلاف بسيط بـ 5100 ريال .. الزبدة لو حطينا الضمان على جنب وش الأفضل وليش ؟؟

- والسؤال الثاني : أنا راعي خطوط من الرياض إلى الشرقية عشان الجامعة وتقريبا كل اسبوعين وأنا بالرياض وأنا مثلا كنت مركب جنط ... هل هذا الشيء يأثر على السيارة لأن الجنوط مو وكالة ولا عادي : ؟؟

السؤال الثالث : هل جنط مقاس 20 يركب على الكابرس مع أنه بعض المحلات يقولون يركب وردكاب يقول ما أدري لازم نركب ونجرب .. وأنا أبي رأي خبرتكم ؟؟

السؤال الرابع : وش أفضل الأماكن اللي تبيع جنوط مقاس 18 في الرياض أو الشرقية .. بس تكون جنوط مضمونة وحدي بالسعر 5000 ريال ؟؟

وياليت تكونون لي ناصحين قبل ما أركب الجنط وأتوهق فيه ..

stun @user_2575 · 29-08-2007

DUB اقل جنط عندهم بحوالي 8000 ريال للمقاس اللي تبغاه :)

stun @user_2575 · 29-08-2007

ز

زمان الود

طيب أخوي أنا شاكر لك جهودك على الرد ..

بس عندي عدة أشياء حبيت أستفسر عنها من ردك طبعا :-

مع العلم اني أنا معي [COLOR=blue]LTZ 2006 ..[/COLOR]

- وش معناتها تعليقة الكابرس اس اس رياضي ... يعني هل أقدر أغير شيء بالكابرس وأخليها رياضي ؟!

- وش قصدك انه مقاس 20 كفراته [COLOR=red]تستهلك أكثر ؟؟

- هل تقصد اني لو أركب جنط من الغرابي مايفرق عن ردكاب إلا الضمان والسعر ؟؟

وأشكرك مرة ثانية على الرد ..[/COLOR]

نظام التعليق بالكابرس رياضي ... مختلف تماما عن الكابرس العادي و ما تقدر تغيره بالكابرس العادي ( عشان كذا تشوف الكابرس إس إس يجي نازل بزيادة عن العادي )

كل ما كبر الجنط الكفر يكون أصغر و بكذا يكون عمره أقل .

ردكاب نصابين ... جنوطهم نفس جنوط الغرابي انا رحت و شفتها .. نفس الصناعة و نفس الشكل.

شف فيه محل اسمه السليماني بالغرابي .. هذا افضل محل بالغرابي للجنوط.

و الرجة حلها سهل :

بعد ما تركب الجنط .... رح ميزان درع ( بالصناعية القديمة ) و قل له ابغا اركب ( فلنجات ) من عند المخرطة بين الجنط و الهوب .. بيرسلك على المخرطة إلي وراهم على طول و بيسويها لك بــ 150 ريال . انا اشتري الجنوط من الغرابي و اسويها عند المخرطة هذي و امشي فوق الــ 200 و بدون رجة .

و بالتوفيق :)

زمان الود @user_40286 صاحب الموضوع · 29-08-2007

أخوي [COLOR="Blue"]معقوله :- شاكر لك ردك .. وبالنسبة للضمان على الجنوط إذا انكسرت إذا فيه رجه ...

يعني وش رايك ألحين يوم قلت لك عن الضمان في ردكاب مقارنة بالغرابي وش الأفضل من ناحية الجودة ؟؟[/COLOR]

زمان الود @user_40286 صاحب الموضوع · 29-08-2007

أخوي [COLOR="Red"]dude :- شاكر لك ردك بس تعرف القيمة ... يعني هل تتوقع ألقى جنط بحدود الـ 5000 ريال في مركز DUB شاكر لك رأيك وياليت ترد لي خبر إذا كان فيه بحدود السعر هذا ومقاس 18 وفوق ؟![/COLOR]

معقوله @user_31828 · 29-08-2007

والله نصيحتي لك يالغالي انك ماتتعدى مقاس 18 وان خربتها 19

عشان الراحه في القياده .. لأن كل ماكبر الجنط كل ماقلت الراحه بس بتكسب رساوه اكثر :)

وبالنسبه لرد كاب ضمان على ايش طيب :) ؟

dude @user_53257 · 29-08-2007

اذا تبي رأيي شخصيا... وانت جاي الشرقية روح حق محل DUB في الخبر-الشارع العاشر!! راعي المحل اسمه ابوسيف... وماركةDUB عالمية ومضمونه... ما في احد راح يفيدك اكثر من ابوسيف...

زمان الود @user_40286 صاحب الموضوع · 29-08-2007

طيب أخوي أنا شاكر لك جهودك على الرد ..

بس عندي عدة أشياء حبيت أستفسر عنها من ردك طبعا :-

مع العلم اني أنا معي [COLOR="Blue"]LTZ 2006 ..

- وش معناتها تعليقة الكابرس اس اس رياضي ... يعني هل أقدر أغير شيء بالكابرس وأخليها رياضي ؟!

- وش قصدك انه مقاس 20 كفراته تستهلك أكثر ؟؟

- هل تقصد اني لو أركب جنط من الغرابي مايفرق عن ردكاب إلا الضمان والسعر ؟؟

وأشكرك مرة ثانية على الرد ..[/COLOR]

stun @user_2575 · 28-08-2007

و عليكم السلام :)

أول شي اذا جيت تركب جنط لازم تشوف جنط الوكالة كم .... و تشوف الحد الاعلى للمقاس .

اذا كابرس اس اس عادي ركب مقاس 20 .

اذا إل تي زد أو إل إس ركب 19 .

لأن الأس أس تعليقها رياضي .

ثاني شي :

انا رحت رد كاب و رحت الغرابي .. الضمان على ايش ما أدري ؟ !! يعني على انه ما ينكسر ؟ اصلا حتى جنط الوكالة من الممكن انه ينكسر .. و الرجة موجود بكل الجنوط و بعطيك حل لها .

ما انصحك تمسك خط بالجنط الـ 20 لأن كفراته غالية و بالخط تستهلك أكثر .

مقاس 20 يركب على الكابرس بس اذا نزلتها بيحك بالرفرف .

عندك رد كاب اسعاره كويسة .

و بالتوفيق