انا في رايي ان الباترول احسن جيب من عدة نواحي:
1- مكينته 4800 سي سي 280 حصان بتقنية VVTC
2- الفخامة الداخلية
3- الجودة العالية
4- السعر بالنسبة للمواصفات
5- نظام التعليق المريح داخل وخارج الطرقات المعبده
انا عارف ان في ناس بتزعل علي لاني ما قلت الــ VXR بس الصراحة الـــ VXR سعره ناااار بالنسبه للسفاري , صحيح اني افضله بس خلونا ناخذها نظرة واقعية بعدين عندي رد بسيط للاخ الي يقول عن جيب هوندا بايلوت اولا هالجيب مافي تنقيله HL4 يعني دبل ثقيل وبكذا مايصلح يكون جيب والله يعينك اذا غرز عليك, بعدين السيارة واطية جدا يعني ما تصلح سيارة بر , اما كلام الوكالة انهم جابوا شيروكي و لاندكروزر و نيسان باترول فهذا انت قلتها (كلام وكالة) يعني الدعوة تسويقية لا اكثر ولا اقل و كون انهم على كلامهم جايبين سواقين محترفين تلقى هالسواقين هم مندوبين المبيعات اللبنانين ولا لو جابوا الطعوس راعيين النفود كان خجوا ذيك الساعة بعدين البايلوت جيب دفع امامي واذا دار الكفر الامامي حول جزء من العزم للكفر الخلفي وسياره ماتجي قير عادي هذا جيب بالله عليك؟؟؟؟؟
وكونه يطلع على الشيروكي هاذي صعبة والله الشيروكي أكبر منه مكينه واحسن دبل و انظمه تعليق مخصصة للقيادة الوعره ووزنه اخف وشلون يطلع عليه!!!!!!
اما كونه طلع على الاند والسفاري فأنا بترك التعليق للاخوه وهم بيجاوبونك.
شكرا
