ماخاب من استشار (( ابي رايكم قبل شراء فورد ماركيز 2000

من ناحيت المقارنة بين الكابرييس و الفوردات انا اقولك انو الفوردات تصصصصبر على الكرف بينما الكابريس مدلع و يشتكي كثييير و كمبيوته حساس جدا هذي وجه نظري مع احترامي لاصحاب الكوابرس

اولا مافي فرق بين الاستخدام الامريكي والمواصفات السعودي الا في التكايه اللي تفصل بين السايق والراكب
والتكييف الخلفي في السعودي
والسعودي شكمانين الاستخدام غالبيتها شكمان واحد

وانا لي تجربه سابقه مع كراون فكتوريا 99 استخدام امريكي السياره جدا ممتازه وتكرف
وجربت بعدها ماركيز 2000 استخدام امريكي وجدا ممتازه وكرفتها بالخطوط والحمد لله ماعمري اشتكيت منها الين بعتها

طبعا بالمعارض والحراج غالبيتها تلقى سعرها طااايح وعلى 28 لكن ماتضمن نضافتها
المهم بالنسبه للسعر هذا سعرها الحالي بالصالات وعلى حسب النضف
وانت ذكرت انها من الداخل مخمل وهذا يدل انها نص فل وقيمتها بالصالات اذا كانت فل كامل من 36 الى 40 على حسب النضف والمواصفات

يعني اذا كانت السياره نضيفه وبصاله هذا سعرها رغم انه مزود عليها 2000 ريال

حاول تنزل معه الى 36

وبالمعارض اذا كانت نضيفه غالبا يكون سعرها بحدود 32.000_35.000 الف ريال
وبالنسبه للفرق بين الصالات والمعارض الصالات اغلبها تكون سيارتها انضف وتلقى سعرها اغلى من المعارض ويعطونك ضمان سنتين وبعض الصالات سنه

والمعارض اذا شريت من عندهم سياره اوراق جمرك( وارد امريكا) الضمان صار عندهم بفلوس 6 اشهر ب 500 ريال سنه ب 1000 ريال

اهم شي حط في بالك ان الضمان كلااااام فاضي لو تروح لهم يقولون لك سوء استخدام يعني لاتفكر بالضمان ولو عطوك ضمان ولع فيه الافضل انك تفحص السياره زين قبل تشتريها اكشف كومبيوتر على المكينه والجيربكس

والله يكتب لك اللي فيه الخير

والله شف تبي نصيحه انننننننحشششششششش عن وارد امريكا , خصوصا الموديلات الي شوي قديمه , اذا نفسك في الماركي او الفكتوريا لا تشتري الا سعودي وحط تحت كلمة سعودي 10 خطوط

اذا تبي نصيحتي , شف اترك عنك نصب هالصالات وسياراتهم الفاااااشله وبعنف , ومر على قسم الافضليه حق العيسى ودور لك كابرس 2005 LS او LTZ انت ودراهمك , ودور واحد نظيف قسم بالله ماراح تندم اولا موتر كابرس ولو يكون V8 يكون افضل . واترك نك الفورد ومشاكله خصوصا الامريكي لانك يتغير الاشياء التاليه :
1- طرمبة مويه على طووووووووول ماراح تستخدمه شهر الا طرمبة المويه مجاااااااوبه

2- طرمبة بنزين وهذي غاااااااااليه اكثر من 1000 ريال
3- مشاكل الكهرب : والسب ام امريكا 24 ساعه امطار عشان كذا سياراتهم المستعمله مشاااااكل في الكهرب

وانت بكيفك

وين الردود يالربع :confused:

بصراحة سعر غالى جدا ومبالغين فيه .. لان انا امس كنت بالسوق ولقيت اقل من كذا
لاتستعجل وانا اخوك .. حاول انك تخصص لك يومين بالاسبوع تنزل المعارض

عسى تلقى لك صيدة منا ولا منا ..

والله ياجماعة شـئ يحير ..يعني الغش لاحقنا لاحقنا حتى بالسيارات..

ويعطيكم العافيه ياأصحاب الردود .. وننتظر مشاركة اهل الخبرة ...

والناس الى عندها خبرة باسعار المعارض والصالات ..

والله الصالات اغلى من السوق تقريبا من 5000 الى 10000 ريال وانا ما ابالغ هذي عن تجربه والزود هذا اتوقع قيمه الضمان وتراها لعبه يقول لك سنتين او 20000 كيلو وانتو عارفين الحين خلال 6 شهور تمشي السياره 20000 وانا تقريبا كل شهر امشي 5000 اقل شي يعني لاعبينها صح والله يعينك على الغش

أنا أخذت كراون فيكتوريا موديل 99 مكيف لمس جلد طبلون عادي استعمال امريكي ماشي 100 بـ34