مشكله في كيا كرنفال ويا ريت تساعدوني جزاكم الله الف خير

hashim86 @user_56012 · 17-09-2007

السلام عليكم ورحمة الله وبركاته..
ويعطيكم الف عافيه

ادري اني جديد وخاش عرض،، بس ما دلني على المنتديات وهالأشياء الا واحد من اصحابي،، قالي دور بالنت.. وهذا انا بستفسر منكم وان شاء الله انكم تفيدوني وتكسبو فيني أجر...

عندي كيا كرنفال 2002
صارلها حوالي 5 أيام، احيانا تشتغل وأحيانا لا..
والمشكله ان لما يشوفها كهربائي او ميكانيكي تكون شغاله طبيعي..

وللحين مو عارف ايش فيها السياره،، والمشكله ما في غيرها في البيت ..

انا شاكك بمفتاح السياره نفسه..
في لمبه في التابلوه كلمة (( IMMO )) الي هي عشان المفتاح،، طبعا مفتاح الاسبير ما يشغل السياره الا اذا برمجته بالوكاله.. ولو حطيته وجربت تشغل، هذي اللمبه تقعد تولع وتطفي وما تشتغل السياره..

والمفتاح الأساسي لما ما تشتغل برضو تسوي كأني حاطط مفتاح الاسبير..

المشكله الي معقدتني، انو احيانا تشتغل واحيانا لا..

بس هل معقوله تكون من برمجة المفتاح نفسه؟؟
وهل اذا المفتاح خربان،، ممكن يشتغل احيانا واحيانا ما يشتغل؟؟!!

والله احترت وما ادري ايش اسوي..
والمشكله اني بالمدينه المنوره.. وحسين علي رضا ما عاد وكيل كيا..
فما ادري ايش الحل..
يا ريت احد يفيدني،،
وياريت لو في طريقه عشان تشتغل السياره بدون المفتاح المبرمج احد يعلمني عليها

واسف طولت عليكم،، ويعطيكم الف عافيه يا رب

hashim86 @user_56012 صاحب الموضوع · 19-09-2007

اسف لازعاجكم يا اخوان..
بس هل من الممكن تشغيل السياره بدون المفتاح؟؟
يعني لو جبت كهربائي،، مو في طريقه تشغل السياره بأسلاك!!
ما يقدر يسويها؟؟
يعني الين ما المبرمج وفحص الكمبيوتر يجي من مكه للمدينه..

والنعم بهالوكاله،، الي ما تقدر تحط جهاز بكل فرع.. الا جهاز بكذا فرع قال :S

hashim86 @user_56012 صاحب الموضوع · 18-09-2007

والله يا اخوان رحت الوكاله وقلتلهم على المشكله..

تتوقعو ايش كان الرد!!

قلتله ابغى ابرمج المفتاح.. قالي البرمجه مره وحده في الاسبوع،، لانو الجهاز في مكه،، يجي يوم في الاسبوع للمدينه..
قلتله طيب نقدر نتأكد انو من المفتاح،، قالي لازم فحص بالكمبيوتر،، قلتله افحصها مو مشكله..
قالي الفحص مع برمجة المفتاح.. مره وحده بالاسبوع..

قلتله طيب اي يوم بالضبط.. قالي والله ممكن بكرا وممكن بعدو.. مافي وقت محدد..
وتركت رقمي عندهم وعلى الله..

طبعا السياره ما تشتغل الحين.. واخذتها حطيتها على باب الصيانه.. واستأجرت سياره.. بس ان شاء الله الحكايه ما تطول،، لاني مو قد اجار سياره خصوصا انو مو وقته يعني..

استفسار بسيط،، هذا النظام حق المفتاح،، مافي طريقه ألغيه من السياره نهائي!!
ولو بقى الحال كذا،، على حسب ما نشوف بالمسلسلات والافلام،، ما اقدر اشغلها بالاسلاك :D

خخخخ
معليش بس عشان توفير اجار السياره..

تحياتي لكم

أبو عبدالعزيز @user_6640 · 17-09-2007

يبغالك تروح الوكالة أخوي
فمشكلتك في السويتش
لأن إحتمال كبير يكون عندك دخل أوصاخ وأتربة كثيره داخل السويتش وصار الكمبيوتر ما يقرأ شفرة المفتاح ويتأكد أنه مخصص له
ولا زم انك تبرمج المفتاح الاحتياطي علشان برضوا يتفق معاه وتشتغل السيارة على أكمل وجه

أذكر ها المشكلة جاتنا بسيارة الوالد الأودي ووديناها الوكالة وحلو الامر كله بسعر بسيط
والله يوفقك

hashim86 @user_56012 صاحب الموضوع · 17-09-2007

بروقهام مشكور اخوي وما قصرت..ومبارك الشهر علينا وعليك ان شاء الله.. ومشكور على الرقم.. بكلمهم وان شاء الله ألقى عندهم الحل..

maxim اخوي ان شاء الله ببرمج الاسبير وبسوي نسخه اضافيه مبرمجه بعد.. وان شاء الله تطلع بس قصة مفتاح مو أكثر

تحياتي لكم وشاكر ردودكم

maxim612 @user_48573 · 17-09-2007

h

hashim86

............
بس هل معقوله تكون من برمجة المفتاح نفسه؟؟
وهل اذا المفتاح خربان،، ممكن يشتغل احيانا واحيانا ما يشتغل؟؟!!

وعليك السلام ورحمة الله وبركاته

نعم يسوي الحركات هذي
والحل ان شاء الله يكون في اعادة البرمجة
قبل اعادة البرمجة .... برمج المفتاح السبير

بـروقـهـام @user_51241 Banned · 17-09-2007

h

hashim86

والمشكله اني بالمدينه المنوره.. وحسين علي رضا ما عاد وكيل كيا..
فما ادري ايش الحل..
يا ريت احد يفيدني،،
وياريت لو في طريقه عشان تشتغل السياره بدون المفتاح المبرمج احد يعلمني عليها

واسف طولت عليكم،، ويعطيكم الف عافيه يا رب

وعليكم السلام .. حياك الله أخونـا / hashim86 .. والله يعافيك ومبارك عليك الشهر .. أخوي اللي اعرفه إن السيـارة لايمكن تشتغل بمفتـاح بدون برمجة .. فإستغرب كيف قدرت تشغل السيـارة بدون برمجة المفتاح الإسبير .. على العموم أنـا صراحة مالي خبرة بالكوري .. لكن حبيت أساعدك بخصوص مركز صيانة ( كيـا السعودية للسيـارات ) وهو الوكيل الجديد لكيـا .. هذا رقم موزع لهم في المدينة المنورة /
الـجـاد 8444040 .. إتصل بهم لعل وعسى تكون هناك صيانة لسيـارات كيـا .. والله يكون بعونك وتأكد إنك مو الوحيد الي تضرر من عملية سحب وكالة كيـا من الحاج حسين .. تحياتي لك :)