السلام عليكم
اليوم مريت توكيلات الجزيرة ووجدت عندهم كارون فكتوريا ستاندرد موديل 2008 ( غير سبشل إدشن ) السعر 85000 ريال
لا يوجد أي اختلاف عن موديل 2007 على كلام الموظف
وبالنسبة لموديل 2007 يقول نفذت الكمية
فيه عندهم موديل آخر سبورت فيه شوية إضافات بس ما حرصت أسجلها مثل الجنوط والجناح قيمته 93000
سألته هل هناك عرض رمضاني على الفكتوريا قال السعر هذا هو العرض الرمضاني 85000
يعني سعر 74000 مثل أول ما فيه
هذا كلام الموظف
بالنسبة للفل أوبشن ما بعد نزلت عندهم
انطباعي بعد ما ركبت الفكتوريا 2008 ستاندرد ( ما قد ركبت 2007 ) هو شعور محبط للأسف
للأسف السيارة أقل من العادية
ولكن مرتبة السواق مريحة
والسيارة ضيقة ما كأنها أمريكي ,, ما أدري يمكن أكون واهم ولكن يبدو لي أنها ضيقة خصوصا المراتب الخلفية والمسافة بينها وبين المراتب الأمامية
لون المراتب والطبلون والدركسون هلويز فاتح ( لكن هلويز السيارات الفخمة مثل اللكزس يختلف تماما )
بعد ما ركبت السيارة تذكرت تعليق كتبه أحد الكتاب هنا يقول ( الفكتوريا مجلس عربي وركبوا له دركسون )
يعني ما فيه أي فخامة ولا تقنية كأنك راكب سيارة من موديلات الثمانينات
أرجو أن لا يغضب مني عشاق هذه السيارة ولكن الحق ينقال ( وأنا كنت من عشاقها )
عموما هذه وجهة نظري وهي تحتمل الصواب والخطأ وقد يكون ظهر لي شيء وغابت عني أشياء
التقطت صورتين للدركسون والطبلون وما كان في بالي أني أحطها في المنتدى يعني تصوير على الماشي إذا رغبتم أرفقتها لاحقا
والله أعلم
