سعر كراون فكتوريا 2008 في توكيلات الجزيرة ورأيي فيها

مين اللي قالك ما يتحمل أخوي

أعرف واحد معه فكتوريا 96 وطابق فيها الـ 200 وهي 96 فما بالك بـ 98 و 2003 يعني ما تجيب الـ200 وبكل شكل يطلع يعدلون بالقير بنظرك

التعديل هذا للاسوء !!! وإذت بتقول الموديل الجديد طبلونه 180 فالعلم عند الله ثم الشركة المصنعه لكن ليس بدليل على ان القير ما يتحمل أكثر من 180

قد سمعت حد مشى فكتوريا او ماركيز 200 وخبط القير ؟؟؟؟؟؟؟

وبعدين شلون يكتبون بالعداد 200 وتجيب ال200 بعض الفوردات

وانت تقول ما يتحمل !!!! يعني انت او اللي قالك هالكلام أدرى من الشركة المصنعه ؟؟ :confused:


وبالتوفيق ,,

معليش اخوي الكابرس اللي انت استأجرتة مصدوم او محروق او شي ثاني

انا اشتريت كابرس 2005 LS وكالة و بعتة ماشي 63000 ما شفت منة شي لا صوت هوا ولا شي
حتى على سرعة 230 كلم
.
.
.
.
.
.
نرجع لموضوعنا سعر الفورد غالي مبالغ فية

صحيح انة موتر يعطيك بس 85000 غالي

بالنسبة لمساحة الراكب الخلفي فالمساحة ممتاااازة ولكن بكل صراحة سعرها يجب ما يتجاوز73000
زي الماكسيما او مانزلت بحدود 70000و بدون مواصفات و الان 68000وجنوط و مواصفات
ومشكوور على المعلومة

لمن لا يعرف قدر الفورد كراون فيكتوريا او الجراند ماركيز

نأتي للسعر : 85 ألف أحطها في فورد
ولا أحطها في كابريس 88 ألف لـ LS والله الكرسيدا أفضل منه وبدون زعل
لأني جربته أكثر من شهر << من جد مهربده
كانت ايجار وماشيه 100 كم يعني جديدة الجديدة

والفورد 2002 يختلف 780 درجة عن موديل 2007 في القيادة والجلد الي يخليك تدمن على رائحته والخشب والمسجل الأكثر من روعة والعداد ونظام التعليق ووووو ......

والفورد ما هي حقت سباقات حقت رساوة انا قد وصلتها لـ 170 ولا كاني مسرع 80
اما الكابريس 130 والهواء الخارجي كله في السيارة شوي وتتفكك

وعداد الفورد الي بيفكه عند الوكالة بـ 400 وأضن السرعة راح توصل اكثر من 240

الحارثي

عن نفسي ارى ان سعرها معقول جدا وتستحق اكثر من ذلك

أعتقد أنكم إتفقتم على غلاء السعر وانا بعد معكم

بنظري السعر الاول منصف لها خاصه انها لم تدخل عليها

تغيرات تذكر فلما الغلاء !!

وبالتوفيق ,,,

الف شكر لك اخوي مارودر على هذا الاطراء
وان دل هذا على شيء فهذا يدل على سمو اخلاقك :)

وأنا يعجبني فيك رحابة صدرك والرد في صلب الموضوع وعدم التحيز


تقبل خالص تحياتي ،،،


تحياتي للجميع ،،،

اخ ltz انت كذا|1| |1| |1|
ويعجبني ردك واسلوبك المقنع

مرحبتين اخوي مارودر
اشكرك على اسلوبك في الرد

طبعا 180 كثيرة حتى بالسفر كل العقلاء متفقين على الشي هذا

لكن السؤال
دامهم وصلوا سرعة السيارة 180 لاجبار الناس عدم تجاوز هذي السرعة الجبارة كان كملوها 200 زي باقي السيارات او اذا خايفين على الناس 120 هي السرعة النظامية الرسمية !!!!!!!

يعني بشكل اوضح المشكلة مو في المكينة المشكلة في القير الي مايتحمل سرعة 200
واذا قصدك على الرسمية السيارة مو هي العامل الوحيد الي يعطيك الرسمية وانما قائد السيارة يكسبها الرسمية بعد

يعني اشوف ناس في كل اشارة قومة وفي الاخير سيارته بي ام
ضيع هيبة السيارة

يعني الكلام هذا زبدته ان عبارة السيارة حددت بسرعة 180 حفاظ على رسميتها X


النقطة الثانية هي سعر السيارة واعتقد انك اتفقت ياغالي على غلاء السعر
وهذا شي اشكرك عليه

لكن مقارنتها بارتفاع السيارات الثانية غلط بغلط

يعني مثال بسيط ارتفاع سعر الكامري بسبب تغيير الشكل جذريا وااضافة بعض المواصفات ولو كانت بسيطة
مثال آخر ارتفاع سعر الكابريس عن سابقه وهو اضافة العديد من المواصفات + التغيير الجذري للشكل + اضافة انظمة امان اكثر

يعني ارتفاع السعر لازم يكون مبرر له

يعني مثال اكثر بساطة لو
نوكيا نزلت جوال جديد زاد سعره عن سابقه 500 ريال
هذا لايعتبر مبرر لسوني اريكسون زيادة سعر الجهاز القديم الذي لم يتغير ،،،


تحياتي لك اخوي مارودر ،،،

هلا وغلا فيك اخوي ltz

اخوي لاتنسى ان السيارات فئات
وانا ماقارنت الكراون فكتوريا بالمرسيدس والبي ام والبانوراما
طبعا الالماني سياره رسميه

ولاتنسى ان السرعه مالها شغل بفخامة السياره عندك مثلا الكورولا 220 على ويش ؟؟؟ وهي حجمها نص الفكتوريا يعني اي صقعه تبي تلصق الكبوت بالشنطه

عندك مثلا الكابريس الصابونه(ss) سرعتها 260 هل هذا يدل على انها افخم من الالماني
لااااااااااا

لكن انا اتلكم عن السيارات الفئه المتوسطه مثل الفكتوريا والكابريس والكامري وغيرها


ولاتنسى ان سرعه 180 كم تكفي بالسفر

وبعدين بالنسبه للشركات اللي تصدر اجيال ثانيه وثاله والفكتوريا واقفه طيب بالعقل يعني هل شركة فورد غبيه لهذي الدرجه اكيد لاااااااااا وهذا دليل ان الفكتوريا سوقها مااااشي وتحقق ارباح مستمره للشركه عشان كذا مهم بحاجه تصدير اجيال ثالثه ورابعه وهم عندهم جيل مبيعاته سااائده في الاسواق والطلب عليه مرتفع
وبالنسبه لارتفاع السعر صح ان السعر مرتفع لكن انظر لجميع السيارات راح تلقى منااااافسه بالاسعار

^^^^^^^الصراحة اتفق معك انه المنافسين طلعو اكثر من اربع اجيال للسيارة وفورد واقفة مكانها

مرحبتين ياغالي،،،
1/
على القوة الكل يتفق ان الكراون فكتوريا قوتها اقل من 6 سلندر
2/ تقدر تذكر لي مواصفات السيارة ؟؟؟
اضف الى ذلك عطني مواصفات الامان فيها ((( ماقول السيارة مافيها امان فيها لكن ليس متطور مثل باقي السيارات في فئتها))

3/ السيارة الكورية ازيرا أفضل جذريا من الفكتوريا من جميع النواحي ماعدا المراتب(الراحة))

طبعا الفورد مافيه الا ميزة وحده وهي المراتب مريحة ولكن الي في الخلف ماكلين هوا رجولهم لاصقة في المراتب الامامية (( مساحة ضيقة ومو عارفه الشركة تستقل حجم السيارة ))

4/ 93000 <<<< هذا السعر مبالغ فيه جدا جدا جدا وبتلاحظ شلون تبدأ المبيعات بالتناقص الا اذ قرر الوكيل تغيير السعر
صحيح الخليجيين يحبون الفكتوريا لكن مابيحطون فيها اكثر من 80 ألف

5/اخوي الي يقول مشاكل السيارة عادية

هل الحرارة مشاكل عادية ؟؟؟
هل القير والماكينة شي عادي ؟؟
اذا هذا الشيء عادي اعتقد ان السيارة مابقى فيها شي يخرب

قاعدتي في المنتدى سواء للفكتوريا او لغيرها من السيارات ((( حافظ على السيارة بتقل الخرابات وبتعيش معاك )))

6/ واخيرا : اخوي الغالي مارودر هل تعتقد ان برستيج الفكتوريا ورزتها اكثر من البي ام والبانورما

لان البي ام والبانوراما سرعتها القصوى 250 لو ان الشركة تشوف ان السرعة بتقلل من برستيج السيارة كان خلوها 180 نفس الفكتوريا

على فكرة قير الفكتوريا مايتحمل سرعة 200



** كلامي هذا مو كره للفكتوريا بالعكس السيارة جيده جدا لكن بدأت تخرج من دائرة المنافسات ،،،
الشركات الثانية اصدرت 3 او 4 اجيال والفكتوريا مكانك قف


تحياتي للجميع وآسف على الطالة

وجهة نظر قابلة للصواب وقابلة للخطأ وبعيده عن التعصب|3|

بالعكس سعرها فيها

كافي انها "امريكي"

ومين اللي يقول ان الفورد يطلع عليها 4 سلندر

مافي امل ولا كمان 6 سلندر

والفورد كراون سيارة جدا مريحة ووممتازة وخراباتها قليلة (مين اللي يقول مشاكلها كثير)

على الاقل هذي السيارة احسن من بعض السيارات اللي مدري ليش سعرها مرتفع

مثل هيونداي ازيرا سعرها غالي بس مدري ليش!!! كافي انها كورية

:eek: والسعر والسرعة كلها بارتفاع

عسى الله يجيب لنا الخير أنشاء الله

اليوم مريت على توكيلات الجزيرة و لقيت السبيشل ايديشن بسعر 92 ألف و الفرق عن الستاندرد الدعسة و الجناح و الجنوط

ما عندهم الستاندرد

بصراحة السعر مبالغ فيه العادة وكلاء السيارت يقولو اليورو و الين مرتفع لكن الفرد امريكي ليش يرتفع سعره ؟؟؟؟؟

يا اخي احسب وزن السيارة وطولها مو بس السرعة
والفورد مسامحة ما فيه سيارة ما تخترب لكن ما اسميها خرابات هذه لان خراباته مثل باقيها من السيارات
وانت الظاهر تحب الكامري والتويوتا ويمكن ما شفت انت السيارة

معكم حق السياره غالي عليها 85.000 الف ريال

اول شي انا ماقارنتها بالكامري
لاكن اقارنها بمثيلاتها 8 سلندر
بالمقارنه فيهم الفورد ضعيف جدا
تقول عليه مكينه 4 سلندر حتى بعض 4 سلندر تروح عليه فكيف 6 سلندر
وثاني شي مواصفاته مافيه بس راكب على مرتبة وقير ومكينه وكم 85 الف صراحة غالي عليه جدا
وتقول الفورد مايخرب كثير روح شوف مواضيع المنتدى كلها تشتكي عن خرابات الفورد والورشات تشهد لاتقول هذا حاقد على الفورد بالعكس عندي افضل السيارات الامريكيه من الكابرس واللومينا وغيرهن .