تمرين السيارة الجديدة واهميته

والله موضوع حلو

لازم حنا نستفيد اذا شرا واحد سياره ما يعدمه على طول

اول شئ مشكور على الموضوع

بصراحة اول ماطلعت الكامري حقتي (( 2002 ))
تمرنيها :
ماتعدا 80
المكيف ماشغلة
مادعس عليها بقوة
جالست على هالحال لين مشيت 1000 وبعدها شغلت المكيف وامشي عليها عادي


شوف اخوي لاتسمع كلام احدي

السيارات اول مطلعها من الوكالة مرنها افضل لك

مشكورين جميعا على إثراء الموضوع بالأخص traveller ومارين. وننتظر موضوع المتخصص.

مشكور مرة أخرى عاشق speed على إثارة هذا الموضوع المفيد.

وأخيرا شكرا لي لنسخي الموضوع إلى الورشة.:D

الف شكر لكم جميعا وخصوصا الاخ مارين.
وبانتظار موضوعك اخوي متخصص السيارات.

الله يحييك يا اخ عاشقspeedواقول لك انتبه من السرعه تراها خطيره واشوف ان الاخ مارين ما قصر بصراحه شرح كل شي وهو اخبر بالشغلات الميكانيكيه بحكم مواضيعه السلبقه وشكرا اخوك traveller.

انا شخصيا راح اجهز موضوع خاص للتمرين وارفقة باذن لله

السلام عليكم

ما يسمى بتمرين السياره الجديده ينطبق على غالبية السيارات ومن النقاط المهمه في التمرين ...

عدم التسارع بالسياره وكذلك عدم التوقف المفاجئ يعني لا تراقب عداد السرعه نهائيا بل راقب

الار بي ام وفي الالف كيلو الاولى يجب ان تكون القيادة بين 2000 و 2500 دورة للمكينه وعدم الثبات

على ار بي ام معين وفي هذا تمرين لجميع اجزاء السياره من الدفرنس الى القير الى المكينه الى الفرامل

يعني حاول تمشي شوى على 1800 دوره وشوي 2500 وشوي 2000 وهكذا ...

وعند اعادة السياره للوكاله لفحص الالف كيلو سوف يقومون بتغيير الزيت وهو ضروري جدا هو والفحص الي

بعده حق الخمس الاف كيلو اما زيت القير فلا يغير اذا كانت السياره قير عادي واذا كانت تماتيك فلكل شركه

صانعه كيلوات معينه لتغيير الفلتر وبعض الزيت الذي سوف يخرج مع الفلتر ومعدل تغييره 15000 كيلو...

وبالنسبه للسفر ليس فيه اي مشكله نهائيا في حالة تقيدك بما ذكر وليس هناك سرعه معينه وانما دوران محدد

للمكينه فمثلا الكسز 400 او 430 عند التمرين ممكن تصل الى سرعات عاليه في حدود 200 وليس هناك اي

مشكله حيث ان السياره صممت لتعمل على دوران منخفض وهذا الكلام ينطبق على سيارات كثيره ...

وهناك مجموعه تعمل على دوران عالي لا تستطيع ان تتعدى المية كيلو في التمرين ...

ارجو ان اكون قد وضحت ما يمكن ان يستفاد منه ...

وللجميع التحيه

مارين

شكرا اخوي traveller على هذا التوضيح لكن ودي تشرحلنا طريقة تمرين السيارة
وهل تشغيل المكيف في فترة التمرين يوثر على المكينة .

والف شكر على مجهودك اخوي.

أنا على علمي و بما أن الوالد طلع سيارة يديدة قالوله الوكيل أن في اول 1000 كلم لازم ما تسرع اكثر من 100 و لا تضرب بريك مفاجئ قوي و لا تمشيها على أماكن وعرة بسرعة.. هذا على علمي.. اعتقد في اشيا ثانية بعد..
بالتوفيق..

انا اقول على حسب معرفتي البسيطه بالسيارات والشغلات الميكانيكيه ان تمرين السياره ضروري جدا لاطالة عمر محرك السيارة والغريب اني اول مرة اسمع عن وكالة سيارات تقول انه غير مهم مع انهم يتحملون صيانتها تحت فترة الضمان وانا اعرف شباب مروا بالتجربه ولا مرن السياره طلعها من الوكاله ومسكها خط سريع وتجاوزت سرعته 160كم/بالساعه واستخدمه على هالحال لمدة اسبوعين وخبطت المكينه(خلطت ماي وزيت )وواحدنفس الطريقه بس عدم راس الماكينه وفترة التمرين وظيفتها تنعيم الاسطح الداخليه لسلندر المكينه واللي البساتم تتحرك عليه وبالتالي تقلل الاحتكاك مما يزيد عمر المحرك والسياره الجديده عادة يكون فيها زيت خفيف من نوع خاص للتمرين وما يتحمل السرعات العاليه علشان كذا الناس تغير الزيت اول ما يخلص تمرين السيارة ثانيا نصيحتي لك ولاصحاب السيارات اللي ماتمرنت او الجديده بزيادة فترة التمرين الوكاله يقولون 1000كم على الاقل وكل ما زدت كان افضل ارجوا ان تستفيد من كلامي هذا وشكرا اخوك traveller.