اخبار جديدة عن الباجيرو والاوتلاندر2008

في الإمارات الموديل 2008 بتدون شاشة!
وسعره 127000 درهم

الله يسلمكم ياشباب
وشاكر مروركم والله ما شاءالله الباجيرو له شعبيه كبيره بين الشباب
وبالنسبه لسؤالك اخوي mnsalmns رحت للوكاله وسألت الموظف قال انه غير متأكد الى الان
لان الكتالوجات ما وصلت ويقولي ليش مستعجل الخبر اليوم بفلوس بكرة ببلاش......:D
بس ترى ما بقى الا القليل وينزل لانه قال في بداية شهر 11/2007 ونحن اليوم 29/10/2007 يعني ايام قليلة.
وتحياتي للجميع

اللة يستر .... إنشاللة يكون كلام المندوب غير صحيح لأن الصراحة إذا ماكانت الشاشة أصلية من المصنع إحتمال كبير يكون شكلها مو راكب مع باقي ديكورات السيارة ....

لما رحت للوكالة اسأل عن الباجيرو 2008 عندنا بالكويت، قال لى مندوب المبيعات ان شاشة الملاحة الى راح تكون راكبة ماراح تكون الاصلية من المصنع. الظاهر انها راح تكون شغل ترهيم من الوكالات عندنا. المندوب ماعنده خبر عن الكاميرا الخلفية لانهم ماتدربوا على الشاشة بعد والتدريب راح يكون بعد اسبوع.

الدف لوك اكيد موجود على الفئة العليا كتجهيز اساسى ورايته بنفسى.

يا ليت أي معلومات جديدة عن الباجيرو تطرح أولا بأول

وخصوصا السعر والكاميرا الخلفية وأيضا الدف لوك

اقل توع للاوتلاندر 2008

79 الف

هههههههههههه وانت للحين على عام 2020

مشكورين على المعلومات شباب

الحقيقة حاولت أتحقق من المعلومه و لقيت إنة إنذكر بكذا موقع (و هالمنتدي من ضمنهم) إن السيارة راح تجي بدف لوك خلفي ....

على كذا السيارة راح تجي بشاشة + دف لوك إنشاللة و ياخبر اليوم بفلوس بكرة ببلاش

الله يعطيك العافية على البشارة

وأبشر بل الخير أذ بشرتني بموديل 2020 لأني ناوي أطقلي بواحد بس الميزانية ماتسمح حاليا


يعطيك ألف عافية

أخوك أبو أنس

يا اخوان ممكن احد يعلمنا اذا راح يجي فيه كاميرا للرجوع الخلفي مثل الباثفايندر 2008 وله لا؟

أخوي بو فيصل

ممكن طيب تتأكد لنا من سالفة الدف لوك (الحقيقة انا أدرس برا مفا أقدر أروح للوكالة بنفسي)

شخصيا اشك انهم راح يوفرونها

** حياك الله اخوي start over والله للأسف ما سألت عنها لانها في اخر الصالة وتوهم جايبينها

** ارحب مرورك اخوي almuflhy 1 بصراحة ما ادري اذا فيها الدف لوك لاني ما سألت عنها واذا كان فيها الدف والشاشة وبالسعر اللي ذكره لي الموظف والله انك صادق انه راح ينافس الاند.

** حياك الله اخوي pnrb كلامك صحيح 100% |1|
** ارحب فيك يالغالي mnsalmns لكن على قولهم زيادة الخير خيرين .

وتحياتي للجميع

الف لوك الخلفى يأتى بشكل اختيارى وليس تجهيز اساسى. قرأت بعض المقالات البريطانية وكلها تذكر وجود الدف لوك الخلفى وبأنه اختيارى.

بالفعل الباجيرو عندنا بالكويت من انجح السيارات ومرغوب بشدة. الامر المضحك هو ان غالب المستخدمين لم يجربوه بالبر نهائى :)

غالب الذين يشترون الباجيرو يستخدمونه على الطرق المعبدة والكثير منهم لا يضعونه على الدفع الرباعى ابد. الناس عندنا ترغب بالباجيرو بسبب اعتماديته العالية جدا جدا وراحته على الخطوط المعبدة ومقدرته على التعامل مع جميع الاحتياجات اليومية. اذكر عندما كان اخى يبنى بيته كان يستخدمه لنقل الطابوق والاسمنت وبعدها ينظفه ويأخذ العائلة للسوق أو للزيارات :)

على فكرة عندكم بالكويت انتم ماشاللة اكثر ناس تقدر قيمة الباجيرو بالخليج ... منتشر عندكم ماشاللة

انا ما اختلف معاك بفائدة الدف لوك لكن عندي ملاحظتين:

أول شي رحت لموقع متسوبيشي البريطاني بس مالقيت خاصية الدف لوك في السيارة (الي لقيتة إقفال للدفرنشيال الوسطي مع نظام للتراكشن) فهل متسوبيشي أصلا توفر الدف لوك في السيارة؟؟؟؟؟

الشغلة الثانية أعطيك مثال الجيب الرانجلر(rock-trac) و الجراند شيروكي (quadra-drive) و الديفندر كلهم من أقوي سيارات الدفع الرباعي و من غير دف لوك (لكن طبعا تتمتع هاذي السيارات بأنظمة دفع رباعي ممتازة مثلها مثل الباجيرو)


أحب أوضح مرة ثانية إني ماأقول إن الدف لوك مالة داعي لكني أقول إن وجودة بجانب نظام دفع رباعي متطور أهميتة راح تقل........ لكن وجودة يظل مفيد طبعا

الباجيرو بالفعل جبار. الامر يعتمد على المستخدم. للشخص العادى الى قد تكون طلعات البر والتطعيس امر يقوم به مرة او مرتين بالسنة وبالعادة تكون بالاماكن المعروفة، فإن الدف لوك ليس له حاجة. اما بالنسبة للشخص المغامر الذى يحب ان يذهب الى الاماكن التى لايذهب لها إلا المغامرون ومستعد ان يتحدى كل الصعاب، فإن الدف لوك سيكون امر اساسى وضرورة ملحة :)

رأي الشخصي إن الباجيرو ماشاللة جبار و التقنيات إلي فية تخليك ما تحتاج مره للدف لوك

ولا وش رايكم؟؟؟

مشكور أخوي
بس إذا كانت فيها الدف لوك حتنافس بقوة الإندكروزر الجديد

مابغت توصل هالسياره
وذا عندك اي معلومات عنها لاتقصرمعانا
وشكراالك
|3|