والله تحيرت بينهم المشكلة الكامري ذبحتني دايم تتأخر ومو محصلها لأنه عليها الطلب بشدة والحجز على ودانه مو بس في الكويت في دول كثيرة المملكة طالبة 5000 حبة .
وشكلها الجديد من ورا مو شي .
لكن الأفالون فيها فخامة وقالوا في الوكالة أنها مكينة وجير وشاسي هي كامري ما فيه فرق .
لكنها أغلى من الكامري على العموم ما يفرق معاي .
لكن ....................
الكامري قالوا لي عنها الربع أنها مرغوبة وتنباع بسهولة وقطع غيارها في كل مكان مو مثل الأفالون .
ولما سألت عن الأفالون قالوا لي ما هي مرغوبة لكن ما يطيح سعرها لأنها لا زالت تويوتا .
وأنا أعرف الكامري كد ومد وارتحت لما دريت أن الأفالون نفسها في الماكينة والجير والشاسي .
لكن اللي ريحني في الأفالون شغلات :
1 - الماكينة والجير والشاسي مثل الكامري .
2 - قطع غيارها مثل قطع غيار الكامري بالسعر ما هي غالية .
3 - أنها تويوتا يعني قطع غيار تعمر وسيارة كد ومد وتستحمل .
4 - ديكورها من داخل وفخامتها من برا أحلى من الكامري .
لكن ذبحوني الربع بالكامري وأنا عاجبتني الأفالون .
لكن أخاف آخذها وبعدين تطيح بكبدي ما ألقى اللي يشتريها مثل الكامري أو يطيح سعرها .
صراحة أنا متحير وصج إني أزعجتكم وطولت عليكم لكن تكفون ريحوني :
آخذ الكامري ولا الأفالون ؟؟؟؟؟؟؟؟؟؟؟؟؟؟؟؟؟؟
