مرحبا ياشباب
حيبت اسألكم هالسؤال الخفيف:
وش تفضل؟ سيارة كوبيه أو سيدان أو سيارة دفع رباعي؟؟
الحقيقة أي واحد فينا لما يقرر يشتري سيارة تكون الخيارات امامة كثير و محيره و كل نوع من انواع السيارات لة ميزتة
مثلا الكوبيه سيارة رياضية و شبابة و مظهر حلو و لها سحرها في الطريق .... لكن بنظري تنقصها العملانية يعني ماتقدر تركب فيها ناس كثير أو ماتقدر تشيل فيها أغراض واجد
السيدان كثير منة شكلة حلو (انا ما أقول شكلها بشع) لكن ما أدري لية دايما تحس إن الكوبية دايما يغلبها بالشكل (على الأقل بالنسبة لي شخصيا) ... لكن مزية السيدان إنها عملية أكثر من الكوبيه و في الغالب تكون سواقتها أريح لأن كثير من سيارات الكوبيه يكون تعليقها رياضي
سيارات الدفع الرباعي من أكبر مميزاتها طبعا انك تقدر تروح فيها أي مكان (البر مثلا) و ميزة حلوة ثانية فيها انك تحس انك فوق الزحمة في الطريق و هاذا شعور حلو... بس سيارات الدفع الرباعي بالغالب تكون أقل راحة من باقي السيارات و خصوصا للمسافات الطويلة لكنها طبعا عملية جدا و تشيل لك إلي تبي سواء أفراد أو أغراض
يعني الخلاصة... الكوبية رياضية و مظهر ... السيدان عملية و مريحة... الدفع الرباعي عملية لكنها أقل راحة (طبعا أنا اتكلم بشكل عام و ما اتكلم عن موديلات محددة)
عشات كذا حبيت اعرف ذوق الإخوان من هالمسألة (لأن العملية في الأخير مسألة ذوق و مافي إختيار غلط هنا)
عن نفسي.... انا احب سيارات الدفع الرباعي لكن السيارة الي عندي مو عملية (رانجلر) ... كان عندي قبلها سيدان و كانت مريحة جدا لكن ما أدري كنت دايما أشوف السيدان شكلة ممل خصوصا بالمقارنة مع الكوبية .... الحقيقة ماقد شريت كوبية لكن سقت كذا وحدة و الصراحة شكلها رياضي و شبابي حلو و إذا هي من الموديلات الفخمة (إنفينيتي , لكزس أو مرسيدس إلخ) راح تلفت الإنتباة بشكل أكبر لجمالها
هاه... وش رايكم؟؟؟
