بالنسبة للي يتكلم عن اسعار قطع غيار الحوادث ..
يخوي الله يخلي التأمين
انا انسان بشتري بـ 130 ألف سيارة .. عاجز لا اسوي عليها تأمين شامل بـ 5000 ريال ؟؟!!
وأريح راسي .. لو اشيل البيبان كلها بالعافية :D
دائما أقول للى يفكر في الحوادث ؟؟؟؟ انت رايح تصدم كل شهر
اللى يفكر بالحوادث خله ياخذ له موديل قديم و يريح بالة :D
و زي ماقلت اخوي التأمين يحل المشكلة
جزاك الله كل خير أخوي بومحمد
وخير ما سويت إنك سألت بنفسك في الوكالتين لأن ما حد بيفيدك ويشرح لك صدرك إلا لسانك والسؤال في المكان الصحيح
ومثل ما تفضلت، الأسعار متقاربه وما أشوف بينها فرق
ختاما، أدعي لك من كل قلبي أي يطرح لك البركه فيما تختار ومبروك مقدما
تقبل حبي وتقديري
هلا و ميت هلا ,,, الحمد الله على السلامه و ما تشوف شر ,,,
بشر أستلمت السيارة الجديدة ؟؟؟ الله يبارك لك
معليش بخرب شوي ياخي طلع البرادو وابشر بطلع لك تخفيض اكتر من 30%تعرف محلات قطع غيار التيوتا زي الرز اضربلك متال الصناعية القديمه بمتداد شارع 500متر اغلبية محل قطع تيوتا دور وبتحصل الي يعطيك الارخص فيهم ماهم خسرانين شي حتا لو قريب من سعر الجمله بس يضل الباجيرو جيب ممتاز وله مكانه واحترام خاص
هلا و هلا و هلا ,,, بل العكس ما تخرب على ابدا أنا وضعت الموضوع عشان يستفيدون الاعضاء
و تناقش و نستفيد من خبراتنا ,, بالنسبة لمحلات قطع غيار تويوتا منتشرة و الله انك صادق 100 %
لكن أنا حبيت أخذ الاسعار من الوكالة لان السعر محدد و رسمي في كل الوكالتين ,,
بالنسبة لموزعين قطع غيار متسوبيشي للاسف ما عندي خلفية عنهم .....
تحياتي
و الوكيل بتقولي ان لطوف الدايخ مثل العيسائي مافيه وجه مقارنه ابد ابد ابد
وفعلا فيه احيان تنقطع بعض القطع واحيان تشطح الوكاله و الموزعين ببعض القطع
شوف انا كان ودي بالباجيرو بس اني داري وكيله كيف الحال وانه مقرف يكفيك انهم مره سوقوا الزينون حق واجهة الماجنا بالكامل لزميل لي ومهب بسحكاني شفت بنفس
وغير واحد من اخوياي فكو له مثبت السرعه حقه واخذوه ويوم طلعنا خط يضغط فيه ماعندك احد ( وكان شغال قبل انا سايقه بنفسي ومتأكد)
وداه لهم قالوا له انت فاك الجهاز !!! طبعا مكين ياطرطع طرطعه ( مهبل ما طاحوا الا بواحد معضل ) يانفضهم نفض ههههههههههههههههه رجعوا له واحد جديد وتأسفوا بعد
للاسف كثير سيارات ماخربها غير الوكلاء السيئين
صادق ,, صادق لكن يكون بعلمك انة كل الوكالات عندنا بالسعودية خايسه ,,,
و لكن درجة الخياسه تختلف بين وكيل و اخر ,,,, أذكر لك قصتين وحدة مع فورد توكيلات الجزيرة
والثانية مع تويوتا ابو جميل ,,
مع نسيبي فورد اكسبديشن وداه للوكاله عشان الصيانة الدورية و كان من ضمن التشييك اشياء كثيرة
لكن أتذكر منها تغيير بواجي و تغيير مكان الكفرات الاربع يعني تقليبها على شكل x
راح أبو نسب يستلمها يوم شاف الفاتورة كان من ضمن المكتوب فيها البواجي و الكفرات
كان الكفرالامامي فيه علامه يعرفها نسيبي ,, شاف الكفر ما غيرو مكانه مازال في الامام ,, وبعد
الشييك لازم يكون في الخلف ,, راح سأل المهندس المسؤول قاله نعم أحنا غيرنا مكان الكفرات,,
طلع نسيبي من الوكالة معصب ,,, اذا كان يكذبون على في تغيير مكان الكفرات على شكل X فما بالك
في البواجي و الاشياء الاخري ,, وش يضمن لى انهم غيروها هذا غيض من فيض ,,,,,
اما تويوتا : مع جارنا لكزس وداها الصيانه و قالوله بعد يوم الاستلام ,,,, جاهم بعد يوم لكن ما
خلصت ,,,, أتصل جارنا على موظف يعرفه في تويوتا و علمه السالفه ,,, يبغاة يعجل فيها لان جارنا
متعطل .... و كان الخبر الصاعقة الفني صادم فيها من عند الرفرف الامامي في الورشه يعنى صدمه
خفيفة لكن تحتاج سمكرة و بوية ,,, شفت اشلون الغش و الاحتيال على الزبون ,,, يعنى جارنا لو ما
اتصل على خويه موظف تويوتا و شاف السيارة كان الورشة ما خبرو جارنا بالصدمة و سمكروها
بدون ما يدري ؟؟؟؟؟؟؟؟ لكن جارنا ذيب و الله يا رجهم رج و فشلهم قدام الله و خلقه و عطوه الوكاله
امتيازات فى الصيانه لاكن ما تحضرنى الحين ,,,,,
اما وكيل نيسان فهو أسوء من السيئ حتى النخاع
في النهاية أعتقد من وجهة نظري الشخصية انه جميع وكلاء السيارات عندنا في السعودية سيئين
جداااا و لكن أفضل السيئين هو عبداللطيف جميل ( ابو جميل ) تويوتا على الاطلاق و ما فيه وجه
مقارنه بينه و بين الوكلاء الاخرين
و شكرا لك
