تويوتا في الخليج حاليا ... شاركونا الرأي

السؤال هذا جاءفي بالي
وصراحه على كثر الأنتقادات اللي اسمعها
في سيارات تويوتاأنا قلت شكلهاماعاد احد
يشتري منها لكن الواقع شي ثاني
وللأسف ماعندي اجابه
لكن يمكن ان أكثر الناس
تفكيرها كم تجيب السياره لجيت
ابيع ورخص قطع الغيار
حتى لوكانت ماتسوى سعرها

أخ عاشق دايو مع اني ما فهمت شي من ردك ؟؟
بس انت ما جاوبت على سؤالي
ليش رغم الإنتقادات و المآخذ على تويوتا ما زالت مبيعاتها في إرتفاع ؟؟

أنا وياك مستر ماجنا في مسألة بلد التصنيع لأن عما قريب راح تشوف معظم الشركات أتبعت هالنهج و راح تصنع سياراتها برا اليابان
أما مسألة الكسل و إقتناع الناس برخص التويوتا فهذاك أول و ما أعتقد أحد بياخذ تويوتا قبل ما يعرف أسعار المنافسين على الاقل




أوافقك الرأي في مسألة السيارات الكبيرة
أما المتوسطة و الصغيرة فالتويوتا لا تزال مسيطرة بحسب رأيي و بأكثر من السابق

انت تدري ليش انا كتبت هالموضوع
لأني صار لي فترة اشوف ناس يتشكون من الكورولا الجديد و الكامري الجديد من نواحي عدة

بس اللي شفته يضحك و يبكي
يعني يوم اللي نزلت الكورولا كنت بروح الوكالة عشان أشوفها .. تصور شنو شفت ؟؟
حشد كبير غير متوقع ملتم حول الموترين الكورولا و اللاند
و يوم ثاني أشوف 3 كورولا في الشارع ؟؟ :eek:

طيب ليش ؟؟
هالتشكي و السعر اللي يكسر الظهر و بعد الموتر ينتشر بسرعة هائلة

حدث ثاني .. كنت رايح مع واحد من الربع العام اللي فات بنطلع له كورولا قالوله أنتظر شهر أو شهرين ؟؟ لأن الدفعة الحالية كلها محجوزة ؟؟

من هالأشياء اللي شفتها لازم أتعجب و تأكد أن تويوتا ما زالت مسيطرة على سوق السيارات الكبيرة و المتوسطة و السبب نحن

فعلا أخوي أوافقك الرأي في مسألة خوف الناس من التغيير
لكن المسألة لين فيها ألف أو ألفين دينار
ما أعتقد هالخوف بيتم مسيطر

نتنمى نشوف مزيد من الآراء

تعرف شو مضحك في الموضوع أن ناس ما قادرة تستقبل

أن في شركات الصارت تنافس تويوتا

وهذا مهما كان هذي مسألة وقت حتى تتغير أفكار الناس

لأننا نحن الشباب نجرب الجديدة شوف من توقع أنت تقدر تاخز سيارة كورية بدون أعطل

في حال أبائنا جربوا القديم و تويوتا هي الوحيدة التي أثبتت قوته في حال الباقي فشل

وحكم عليه با السمعة قديمة أما الجديد الكل يستطيع أن يثبت نفسه

شكرا

اخوي ... كل الشركات تصنع في دول اخرى و السبب ان العماله ارخص ....
مثلا الكامري تجمع في استراليا ... و المزدا 6 تصنع في اليابان .... ولكن السيارتين بنفس السعر ؟؟ ويمكن المازدا ارخص هذا شي غريب !

اسعار التويوتا كلها مرتفعه .... و بعض السيارات سعرها مايناسب مواصفاتها ... يعني تجيك سياره مثل الكامري بسعر 8400 دينار و تقارنها باي سياره في شركه اخرى ... السيارات في الشركات الاخرى مواصفاتها اكثر و السعر اقل !!

التصاميم .... الصراحه ماتقدر انك تحكم على هذا الشي و السبب ان كل واحد و عنده ذوق في الاختيار !

الاقبال على سيارات تويوتا ... عندنا في البحرين احس ان الاقبال صار اقل من السنوات الي راحت
و الشركات هم اكثر ناس ياخذون من التويوتا ( يارس )
و اعتقد ان تويوتا نجحت ( في البحرين )في السيارات الصغيره اكثرمن السيارات المتوسطه والكبيره !

و ليش الناس تشتريها ... الناس تخاف من التغيير

بصراحة انا مااشوف اي مشاكل في مسالة بلد التصنيع لان اي شركة سيارات ماراح تخاطر بسمعتها مقابل الرخص وخصوصا شركة مثل تيوتا عشان كذا لو كانت مثل ماييقولون انه كورولا الجديدة من تركيا فانا شخصيا ذكرت سابقا انه تيوتا في تركيا بالرغم من عدم شهرتها الا ان السيارات التركية قوية في التحمل وانا اضيف الان ان شركة كبيرة مثل تيوتا لاتريد ان تخاطر بسمعتها في اكبر سوق لها في العالم الا وهو سوق الشرق الاوسط بحيث تحضر الى السوق سيارات سيئة
اما مسالة التناقض فهي الكسل في التفكير حيث ان الناس اقتنعوا بفكرة رخص التيوتا ايام ماكانت مثل هيونداي الان ومازالت الفكرة في راسهم ولاهم راضيين يفكروا ويقتنعوا بتغيير الفكرة
طبعا الاسعار يحددها الوكيل مع العلم بان اسعار السيارات في العالم كلها ارتفعت والمواصفات يحددها الوكيل وعاد هو وذمته
هذا رايي واتمنى انه كل شخص يصحح لو فيه غلط واسف على الاطالة
سلام عليكم