السلام عليكم ورحمه الله
اخواني انا اليوم جاي اشوركم وابي وقفتكم معي واخذ رايكم بخصوص الالتيما 2008 طبعا قبل يوم رحت للوكاله وشفت السياره واعجبتني كثير جيت للمواصفات وسئلت الموظف الموجود عن مواصفات السياره
قالي مميزاتها والاشياء الجديده طبعا عندي معلومات سابقه عنها من المواضيع اللي موجوده بالمنتدى واللي طرحو تجاربها الاعضاء بخصوص هالسياره وما قصرو ومتابع بعنف لكل موضوع ينزل عن هالسياره بالمنتدى
المهم لقيت فل كامل 4 سلندر مراتب جلد و6 سلندر مراتب مخمل وهي فل كامل سئلته الفل كامل بالسته سلندر ما يجي جلد قال موجود بس ما فيه عندنا بالوكاله بس نطلبها لك طبعا اربعه سلندر غاسل يدي منها انا اللي اقصده وناوي عليه السته سلندر
قلت وش الفرق بين الفل كامل بين السيارتين (6سلندر) والمعروض هنا عندكم قالي بس المراتب جلد ووسائد هوائيه على الجوانب وتخيلو الفرق 11 الف
المهم يا جماعه الخير ابي مشورتكم بالسياره ترى مالي خبره باليابااني نهائيا خبرتي امريكي
وقررت على الالتيما بس ما ادري من نا حيه استخدامها قطعها جودتها عمليه او لا ومن هالامور
لانه بصراحه مبلغها مره غالي وحبيت اشوركم قبل ما اشتريها
تقولو سعرها لما تبغا تبيعها يطيح انا انسان بقتني يعني مستخدم ولا افكر بهالامور
لقيت الفل كامل سته سلندر مراتب مخمل 98 الف من غير الرسوم الاداريه
فل كامل ونفس المواصفات بس مراتب جلد 109 الاااف>>فرق 11الف طبعا الكل زنون
ولا تقصرو معانا انتظر مشورتكم وتجاربكم عن هالسياره لانه بكل صراحه شرائي لهالسياره يتوقف
على ارائكم ومشورتكم للي شفته من وقفت الاعضاء وتعاونهم ومجهودهم الكبير بالمنتدىوبأسرع وقت لانه ناوي اشتريهابالكثير الاسبوع الجاي تكون معاي
لا تبخلو على اخوكم بشي بأي معلومه بسيطه ربما تكون مهمه لي وتقرر بشرائي للسياره او لا
وجزاكم الله الف خير.
